Matiu 6:13 - Ika

¹³ Edulẹ ẹnyi ye imẹ ọnwụnwan, ka gbapụha ẹnyi imẹ eje-ihiẹn.’

Matiu 6:13 ပူးပေါင်းရင်းမြစ်များ

Jẹnẹsisi 22:1

Ihiẹn ndịnị e mẹgụ, Chuku nọ lele Ebraham: ọ hị a, “Ebraham!” Ebraham nọ sị a, “Lee m ebeni.”

Ndị-nze Nke Ibuzọ 1:36

Bẹnaya nwa Jehoyada nọ sị a, “Isẹẹ! Eze nwọnni m, Osolobuẹ wụ Chuku i ya mẹ ẹ bụn.

Ihiẹn Mẹni Nke Ibuzọ 16:36

Ọjịja-mma ya rịnị Osolobuẹ, Chuku Izrẹlụ jẹnrin ejẹn!! Ya ndị Izrẹlụ ile zu ebẹhụ nọ sị, “Isẹẹ!!” Ya wẹ nọ ja Osolobuẹ mma!!

Ihiẹn Mẹni Nke Ibuzọ 29:11

Ịyụ kachanrịn, ikẹn wụzịkwọ nke i; ọghọ lẹ ikpẹn lẹ mgbaye wụchanrịn nke i — makẹni ihiẹn ile rị igwere lẹ ụwa wụ nke i. Alị eze wụ nke i, Osolobuẹ; ịyụ ka ihiẹn ile.

Ihiẹn Mẹni Nke Ibuzọ 4:10

Jabẹzi nọ kpọku Chuku Izrẹlụ, sị, “Dodo gọzi m, y'e weshịa alị m! Ẹka ị ya rị imẹ ndụn m; anịlẹ ihiẹn ọwụlẹ k'e buhẹni m ụfụ mẹ m!” Chuku nọ mẹn'ẹ ihiẹn ọ rịọ.

Ẹbụ-ọma 10:16

Osolobuẹ wụ Eze jẹnrin-ejẹn; ndị alị ọzọ rị alị a k'a lachanrịn iwi!

Ẹbụ-ọma 106:48

Ịja-mma ya rịnị Osolobuẹ wụ Chuku Izrẹlụ ya rịn'a jẹnrin ejẹn, jẹnrin ejẹn! Ịhịan ile wẹ sị, “Isẹẹ!” Ja nị Osolobuẹ mma!

Ẹbụ-ọma 22:28

Makẹni, ọkịkị rị ẹka Osolobuẹ; ịya rị a kị alị ile.

Ẹbụ-ọma 41:13

Ọjịja-mma ya rịnị Osolobuẹ, Chuku Izrẹlụ! Ya rịn'a jẹnrin ejẹn! Isẹẹ! Isẹẹ!

Ẹbụ-ọma 47:2

Makẹni, Osolobuẹ, Onyẹ hụn kachanrịnnị, rị egun; Eze ndị-nze k'ọ wụ elu ụwa ile.

Ẹbụ-ọma 47:7

Makẹni Chuku wụ Eze ụwa ile, Gi ni ezigbo ẹbụ ja a mma!

Ẹbụ-ọma 72:19

Ọjịja-mma ya rịnị ẹfan a jẹnrin ejẹn. Ọghọ a ya pụha ifọn elu-ụwa ile. Isẹẹ! Isẹẹ!!

Ẹbụ-ọma 89:52

Ịja-mma ya rịnị Osolobuẹ jẹnrin ejẹn! Isẹẹ! Isẹẹ!!

Ọpụpụ 15:18

“Osolobuẹ jẹnkọ d'a kị jẹnrin ejẹn!”

Itẹn 30:8

Wezụkachanrịn ẹro lẹ ntụ ebe m rị; anịlẹ m dan ogbẹnnyẹ mọbụ hi ọdanfịn, ka e ye m hụ ihiẹn e zu m e ri ụhụọhịn-ụhụọhịn.

Jerimaya 15:21

M k'a zụọpụha ị ẹka ndị-ejẹ; m k'a gbapụha ị ẹka ndị ẹfọ-njọ.’ ”

Jerimaya 28:6

“Isẹẹ-o! Osolobuẹ ya dodo mẹ amụmanị i bu bụn! Ya gha alị Babilọnụ wekinhẹn ihiẹn ile wẹ kwarị imẹ ụlọ-nsọ Osolobuẹ ebeni, wekinhẹnzi ndị ahụn ile wẹ kpụnrụn ebeni.

Daniẹlụ 4:25

wẹ k'a chụpụ ị ebe ịhịan rị d'e sọn anụmanụ biri; i jẹnkọ d'e ri irurue kẹ efin, igirigi a gha elu-igwere ziẹnkpu i. Ahụa ẹsa k'i k'a rị ọnọdị hụ, d'e ru nị o we i ẹnya nị alị-eze ile ịhịan pumẹ rịchanrịn okpuru Onyẹ Hụ Kachanrịnnị, lẹni o we wẹ e ye onyẹ ọ chọ.

