Matiu 6:33 - Ika

³³ ka chụmagụ nị Alị-eze Osolobuẹ lẹ ihiẹn Osolobuẹ chọ, o sikọ d'e yezi ụnụ ihiẹn ndịnị ile.

Matiu 6:33 ပူးပေါင်းရင်းမြစ်များ

Ndị-nze Nke Ibuzọ 17:13

Ẹlaịja nọ sị a, “Atụlẹ egun. La d'e mẹ kẹ i dọn ku. Ka gha imẹ hụn ahụn i nwọn shigụnị m ẹkẹrẹ brẹdi, y'e wẹhẹni m'ẹ; y'e jẹn nwan d'e shi hụn yụ lẹ nwa ị jẹnkọ d'e ri.

Ẹbụ-ọma 112:3

Akụ-lẹ-ụba lẹ ẹfe k'e jun iwe ẹ; o k'e mẹsọnmẹ ihiẹn furuni jẹnrin ejẹn.

Ẹbụ-ọma 37:25

E mẹghọ m nwata, m wụ nwan ẹgẹdi, m'e ke hụn ebe Osolobuẹ nọ la ndị ezi-omumẹ tọ mọbụ nị ụmụ wẹ rịọma ihiẹn-oriri.

Ẹbụ-ọma 37:3

Gi Osolobuẹ dọn ẹnya, e mẹ mma; biri alị ị rị, e ri ihiẹn ezi-omumẹ rị e wẹhẹ.

Itẹn 10:3

Osolobuẹ ara nị onyẹ ezi-omumẹ e bu ẹgụn — kanị ara buchedẹ ẹnya ihiẹn rị a gụn eje-ịhịan.

Itẹn 28:10

Onyẹ du onyẹ ezi-omumẹ ye ụzọ rịlẹni mma k'a danban ọnyan ya lẹ enwẹn ẹ shitọ, kanị ndị e mẹ mma jẹnkọ d'e nwọnhẹn ihiẹn rị mma.

Itẹn 8:18

Ẹka m kẹ ẹfe (akụ-lẹ-ụba) lẹ ọghọ rị, akụ-lẹ-ụba hụn a tọnị lẹ ezi-omumẹ.

Ẹkịliziastisi 10:2

Obi onyẹ nwọn uche e shi ẹka-nni ẹka-nni, obi onyẹ nzuzu e shi ẹka-ekpẹn ẹka-ekpẹn.

Azaya 26:9

Uhinhin, m'a chọ ị ọda-ọda; o ru ụtụntụn, obi m ile hụzị a chọ ị — makẹni i yeọlẹ ụwa afụnfụn, ndị rị elu-ụwa e gi ẹ marịn ihiẹn ezi-omumẹ wụ.

Azaya 33:6

O k'e mẹ ẹnyi saẹka e wuzo imẹ ọnọdị ọwụlẹ — a zụọ ẹnyi a zụọsọnmẹ, e ye ẹnyi akọ-lẹ-uche lẹ amamihiẹn ọda-ọda. Ịtụ-egun Osolobuẹ sụọ wụ ihiẹn k'a rị a mkpa.

Azaya 45:24

Wẹ k'a gha a sị, ‘Osolobuẹ sụọ e mẹ ihiẹn furuni, ikẹn wụzịkwọ nke ẹ.’ Wẹ ile hụn bun'ẹ olulu k'a bịa d'a rịọ a, ifẹnrẹn e mẹgbu wẹ.

Jerimaya 23:6

Ọ kịma, Juda a hụn isi, ihiẹn emẹkọ Izrẹlụ. Ẹfan wẹ k'e gi marịn a wụ: ‘Osolobuẹ A Tụnị Ẹnyi Ụya’.

