Matiu 6:31 - Ika

³¹ Ehuelẹ ni nwan uhue, a sị, ‘Kị ẹnyi k'e ri?’ mọbụ ‘Kị ẹnyi k'a ra?’ mọbụ ‘Kị ẹnyi k'e yi?’

Matiu 6:31 ပူးပေါင်းရင်းမြစ်များ

Ihiẹn Mẹni Nke Ẹbụọ 25:9

Amazia nọ sị odibo Osolobuẹ, “Nanị m'e mẹ nwan ẹkpa siliva uku ọgụn-isẹn m gi we ndị-agha Izrẹlụ ndịnị?” Odibo Osolobuẹ hụ nọ sị a, “Osolobuẹ k'a s'ẹka yekarịdẹ i ọhụn.”

Ẹbụ-ọma 111:5

O ye ndị a gbayen'ẹ ihiẹn-oriri; ara zọ nkwa o kwe.

Ẹbụ-ọma 37:3

Gi Osolobuẹ dọn ẹnya, e mẹ mma; biri alị ị rị, e ri ihiẹn ezi-omumẹ rị e wẹhẹ.

Ẹbụ-ọma 55:22

Bu nsọngbu i ye Osolobuẹ, o k'e dọnmẹ i; onwọnni ogẹn o k'a nị wẹ mẹhunmẹ ndị ezi-omumẹ

Matiu 15:33

Ndị nsọnmazụụn a nọ sị a, “Elebe kẹ ẹnyi a nọ nwan wẹhẹ brẹdi imẹ atụ ebeni hụn k'e zu igunrunni ri?”

Matiu 4:4

Kanị Jesu nọ sị a, “E degụọ w'a imẹ Ẹkụkwọ-nsọ, sị, ‘Ẹlẹ ihiẹn-oriri sụọ kẹ ịhịan gi a rị ndụn, kanị ihiẹn ile hụn gha Osolobuẹ ọnụ pụha.’ ”

Matiu 6:25

“Ufiri ẹ, m rị a gwa ụnụ, ehuelẹ ni uhue ndụn ụnụ, ihiẹn ụnụ k'e ri mọbụ ihiẹn ụnụ k'a ra mọbụ ihiẹn ụnụ k'e yiye ẹhụ. Ẹlẹ ndụn ka ihiẹn-oriri? Ẹlẹ ẹhụ ka ẹkwa?

Matiu 6:27

Imẹ ụnụ ile, onyẹ k'a saẹka gi uhue tọ mgbahunmẹ ọkụrọkụ ohu cheni hụn nkẹ ọ tọ?

Luku 10:41

Kanị Di-nwọnni-ẹnyi nọ za a, “Mata, Mata! Ị rị e hue uhue, e sọngbu enwẹn i yeni ihiẹn bu ọda —

Luku 12:11

Wẹ wejẹn ụnụ ọgwa ụlọ-ofufe mọbụ ọgwa ndị-ọkịkị mọbụ ndị-nze, ehuekwọlẹ ni uhue ihiẹn ụnụ k'e gi kinrin ọnụ ụnụ mọbụ ihiẹn ụnụ k'e ku.

Luku 12:22

Ya Jesu nọ sị ndị nsọnmazụụn a, “Ya kẹ m gi rị a gwa ụnụ ehuelẹ uhue ihiẹn ụnụ jẹnkọ d'e ri gi rị ndụn mọbụ ihiẹn ụnụ jẹnkọ d'e yi.

Luku 12:29

“Ya wụ, emẹzilẹ ni oku ihiẹn ụnụ jẹnkọ d'e ri lẹ ihiẹn ụnụ jẹnkọ d'a ra; egizilẹ n'ẹ sọngbu enwẹn ụnụ.

Ndị Filipi 4:6

Ehuelẹ ni uhue ihiẹn ọwụlẹ; imẹ ihiẹn ile, e gi ni ekpere lẹ arịrịọ lẹ iye-ekele a gwa Osolobuẹ ihiẹn rị ụnụ mkpa.

Pita Ibuzọ 5:7

lachanrịn nị mkpa ụnụ tọn'a, makẹni ụnụ rị a mkpa.