Daniẹlụ 7:18

Kanị omẹgụ, ọkịkị lẹ alị-eze jẹnkọ d'a ban ndị-nsọ Onyẹ hụ Kachanrịnnị ẹka, ọ wụrụ nke wẹ, wụrụchanrịn, jẹnrin ejẹn.’

Ọgụngụn 5:22

Mirinni hụn e buhẹ ọnụ-ẹsọn ya banye i ẹhụ, mẹ ẹfọ ị fun, mẹ ọgbọdọgbọ ị sekpọ.’ “O kugụ, hụn okpoho hụ a sị, ‘Isẹẹ. Isẹẹ!’

Matiu 26:41

We ni ẹnya ru alị, ụnụ e mẹmẹ ekpere, amamgbe ụnụ a danye imẹ ọnwụnwan; ezioku-ezioku, mmọn ịhịan a chọghọ, kanị ndụn gụ ẹhụ.”

Matiu 28:20

Kuzi ni wẹ, nị wẹ e mẹ ihiẹn ile m sị ụnụ mẹ. Eziẹ, m nọyeni ụnụ ogẹn ile d'e ru ọgụgụ-ogẹn.”

Matiu 5:37

Sịhụ ‘Ẹghẹẹ’ mọbụ ‘Mba’; ihiẹn ọwụlẹ karị ọnwan gha ẹka Eje-onyẹ hụ bịa.

Matiu 6:10

Alị-eze i (ọkịkị ị) ya bịa; uche i ya mẹ elu-ụwa k'o dọn e mẹ imẹ elu-igwee.

Jọnụ 17:15

Arị m a rịọ ị n'ị wepụ wẹ imẹ ụwa; kama, m rị a rịọ n'ị chemẹ wẹ makẹ Eje-onyẹ hụ gha e mẹ wẹ ihiẹn ọwụlẹ.

Ndị Kọrẹntị Ibuzọ 10:13

Onwọnni ọnwụnwan ka ịhịan hụn bịatuni ụnụ. Osolobuẹ furu wẹ e gi dọn ẹnya, ọ nịkọ hụn ka ụnụ ẹka kunrun ụnụ. Kama, n'ọ nọghọdẹ ọnwụnwan ile k'e kunrun ụnụ ghọsị ụnụ kẹ ụnụ a dọn dingbu ẹ.

Ndị Kọrẹntị Ibuzọ 14:16

Omẹni ẹlẹ ẹrịra, i gi mmọn ị ja Osolobuẹ mma, nanị ogbori a dọn nwan sị “Isẹẹ!” bụ ọ marịn ihiẹn ị rị e ku?

Ndị Kọrẹntị Nke Ẹbụọ 1:20

Makẹni, imẹ ẹ kẹ nkwa Osolobuẹ ile nọ e mẹzuchanrịn, a wụ “ẹghẹẹ.” Ya haịn ẹnyi gi a sị, “Isẹẹ” ghahanị Jesu Kristi, e gi ẹ e ye Osolobuẹ ọghọ.

Ndị Galeshịa 1:4

Di-nwọnni-ẹnyi wụ Jizọs Kraịstị we ndụn a ye makẹ ufiri njọ ẹnyi, kẹni ọ gbapụha ẹnyi imẹ eje-agbọnị gi mẹzu uche Osolobuẹ ẹnyi wụ Nẹdi ẹnyi.

Ditrọnọmi 8:16

o ye ụnụ mana ri imẹ atụ, ihiẹn-oriri ndị nẹdi ụnụ marịnlẹni, gi ẹ welụa ụnụ isi alị, lele ụnụ kẹni ọ rịnị ụnụ mma.

Ditrọnọmi 8:2

Nyanhankwọ nị kẹ Osolobuẹ wụ Chuku ụnụ dọn du ụnụ hụn ahụn ile ụnụ rị imẹ atụ ọrọgbọ ahụa ọgụnnaịnị, gi ẹ welụa ụnụ isi alị, gi ẹ lele ụnụ, n'ọ hụn ụzọ marịn ihiẹn rị ụnụ obi, marịn kẹni ụnụ mẹ ihiẹn ọ sị ụnụ mẹ ra ụnụ emẹkọ a.

Ndị Tẹsalonika Ibuzọ 1:10

chemẹ Nwa a k'a gha elu-igwee bịa, hụn ọ gha ọnwụn weli, hụn wụ Jesu, onyẹ hụn zụọpụha ẹnyi iwe-lẹ-ọnụma Osolobuẹ lalanị.

