27 “Ụnụ a nụgụọ nị wẹ sị ndị mbụ, ‘Aghẹrẹlẹ.’
“Analẹ nwunyẹ ịhịan; azọlẹ ụkụ ye ọfịa.
Onyẹ na nwunyẹ ịhịan enwọn uche; onyẹ ọwụlẹ mẹn'ẹ gbu enwẹn ẹ.
Emẹlẹ mgba nwunyẹ ịhịan; i mẹ ẹ, y'e gigụọ okpoho hụ mẹrụ enwẹn i.
“Onyẹ mẹ mgba nwunyẹ ibe ẹ, wẹ k'e gburịrị kẹ hụn okẹnnyẹ mẹ mgba nwunyẹ ịhịan kẹ hụn okpoho zọ ụkụ ye ọfịa.
“Ụnụ a nụgụọ nị wẹ sị ndị akan, ‘Egbulẹ ni ọchụn; onyẹ gbu ọchụn, a ma w'a ikpe.’
“Ụnụ a nụzịghọ nị wẹ sị ndị akan, ‘Ekunlẹ ẹfan Osolobuẹ bụ y'e mẹni ihiẹn i kwe nkwa a; i k'e mẹrịrịnị Osolobuẹ ihiẹn i kwe nkwa a.’
“Ụnụ a nụgụọ nị wẹ sị, ‘Onyẹ tikpọ ịhịan ẹnya ohu, wẹ tikpọgwarị a ẹnya ohu; onyẹ tikwọn ịhịan eze ohu, wẹ tikwọngwarị a eze ohu.’
“Ụnụ a nụgụọ nị wẹ sị, ‘I sikọ d'e nwọnrịrị ihiẹn-ọsụsụọ ndị nke i, e ze ize ndị-iṅẹnrẹn i.’
“Aghẹrẹkwọlẹ.
