Matiu 5:48 - Ika

⁴⁸ Zu ni nwan oke kẹ Nẹdi ụnụ hụn rị elu-igwee dọn zu oke.

Matiu 5:48 ပူးပေါင်းရင်းမြစ်များ

Jẹnẹsisi 17:1

Ogẹn Ebram gi rị ahụa ohu arịa ọgụn-isẹn, Osolobuẹ nọzị we enwẹn ẹ ghọsị Ebram, sị a, “Mmẹ wụ Chuku Hụn nwọn ikẹn ile; bi kẹ m dọn chọ; emẹkwọlẹ ihiẹn wẹ e gi kọrịanị ị —

Samuẹlụ Nke Ẹbụọ 22:31

O mẹ nke Chuku, ụzọ a zuchanrịn oke; oku ọnụ Osolobuẹ enwọn ntụpọ. Akpaịn kẹ Osolobuẹ wụnị ndị ile gbagbọnin'ẹ.

Ẹbụ-ọma 37:37

Lekpọ onyẹ nwọnlẹni nkọrịanị; leledẹle onyẹ obibi ẹ kụrụ ọtọ; o k'a masịnị onyẹ-udọn ihun.

Lẹvitikọsụ 11:44

Mmẹ wụ Osolobuẹ hụn wụ Chuku ụnụ; dọnmẹ ni nwan enwẹn ụnụ ichẹn, a rị nị nsọ, makẹni m rị nsọ. Egikwọlẹ ni ihiẹn ọwụlẹ a rịhunmẹ alị mẹrụ enwẹn ụnụ.

Lẹvitikọsụ 19:2

“Gwa ndị Izrẹlụ ile oku, sị wẹ: Rị nị nsọ makẹni mmẹ Osolobuẹ hụn wụ Chuku ụnụ, m rị nsọ.

Lẹvitikọsụ 20:26

Ọnụ k'a rịnị m nsọ, makẹni mmẹ hụn wụ Osolobuẹ, m rị nsọ, m họpụhazịkwọ ụnụ imẹ alị ndị ọzọ ile nị ụnụ wụrụ nke m.

Matiu 5:16

Ẹrịra kẹ ụnụ k'a nịzị ukpẹ ụnụ e nwun hụn ịhịan e legha, kẹni wẹ a hụn ọrụn-ọma ụnụ, e gi ẹ a ja Nẹdi ụnụ rị elu-igwee mma.

Matiu 5:45

kẹni ụnụ wụrụ ụmụ Nẹdi ụnụ rị elu-igwee nke-esi. Makẹni, o mẹ anwụn a e tikpu kẹ eje-ịhịan kẹ ezigbo ịhịan, e mẹ mirin e zueni kẹ ndị ezi-omumẹ kẹ ndị eje-omumẹ.

Matiu 5:47

Omẹzini ndị nke i sụọ kẹ y'e kele ọhụnma, k'i gi mẹkarị ndị ọzọ? Ẹlẹ ẹrịra kẹ ndị ghalẹni e fe Chuku e mẹ?

Luku 6:36

E mẹ ni omikẹn kẹ Nẹdi ụnụ dọn e mẹ omikẹn.

Luku 6:40

Onyẹ wẹ rị a kuzi ara karị onyẹ-nkuzi ẹ; kama, onyẹ wẹ kuzigụ a nọ kẹ onyẹ kuzin'ẹ.

Ndị Kọrẹntị Nke Ẹbụọ 13:11

Nke ikpanzụụn, umunẹ m, ghọghọma nị; bihutọ nị ẹka; a gba nị ibe ụnụ umẹ; e nwọn ni obi ohu; e gi ni udọn e bi. Ụnụ mẹ ẹnịna, Osolobuẹ udọn lẹ ihiẹn-ọsụsụọ gha ẹka a a bịa k'a nọyeni ụnụ.

Ndị Kọrẹntị Nke Ẹbụọ 13:9

Ẹnyi a ghọghọ aghọghọ omẹni ẹnyi ezeni bụ ụnụ e zeghọ. Ekpere ẹnyi wụ nị ụnụ zuchanrịn oke.

Ndị Kọrẹntị Nke Ẹbụọ 7:1

Ndị nke m, hụnnị Osolobuẹ kwe ẹnyi nkwa ndịnị, nị ẹnyi chanpụ enwẹn ẹnyi ihiẹn ile e mẹrụ ẹhụ lẹ mmọn, gi egun Osolobuẹ a rịchanrịn nsọ.

Ndị Ẹfẹsọsụ 3:1

Oziọma Kraịstị wụ Jizọsịnị m rị e zi ụnụ ndị wụlẹni ndị Ju kẹ mmẹ wụ Pọlụ gi nwan rị imẹ ngan.

Ditrọnọmi 18:13

Enwọnkwọlẹ ni ihiẹn w'e gi kọrịanị ụnụ ebe Osolobuẹ wụ Chuku ụnụ rị.

Ditrọnọmi 27:10

Humẹni ni Osolobuẹ wụ Chuku ụnụ isi, ụnụ e mẹ ihiẹn ndị ọ sị ụnụ mẹ lẹ iwu ndị m rị e ye ụnụ tannị.”

Ndị Kolosị 1:28

Kraịstịnị kẹ ẹnyi rị nwan a ghahunmẹ e ku oku ẹ, e gi amamihiẹn ile Osolobuẹ ye ẹnyi a dọ onyẹ ọwụlẹ ẹka-ntịn, a kuzi onyẹ ọwụlẹ, kẹni ẹnyi saẹka wepụha wẹ ile ihun Osolobuẹ nọkẹ ndị ka-ẹhụ imẹ Kristi.

Ndị Kolosị 4:12

Ẹpafrasị onyẹ alị ụnụ hụn wụzị odibo Jesu Kristi e kele ụnụ. Ẹpafrasị e shini ụnụ ọnwụn ọda-ọda imẹ ekpere. Ọ rịọsọnmẹ Osolobuẹ n'o mẹ ụnụ turukẹnmẹ, ka-ẹhụ, marịn ihiẹn ụnụ rị e mẹ ebe ihiẹn ọwụlẹ wụ uche Osolobuẹ rị.

Jemisi 1:4

Nị nị nwan ndidin rụnchanrịn ọrụn a, kẹni ụnụ hụn ụzọ wụrụ ndị ka ẹhụ, nwọnlẹni ebe wẹ nọ a la azụụn.

Jọnụ Ibuzọ 3:3

Ndị ile nwọn olilẹnyanị imẹ obi wẹ e dọnmẹ enwẹn wẹ ọchan kẹ ya lẹ enwẹn ẹ dọn rị ọchan.