Ndị Tẹsalonika Nke Ẹbụọ 3:3

Kanị, Di-nwọnni-ẹnyi furu onyẹ wẹ gi e dọn ẹnya; o k'e mẹ ụnụ zekẹnmẹ, dọnmẹ ụnụ makẹ Eje-onyẹ hụ gha e mẹ ụnụ ihiẹn ọwụlẹ.

Timoti Ibuzọ 1:17

Eze Itẹbitẹ kẹ Osolobuẹ wụ! Eze ghalẹni a nwụn! Onyẹ wẹ ghalẹni e legha ẹnya! Chuku ohu sụọ rịnị! Mgbaye lẹ ọjịja-mma ya rịn'a jẹnrin ejẹn! Isẹẹ!

Hibru 11:36

O nwọnzighọ ndị wẹ gi gu egu, gbu wẹ mkpịnsịn, kẹndẹ ụfọdụ ẹgbụn, tụ wẹ ngan;

Pita Ibuzọ 5:8

E dọnrin ni ẹnya; e che ni nche. Makẹni eṅẹnrẹn ụnụ wụ Ekwensụ rị a ghahunmẹ nọkẹ ẹwọrọ rị e dẹnni, a chọ onyẹ o k'a nwụn ri.

Pita Nke Ẹbụọ 2:9

wẹ ile ghọsị nị Di-nwọnni-ẹnyi ma gbapụha ndị e fen'ẹ imẹ ọnwụnwan, e bu ndị-njọ e che imẹ afụnfụn d'e ru Ụhụọhịn okinkin-ikpe,

Jọnụ Ibuzọ 3:8

Onyẹ e mẹ njọ wụ nke Ekwensụ, makẹni Ekwensụ gha alị mẹla njọ. Ịya haịn Nwa Osolobuẹ gi bịa — kẹni o tikpọ ọrụn Ekwensụ.

Rẹvẹleshọnụ 1:18

Mmẹ wụzị onyẹ hụ rị ndụn! M te nwụnhụn anwụnhụn, ka lee ẹ, m rị nwan ndụn jẹnrin ejẹn. Mmẹ gizi ịsanhan Ọnwụn lẹ Alị-mmọn.

Rẹvẹleshọnụ 19:1

Ọhụn e mẹgụ, m nọ nụ olu ihiẹn nọ kẹ igunrun hi-ogbe imẹ elu-igwee, wẹ hụ e yi, “Ịja-mma ya rịnị Osolobuẹ! Nzụọpụha lẹ ọghọ lẹ ikẹn wụ nke Osolobuẹ ẹnyi,

Rẹvẹleshọnụ 19:4

Ndị-isi ẹnọ kwasị ọgụn hụ lẹ ihiẹn ẹnọ hụ rị ndụn nọ fiẹnrin alị, fe Onyẹ hụn rị ukpo-eze, sị, “Isẹẹ! Ja nị Osolobuẹ mma.”

Rẹvẹleshọnụ 2:10

Atụlẹ ni egun afụnfụn ụnụ jẹnkọ nwan d'a ta. Lee ẹ, Ekwensụ e d'a tụ ụfọdụ imẹ ụnụ ngan kẹni wẹ gi ẹ lele ụnụ. Ụnụ k'a ta afụnfụn akpọhịn iri. Kwọnkẹnmẹ ni okukwe ụnụ d'e ru ọnwụn, e gi m ndụn wụ ndụn tu ụnụ ugọn.

Rẹvẹleshọnụ 21:4

O k'e finchanpụchanrịn wẹ ẹnya-mirin. Ọnwụn arịkọzị, ẹnya-mirin lẹ ẹkwan lẹ ụfụ arịkọzị, makẹni ihiẹn akan a ghafegụọ.”

Rẹvẹleshọnụ 3:10

Makẹni y'e dingbuọlẹ ihiẹn ile kẹ m dọn gwa ị, anịkọ m afụnfụn lalanị wẹ jẹnkọ d'e gi lele ndị ile rị elu ụwa ru i ẹhụ.

Rẹvẹleshọnụ 3:14

“Dejẹnni onyẹ-isi ụka Laodishia, sị a, “Lee ihiẹn onyẹ hụ wụ Isẹẹ — Ọshẹri ahụn wụ onyẹ ezioku furu wẹ gi e dọn ẹnya; Onyẹ hụ ihiẹn ile Osolobuẹ ke gha ẹka a bịa: ọ sị,

Rẹvẹleshọnụ 5:13

M nọ nụzị kẹ ihiẹn ile Osolobuẹ ke rị a bụ ẹbụ — kẹ ndị rị elu-igwee kẹ ndị rị elu-ụwa kẹ ndị rị okpuru ụwa kẹ ndị rị imẹ ohimin. Ihiẹn wẹ rị a bụ wụ: “Ọjịja-mma lẹ mgbaye lẹ ọghọ lẹ ọkịkị wụ nke Onyẹ hụ nọdị ukpo-eze lẹ Nwa-ebulu hụ — jẹnrin ejẹn!”