Matiu 6:24 - Ika

²⁴ “Onwọnni onyẹ a saẹka e fe madụ ẹbụọ: makẹni, ọ k'a gbakitọ ohu azụụn, bu obi che hụn-ẹbọ, mọbụ o we enwẹn ẹ kwanị ohu, legberi hụn-ẹbọ: y'a sakọ ẹka fe Osolobuẹ lẹ egho.

Matiu 6:24 ပူးပေါင်းရင်းမြစ်များ

Jẹnẹsisi 47:17

Ya wẹ nọ wẹhẹmẹni Josẹfụ ihiẹn-uriri wẹ; Josẹfụ nọ gi ihiẹn-oriri gbanarịnma wẹ ẹshin wẹ, atụnrụn lẹ ewu wẹ, efin wẹ lẹ jaki wẹ. Josẹfụ nọ yechanrịn wẹ ihiẹn-oriri ahụa hụ e we gụ, gi ẹ gbanarịnchanrịn wẹ ihiẹn-uriri wẹ ile.

Ndị-nze Nke Ibuzọ 18:21

Ẹlaịja nọ jẹnpụha ihun wẹ, sị, “Elee mgbe ụnụ k'a danshibehi azụụnnị lẹ azụụnnị? Omẹni Osolobuẹ wụ Chuku, ụnụ e fe ẹ! Kanị omẹni Baalụ wụ Chuku, ụnụ e fe ẹ!” Ya wẹ ile nọ gba nkịtịn.

Ndị-nze Nke Ẹbụọ 17:41

Ẹrịra kẹ wẹ fekọ Osolobuẹ lẹ mmọn wẹ pịn. D'e ru tannị, ụmụ wẹ lẹ ụmụ-ụmụ wẹ rịkwọ nwan e mẹ kẹ ndị nẹdi wẹ dọn mẹ.

Izikẹlụ 20:39

“Ụnụ ndị Izrẹlụ, Osolobuẹ Nwọn Ihiẹn Ile sị: Jẹnmẹkwọ nị d'e femẹ mmọn ụnụ — onyẹ lẹ mmọn a, onyẹ lẹ mmọn a! Kanị, omẹgụ, ụnụ k'e gọnrịrị m ntịn, ụnụ egikọzị mmọn ụnụ ndị hụ lẹ oyiye ụnụ e ye wẹ budan ẹfan m rị nsọ.

Zẹfanaya 1:5

M k'e gbuchanrịn ndị ile a nọ elu ụlọ wẹ a rụa kokisẹ, ifọn lẹ ẹnyanwụn; ndị a kụnị Osolobuẹ isi alị e kun Osolobuẹ, e kunzikwọ mmọn wụ Molẹkị,

Matiu 4:10

Ya kẹ Jizọsị nọ sị a, “Ekwensụ, pụ ebeni! Makẹni, e degụọ w'a imẹ Ẹkụkwọ-nsọ, sị, ‘Osolobuẹ wụ Chuku i k'i k'a kụnị isi-alị; ịya sụọ k'i k'e fe.’ ”

Luku 16:11

“O mẹ nwan nị y'e kwọndọnni akụ-lẹ-ụba ụwanị ọhụnma, onyẹ k'e ye i ezigbo akụ-lẹ-ụba kwọndọn?

Luku 16:13

“Onwọnni nwata-iwe ịhịan jẹnkọ d'a saẹka fe nna ẹbụọ; o jẹnkọ d'e ze ize ohu, nwọn ihiẹn-ọsụsụọ hụn-ẹbọ mọbụ o wechanrịn enwẹn ẹ ye ohu, lelịa hụn-ẹbọ. Y'a sakọ ẹka fe Osolobuẹ lẹ egho.”

Luku 16:9

“M rị a gwa ị: gi akụ-lẹ-ụba ụwanị han ọwụ, omẹni ọ gụ, kẹni ị hụn onyẹ jẹnkọ d'a nabanhan ị iwe ẹ biri jẹnrin ejẹn.

Ndị Galeshịa 1:10

M rịdẹ nwan a chọ nị ịhịan kuni m ọhụnma ra Osolobuẹ? Ra a chọmagụọ m nwan nị m mẹ n'ọ sụọ ịhịan? Omẹni echẹn kẹ m rị a chọ nị m mẹ n'ọ sụọ ịhịan, ya wụ nị ẹlẹ m igbọn Kraịstị.

Timoti Ibuzọ 6:17

Nke ndị wụ ọdanfịn elu ụwanị, gba wẹ mkpịnsịn-ẹka, sị wẹ apachelẹ mọbụ gi ẹfe (akụ-lẹ-ụba) ụwanị ghalẹni a tọ dọn ẹnya. Kama, wẹ gi Osolobuẹ dọn ẹnya, onyẹ hụn e yechanrịn ẹnyi ihiẹn ile e yekwasị kẹni ẹfọ a sụọ ẹnyi ụsụọ.

Timoti Nke Ẹbụọ 4:10

nị Dẹmasị a lagụọ m tọ shi Tẹsalonika, makẹni ihiẹn ụwanị rị a sụọ a; Krẹsẹnsị nkẹ e shigụọ Galeshịa, Taịtọsụ e jẹnmẹ Damashịa.

Jemisi 4:4

Ndị ẹnya rịlẹni ụzọ ohu! Ụnụ amarịn nị ọwụ ụwa wụ eṅẹnrẹn Osolobuẹ? Ya wụ, onyẹ chọ n'ọ wụrụ ọwụ ụwa o họnrin eṅẹnrẹn Osolobuẹ.

Joshụa 24:15

Kanị, omẹni ife Osolobuẹ a sụọnị ụnụ, hanrịn nị nwan tannị onyẹ ụnụ sikọ d'e fe: kẹ mmọn-lẹ-iyi ndị nẹdi ụnụ kanị fe nfetu Iyi Yufretisi kẹ ụnụ k'e fe ra mmọn-lẹ-iyi ndị Amọ hụn ụnụ bi alị wẹ. Kanị, nke mmẹ lẹ ezi-lẹ-ụlọ m, Osolobuẹ kẹ ẹnyi k'e fe.”

Samuẹlụ Nke Ibuzọ 7:3

Ya Samuẹlụ nọ sị ikpụlọ Izrẹlụ ile, “Omẹni obi ụnụ ile kẹ ụnụ gi kinla ebe Osolobuẹ rị, latọ nị nwan mmọn lẹ iyi alị ndị ọzọ ụnụ rị a ghọ lẹ onyẹnnyẹ-mmọn wụ Ash'ta wẹ kọmasọnmẹ, ụnụ e wechanrịn enwẹn ụnụ ye Osolobuẹ, femẹ ya sụọ. Ụnụ mẹ ẹ, ọ gbapụha ụnụ ẹka ndị Filistia.”