Matiu 19:28

Jizọsị nọ sị wẹ, “M rị a gwa ụnụ ezioku, ụwa ọhụn lalanị, ogẹn hụ Nwa nke Ịhịan k'a nọdị okẹn ukpo ẹ, ụnụ ndị hụn sọnni m sikọ d'a nọdịsọnmẹ ukpo mmẹbụọ, a hannị ebọn mmẹbụọ Izrẹlụ eṅẹn.

Matiu 19:29

Onyẹ gi ufiri m latọ ezi-lẹ-ụlọ mọbụ umunẹ-ikẹnnyẹ mọbụ umunẹ-ikpoho mọbụ nẹdi mọbụ nnẹ mọbụ ụmụ mọbụ alị o nwọn jẹnkọ d'e nwọnhẹn wẹ mmagi-mmagi ụzọ ọgụn-isẹn, nwọnhẹnzikwọ ndụn itẹbitẹ.

Matiu 3:2

“Rogharị nị, makẹni alị-eze elu-igwee a bịagụọ d'a kịma!”

Matiu 4:17

Jizọsị nọ gha ogẹn hụ zimẹ ozi, a sị, “Rogharị nị, makẹni alị-eze Osolobuẹ a rịgụọ nsue!”

Matiu 5:6

Ngọzi wụ nke ndị ọ rị a gụn nị ihiẹn rị kẹ Osolobuẹ dọn chọ, a gụn wẹ kẹ ihiẹn-oriri lẹ ihiẹn-ọrịra; ẹfọ jẹnkọ d'e jun wẹ.

Luku 1:6

Wẹ ẹbụbụọ wụ ndị ezi-omumẹ ẹnya Osolobuẹ; w'e dọnmẹchanrịn iwu lẹ ọdịnalị Di-nwọnni-ẹnyi, onwọnni hụn w'e gi kọrịanị wẹ —

Luku 12:31

Kama, chụmagụ ni Alị-eze ẹ, o sikọ d'e yezikwọ ụnụ ihiẹn ndịnị wẹ.

Jọnụ 5:4

Makẹni, mmọn-ozi Di-nwọnni-ẹnyi a bịa mbụ-lẹ-ẹbụọ d'e mẹhunmẹ mirin hụ. O mẹhunmẹgụ a, onyẹ bu ụzọ banye a dịnhịn emu ọwụlẹ rị a kụn'a.

Jọnụ 6:27

Egizilẹ ni ufiri ihiẹn-oriri e wiwini a rụngbu enwẹn ụnụ, kanị ihiẹn-oriri hụn sikọ d'a rị jẹnrin ejẹn, e ye ndụn itẹbitẹ, ihiẹn-oriri ahụn Nwa nke Ịhịan jẹnkọ d'e ye ụnụ, makẹni Nwa nke Ịhịan kẹ Chuku-Nẹdi tumẹ.”

Ọrụn Ndị-ozi 20:25

“Lee n'ẹ nwan: a marịnghọ m nwan nị imẹ ụnụ ile m nọ imẹ igunrun wẹ zi ozi Alị-eze onwọnni hụn jẹnkọ d'a hụnzịnị m.

Ọrụn Ndị-ozi 28:31

ọ hụ e zi ozi Alị-eze Osolobuẹ, a kuzi banyeni Di-nwọnni-ẹnyi wụ Jesu Kristi, e ku ẹ, e kushi ẹ ikẹn, onwọnni onyẹ gbọndọnn'ẹ.

Ndị Rom 1:17

Makẹni, oziọma a ghọsị kẹ ezi-omumẹ wụ nke Osolobuẹ nọ: okukwe ịhịan k'o gi e mẹ ẹ gha mbidọn d'e ru isi ẹ. Ọ nọhụ kẹ Ẹkụkwọ-nsọ dọn ku ẹ, “Okukwe kẹ onyẹ ezi-omumẹ gi a rị ndụn.”

