Matiu 5:29 - Ika

²⁹ Omẹni ẹnya ẹka-nni i a han ị e mẹ njọ, gụpụ a tuhu. Ọ ka ị mma nị mkpamkpa ẹhụ ị ohu arịzị a, karị nị wẹ tụ ẹhụ ị ile ye ọkụn-mmọn.

Matiu 5:29 ပူးပေါင်းရင်းမြစ်များ

Jobu 20:13

ọsụọdẹn'a nị ụya anịk'a hatu eje-ihiẹn hụ n'ọ la, o bu ẹ a tọ ọnụ a,

Matiu 10:28

Atụlẹ ni egun ndị hụn sikọ d'a saẹka gbu ẹhụ bụ asa wẹ ẹka gbu umẹ-ndụn; ka tụ nị egun onyẹ hụ k'a saẹka tikpọ kẹ umẹ-ndụn kẹ ẹhụ imẹ ọkụn-mmọn.

Matiu 11:6

Ngọzi ya rị nị onyẹ gilẹni ihiẹn ọ hụn m ẹhụ nwọnmẹ obi-ẹbụọ!”

Matiu 16:26

Elee erere k'ọ ban nị ịhịan e nwọnchanrịngụ ụwa ile, umẹ-ndụn a a nahịn a? Kị ịhịan sikọ d'e gi gbarị umẹ-ndụn a?

Matiu 17:27

Kanị, amamgbe ẹnyi e wiwi okukwe wẹ, shi iyi, y'a tụye ukpo i; y'e weri azụn ibuzọ i k'e gbu, shịapụ a ọnụ; ị sikọ d'a hụn akpụrụ egho shẹkẹlụ ohu. We ẹ kụ ụgwọ-isi mmẹ lẹ yụ.”

Matiu 19:12

O nwọn ndị ghalẹni a lụ di-lẹ-nwunyẹ makẹni enwọn wẹ ẹhụ kete wẹ mụlẹ wẹ; o nwọn ndị ghalẹni a lụ di-lẹ-nwunyẹ makẹni wẹ wara wẹ awara; o nwọn ndị sị nị alụkọ wẹ makẹ ufiri Alị-eze elu-igwee. Onyẹ k'a saẹka nabanhan okuni ya nabanhan a.”

Matiu 23:15

“Nsọngbu rị e che ụnụ, ndị-nkuzi Iwu lẹ ndị Itu-Farisi, ndị ihunnaị! Makẹni ụnụ e jẹnsọnmẹ alị ichẹn-ichẹn, e fetudẹ ohimin, chọkọ onyẹ sikọ d'e kweri femẹ ofufe ụnụ — ọsụọn'a nị akpụ onyẹ ohu sụọ rọ, kanị onyẹ kweri nwan sọnmẹ ụnụ, ụnụ e mẹ ẹ wụrụ nwa ọkụn-mmọn karịdẹ ụnụ nwẹn.

Matiu 23:33

Agwọ kẹ ụnụ wụ! Igunrun ẹjụ-alị! Nanị ụnụ e dọn wanahịn afụnfụn ọkụn-mmọn?

Matiu 5:22

Kanị, m rị gwa ụnụ nị onyẹ budẹni nwẹnẹ ẹ olulu a kpọ w'a ikpe; onyẹ kpọ nwẹnẹ ẹ iyi, o jẹnkọ Ọgwa Ndị-isi; onyẹ sị ịhịan ‘Nzuzu,’ ọkụn-mmọn rị e che ẹ.

Matiu 5:30

Omẹni ẹka-ihiẹn i a han ị e mẹ njọ, bepụ a tuhu. Ọ ka ị mma nị mkpamkpa ẹhụ ị ohu arịzị a, karị nị wẹ tụ ẹhụ ị ile ye imẹ ọkụn-mmọn.

Makị 8:36

Elee erere k'o k'a bannị ịhịan n'o nwọnringụ ụwa ile, tuhu umẹ-ndụn a?

Luku 12:5

Kama, nị m ghọsị ụnụ onyẹ ụnụ sikọ d'a tụ egun ẹ: tụ nị egun Onyẹ hụn e gbugụ ẹhụ, ọ sazịkwọ ẹka tụ ịhịan ye ọkụn-mmọn. Ẹghẹẹ, ịya kẹ ụnụ k'a tụ egun ẹ!

Ndị Rom 6:6

makẹni ẹnyi a marịnghọ nị ya lẹ onyẹ hụ ẹnyi wụ mbụ kẹ wẹ kpọgbu elu-obe, kẹni wẹ hụn ụzọ napụ onyẹ ahụn ẹnyi wụ mbụ ikẹn, amamgbe njọ ghazị a kị ẹnyi kẹ igbọn.

Ndị Rom 8:13

Makẹni, ụnụ bimẹ kẹ ịhịan-mmaka, ụnụ k'a nwụnhụnrịrị. Kanị, ụnụ gi isọn Mmọn-nsọ gbupụ eje-ihiẹn ndị ahụn ẹhụ e mẹ, ụnụ k'a rị ndụn.

Ndị Kọrẹntị Ibuzọ 9:27

Mba! M'e mẹshi ẹhụ m ikẹn, e mẹ ẹ kẹ igbọn — amamgbe m'e zigụ ndị ọzọ oziọma, mmẹ nwẹn a wụrụ onyẹ wẹ jụ, nị agbanị m ọsọ ọhụnma.

Ndị Galeshịa 5:24

Ndị hụn wụ nke Kraịstị Jizọsị a kpọgbugụọ ịhịan-mmaka wẹ te wụ lẹ ihiẹn a gụnn'a lẹ ihiẹn a sụọn'a elu obe Kraịstị.

Ndị Kolosị 3:5

Gbu ni nwan ẹgụn ihiẹn-ụwa hụn rị imẹ ụnụ a rụn ọrụn: kẹ ughẹrẹ kẹ obibi ru unyin kẹ ihiẹn ọlịlẹnya kẹ ẹgụn ihiẹn rịlẹni mma kẹ ẹnya-uku hụn wụzị ife-mmọn.