Matiu 7:13 - Ika

¹³ “Ghashi ni ọnụ-mgbọn hụ mẹ warara. Makẹni, ọnụ-mgbọn wẹ gha a banye ntikpọ shịa ashịa, ụzọ a e ruchanrịn ịhịan a gha; ndị ghakọ ụzọ hụ bu ọda.

Matiu 7:13 ပူးပေါင်းရင်းမြစ်များ

Jẹnẹsisi 6:12

Osolobuẹ a hụngụọ a nị ụwa rụ arụ, makẹni ịhịan ile a mẹrụchanrịngụọ enwẹn wẹ imẹ ụwa.

Jẹnẹsisi 6:5

Osolobuẹ a hụn a nị eje-ihiẹn hụn rị imẹ ịhịan rị a waye elu-ụwa lẹni eje-ihiẹn kẹ w'e ro ogẹn ile,

Itẹn 16:25

O nwọnghọ ụzọ rị ịhịan mma ẹnya, kanị ọnwụn k'o shikọ.

Itẹn 7:27

Ụlọ a wụ ụwaya wẹ gha e shi ili, wẹ a gha a a pụ ebe ọnwụn bi.

Itẹn 9:6

Hapụ nị nzuzu ụnụ kẹni ọnụ rị ndụn; ghama nị ụzọ nghọta.

Azaya 1:9

Omẹni Osolobuẹ ihiẹn ile rị okpuru ẹ ete latọnịnị ẹnyi ndị ọ latọnị ẹnyi, nkẹ ẹnyi a rịgụọ kẹ obodo Sodọm, nkẹ ẹnyi a nọgụọ kẹ obodo Gomora.

Azaya 35:8

Okẹn ụwaya k'a rị nwan alị hụ. Ẹfan a k'a wụ “Ụwaya-nsọ.” Ndị rịlẹni ọchan aghakọ a. Ndị hụn a gha ụzọ Osolobuẹ sụọ k'a gha a. Ndị marịnlẹni Chuku aghakọ ebẹhụ.

Azaya 55:7

Onyẹ eje-omumẹ ya la eje-obibi ẹ tọ; eje-ịhịan ya la eje-iroro ẹ tọ. Ya kinhẹn d'e kunrun Osolobuẹ, n'ọ hụn ụzọ mẹn'ẹ omikẹn; ya kinhẹn d'e kunrun Chuku ẹnyi, makẹni o k'a gbagharịchanrịn a.

Matiu 23:13

“Kanị nsọngbu rị e che ụnụ ndị-nkuzi Iwu lẹ ndị Itu-Farisi, ndị ihunnaị! Makẹni ụnụ a kpọkin ụzọ Alị-eze elu-igwee: ụnụ abanyeni, ụnụ eyekọ ndị chọ nị wẹ banye efe banye.

Matiu 25:41

“Ogẹn hụ, o sikọ d'a sị ndị hụ rị ẹka-ekpẹn ẹ, ‘Pụnị nị m ebeni, ndị wẹ bụ ọnụ! Shi ni ọkụn itẹbitẹ hụn wẹ kwademẹni Ekwensụ lẹ ndị mmọn-ozi ẹ!

Matiu 25:46

Ogẹn ahụn, e shi wẹ d'a tama afụnfụn itẹbitẹ, kanị ndị ezi-omumẹ e shi ndụn itẹbitẹ.”

Matiu 3:2

“Rogharị nị, makẹni alị-eze elu-igwee a bịagụọ d'a kịma!”

Matiu 3:8

Mịkwọ nị mkpụrụ ghọsị nị ụnụ e rogharịgụọ;

Matiu 7:14

Kanị, ọnụ-mgbọn wẹ gha a banye ndụn mẹ warara ọda-ọda, w'a fagha ụzọ a a fagha; ndị a hụnn'a ebuni ọda.

Luku 14:33

Ẹrịrazịkwọ, onwọnni onyẹ ọwụlẹ imẹ ụnụ hụn k'a s'ẹka wụ onyẹ nsọnmazụụn m mmanị ọ latọchanrịn ihiẹn ile ọ nwọn!

Luku 9:33

Ogẹn ikẹnnyẹ ẹbụọ hụ gi gha ebe Jesu rị pụkọ, Pita nọ sị Jesu, “Di-nwọnni-ẹnyi, ọ rịka mma nị ẹnyi nọdịchanrịn ebeni! Nị ẹnyi tụn ọdụ ẹtọ: nke i wụ ohu, nke Mozizi wụ ohu, nke Ẹlaịja wụ ohu.” (Pita amarịn ihiẹn o rị e ku.)