Ndị Rom 10:3

makẹni aghọtanị wẹ ihiẹn wụ ezi-omumẹ ẹnya Osolobuẹ, ebe wẹ rị a chọ nị wẹ nwọnrin ezi-omumẹ nke wẹ, ekwerini wẹ bu enwẹn wẹ che ezi-omumẹ Osolobuẹ.

Ndị Rom 14:17

makẹni Alị-eze Osolobuẹ ẹlẹ oku ihiẹn-oriri lẹ ihiẹn-ọrịra kanị ezi-omumẹ, udọn lẹ ịghọghọ Mmọn-nsọ.

Ndị Rom 8:31

Kị ẹnyi k'e ku nwan? O mẹ nwan nị Osolobuẹ rị ẹnyi azụụn, onyẹ k'a saẹka mẹ ẹnyi ihiẹn ọwụlẹ?

Ndị Kọrẹntị Ibuzọ 1:30

Osolobuẹ mẹ ụnụ gi nwan rị imẹ Kraịstị Jizọsị hụn wụ nwan amamihiẹn ẹnyi gha ẹka Osolobuẹ bịa lẹ ezi-omumẹ ẹnyi lẹ onyẹ ẹnyi gi rị nsọ lẹ onyẹ nzụọpụha ẹnyi.

Ndị Kọrẹntị Ibuzọ 3:22

kẹ Pọlụ-o, kẹ Apolọsụ, kẹ Kẹfasị wụ Pita-o, kẹ ụwa ile-o; kẹ ndụn-o, kẹ ọnwụn-o; kẹ ihiẹn rị ogẹnni-o, kẹ ihiẹn rị ihun-o, wẹ ile wụ nke ụnụ;

Ndị Kọrẹntị Nke Ẹbụọ 5:21

Osolobuẹ gi ufiri ẹnyi gi Kraịstị mẹlẹni njọ họnrin onyẹ mẹ njọ, kẹni ẹnyi gha ẹka a họnrin ndị ezi-omumẹ ẹnya Osolobuẹ.

Ndị Filipi 3:9

a rịchanrịn m imẹ ẹ, ẹlẹ nke onyẹ rị ọchan ẹnya enwẹn ẹ makẹni ọ hụ e dọnmẹ Iwu, kama, rịkẹ onyẹ rị ọchan makẹni o gi Kraịstị e dọn ẹnya — ịrị-ọchan ahụn gha ẹka Osolobuẹ a bịa, hụn wẹ gi okukwe e nwọnhẹn.

Ndị Tẹsalonika Nke Ẹbụọ 1:5

Ọ hụ a ghọsị nị okinkin-ikpe Osolobuẹ wela furu efuru; ụnụ hụzị e gi ẹ a wụrụ ndị furu ịbanye Alị-eze Osolobuẹ hụ ụnụ rị a tanị afụnfụn.

Timoti Ibuzọ 4:8

Ịzụn ẹhụ a banghọ erere, kanị ife-Osolobuẹ ka erere a ban ụzọ ile, makẹni w'e ri erere ẹ imẹ ndụnnị lẹ ndụn lalanị.

Pita Nke Ẹbụọ 1:1

Mmẹ, Simiọnụ wụ Pita, de ẹkụkwọ-ozini. M wụ igbọn Jizọsị Kraịstị; m wụzịkwọ onyẹ-ozi ẹ pụ-ichẹn. M rị e dejẹnni ndị Osolobuẹ ye ẹnyi lẹ wẹ okukwe ohu ahụn rị okẹn mkpa ghahanị ezi-omumẹ Jesu Kristi hụn wụ Osolobuẹ ẹnyi lẹ Onyẹ-nzụọpụha ẹnyi.

Pita Nke Ẹbụọ 1:11

Ụnụ jẹnkọ d'e gi ẹ ru ogo ndị wẹ k'a nabanhan ọhụnma-ọhụnma imẹ Alị-eze itẹbitẹ Jesu Kristi, Di-nwọnni-ẹnyi lẹ Onyẹ-nzụọpụha ẹnyi.