Jọnụ 10:9

Mmẹ wụ ọnụmụzọ. Onyẹ gha m banye sikọ d'e nwọn nzụọpụha; o k'a gha e jẹn, a lụa, a hụnsọnmẹ ẹfịfịa e ri.

Jọnụ 14:6

Jizọsị nọ sị a, “Mmẹ wụ ụzọ lẹ ezioku lẹ ndụn. Onwọnni onyẹ a bịa d'e kunrun Chuku-Nẹdi mmanị ọ ghaha ẹka m.

Ọrụn Ndị-ozi 3:19

Rogharị nị nwan ụnụ e kinhẹn n'o finchanpụ ụnụ njọ,

Ndị Rom 9:22

Kị rị a omẹni Osolobuẹ kpachanpụ ẹnya gi okẹn ndidin sọn ndị ọ sị o k'e tikpọ, kẹni o gi ihiẹn o k'e mẹ wẹ ghọsị iwe-lẹ-ọnụma a, mẹ ịhịan marịn ikẹn ẹ?

Ndị Kọrẹntị Nke Ẹbụọ 4:4

Mmọn rị a kị ụwanị e kẹnkingụọ ẹnya ndị kwerilẹni, amamgbe w'e legha ukpẹ oziọma rị a ghọsị wẹ banyeni onyẹ Kraịstị wụ; Kraịstị hụn o mẹ ni onyẹ hụnn'a a hụngụọ Osolobuẹ.

Ndị Kọrẹntị Nke Ẹbụọ 6:17

Di-nwọnni-ẹnyi sị, “Gha nị nwan imẹ igunrun wẹ pụha, ụnụ a rị ichẹn; emẹtụkwọlẹ ni ihiẹn rụnị ẹka: ogẹn ahụn kẹ m'e gi nabanhan ụnụ;

Ndị Galeshịa 5:24

Ndị hụn wụ nke Kraịstị Jizọsị a kpọgbugụọ ịhịan-mmaka wẹ te wụ lẹ ihiẹn a gụnn'a lẹ ihiẹn a sụọn'a elu obe Kraịstị.

Ndị Filipi 3:19

Wẹ shikọ ntikpọ; ẹfọ wẹ wụ Chuku wẹ; ihiẹn nkẹ e mẹ wẹ ifẹnrẹn kẹ wẹ gi a nyan isi; ihiẹn-ụwa ihiẹn-ụwa kẹ wẹ e ro.

Jọnụ Ibuzọ 5:19

Ẹnyi a marịnghọ nị ẹnyi wụ nke Osolobuẹ kanị ụwa ile rị okpuru Eje-onyẹ hụ.

Rẹvẹleshọnụ 12:9

Wẹ nọ tụtu Dragọnụ uku hụ ye elu-ụwa, agwọ mbụ-mbụ hụ w'a kpọ Ekwensụ, a kpọzị a Setanị, hụn e dufie ụwa ile; a tụtu wẹ kẹ ịya kẹ ndị mmọn-ozi ẹ.

Rẹvẹleshọnụ 13:8

Ndị ile bi elu-ụwa k'e fe ẹ, ndị ile wẹ delẹni ẹfan wẹ imẹ ẹkụkwọ ndụn-itẹbitẹ, ẹkụkwọ Nwa-ebulu hụ wẹ gbu nị wẹ d'e gbe iyetọ ụwa.

Rẹvẹleshọnụ 20:15

Onyẹ ọwụlẹ wẹ hụnlẹni ẹfan a imẹ ẹkụkwọ ndụn-itẹbitẹ, a tụ w'a ye imẹ odiyiri ọkụn hụ.

Rẹvẹleshọnụ 20:3

ọ nọ tụ a ye imẹ mgbugbu hụ migbu enwẹn ẹ, kpọkin mgbugbu hụ, fidọn ẹ, amamgbe o dufiezi alị ichẹn-ichẹn. Wẹ k'e dọnmẹ ẹ ebẹhụ d'e ru ni ahụa nnụ-uku hụ e zu. Ọhụn mẹgụ, wẹ k'a hatuzịrịrị a ẹkẹrẹ ogẹn.