Matiu 5:19 - Ika

¹⁹ Ya wụ nị onyẹ nu hụn ọwụlẹ imẹ iwu ndịnị ye nkọ, a kuzi ịhịan ẹrịra, wẹ sikọ d'a kpọ hụnyẹ onyẹ kachanrịn ntịn imẹ Alị-eze elu-igwee. Kanị, onyẹ rị e dọnmẹ wẹ, a kuzi wẹ, wẹ sikọ d'a kpọ a okẹn-ịhịan imẹ Alị-eze elu-igwee.

Matiu 5:19 ပူးပေါင်းရင်းမြစ်များ

Ẹbụ-ọma 119:128

Ya wụnị iwu i ile rịchanrịn mma ẹnya m, eje-obibi ile e ze m ize.

Ẹbụ-ọma 119:6

Ogẹn ahụn, ifẹnrẹn emẹkọ m m gha e gi iwu i e lele enwẹn m.

Daniẹlụ 12:3

Ndị hụn nwọn uche k'a gha egbuke kẹ igwere, ndị hụn k'e mẹ ịhịan hutọ mẹmẹ ezi-omumẹ k'e gbuke kẹ kokisẹ jẹnrin ejẹn.

Matiu 11:11

“Ezioku kẹ m rị a gwa ụnụ, imẹ ndị ikpoho mụ, onwọnni onyẹ ka Jọnụ hụn e mẹ mirin-Chuku. Kanị, onyẹ hụn kachanrịn ntịn imẹ Alị-eze elu-igwee ka a.

Matiu 19:28

Jizọsị nọ sị wẹ, “M rị a gwa ụnụ ezioku, ụwa ọhụn lalanị, ogẹn hụ Nwa nke Ịhịan k'a nọdị okẹn ukpo ẹ, ụnụ ndị hụn sọnni m sikọ d'a nọdịsọnmẹ ukpo mmẹbụọ, a hannị ebọn mmẹbụọ Izrẹlụ eṅẹn.

Matiu 20:26

Kanị, nke ụnụ arịkọ ẹrịra. Kama, onyẹ chọ n'ọ wụrụ okẹn ịhịan imẹ ụnụ, ya wụrụ odibo ụnụ;

Matiu 28:20

Kuzi ni wẹ, nị wẹ e mẹ ihiẹn ile m sị ụnụ mẹ. Eziẹ, m nọyeni ụnụ ogẹn ile d'e ru ọgụgụ-ogẹn.”

Luku 1:15

makẹni o k'a wụ okẹn ịhịan ẹnya Di-nwọnni-ẹnyi. Ọ rakọ manya ọwụlẹ mọbụ manya zeni. Wẹ gini d'a mụ a, Mmọn-nsọ k'e jun ẹ ghakwọrị imẹ ẹfọ nnẹ ẹ.

Luku 11:42

“Nsọngbu rị e che ụnụ ndị Itu-Farisi! Ụnụ a kụsọnmẹdẹ ohu-imẹ-iri ihiẹn wẹ gi e te ofe — kẹ arabasị-minti kẹ riu kẹ ihiẹn-akụnkụn nta ile, a latọ iye onyẹ ọwụlẹ ihiẹn run'ẹ lẹ inwọn ihiẹn-ọsụsụọ Osolobuẹ — ndịnị ka mkpa furu ụnụ k'a gha e mẹ, kanị ẹlẹ hụn ụnụ e gi latọ ndị ọzọ hụ.

Luku 9:48

ọ nọ sị wẹ, “Onyẹ gi ufiri ẹfan m nabanhan nwata nọ ẹnịna, mmẹ k'ọ nabanhan; onyẹ nabanhannị m nabanhan onyẹ zini m. Ya wụ, onyẹ hụn kachanrịn ẹkẹrẹ imẹ ụnụ ile, ịya wụ onyẹ hụn kachanrịnnị.”

Ọrụn Ndị-ozi 1:1

Tiofilọsụ, imẹ ẹkụkwọ nke ibuzọ, m de ihiẹn ile Jesu rụn lẹ ihiẹn ile ọ kuzi, ghakwọrị ogẹn o gi bidọn ọrụn a

Ndị Rom 3:8

Kị haịn ẹnyi gilẹni nwan sị, “Nị ẹnyi mẹsọnmẹ eje-ihiẹn kẹni ihiẹn rị mma gha imẹ ẹ pụha?” (Bụ ya kẹ ndị rị e kuja oku ẹnyi sị nị ya kẹ ẹnyi e ku. Wẹ furu w'a ma ikpe).

Ndị Rom 6:1

Kị ẹnyi k'e ku nwan? Nị ẹnyi mẹsọnmẹ nwan njọ kẹni ẹfọma hụn ụzọ barapụ?

Ndị Rom 6:15

Kị ẹnyi e mẹzi nwan? Nị ẹnyi mẹsọnmẹ nwan njọ makẹni ẹnyi rị nwan okpuru ẹfọma Osolobuẹ ẹlẹzi okpuru Iwu? Kaka akpohu!

Ditrọnọmi 12:32

Hụnn'a nị ụnụ e mẹchanrịn ihiẹn ile m sị ụnụ e mẹ; ewechelẹ ni n'ẹ mọbụ webelụa a.

Ditrọnọmi 27:26

“Ịbụ-ọnụ ya rịnị onyẹ hụn jụ n'o dọnmẹkọ ihiẹn ndị rị iwuni gi kwadọn wẹ.” Ịhịan ile sị, “Isẹẹ!”

Timoti Ibuzọ 6:11

Kanị, ịyụ, onyẹ nke Osolobuẹ, gbanị ihiẹn ndịnị ile ọsọ. Chụma ezi-omumẹ, ife-Chuku ọhụnma, okukwe, ihiẹn-ọsụsụọ, ndidin lẹ imẹ-jụụ.

Taịtọsụ 3:8

Ọnwan wụ ezioku. M chọ ni y'e ku ihiẹn ndịnị, e kushi wẹ ikẹn, kẹni ndị kwerigụnị Osolobuẹ hụn ụzọ e dọnrin ẹnya e we enwẹn wẹ a kwanị ọrụn ọma. Ihiẹn ndịnị a rịka mma, w'a bannị ịhịan ile erere.

Pita Ibuzọ 5:4

kẹni, Onyẹ-isi ndị-ndu atụnrụn bịa, o gi okpu-eze ọghọ ahụn ghalẹni a fapụ tu ụnụ ugọn.

Jọnụ Ibuzọ 3:4

Onyẹ ọwụlẹ hụn e mẹ njọ rị a dan iwu makẹni njọ wụ ịdan-iwu.

Rẹvẹleshọnụ 2:20

Kanị, ọnwan wụ ihiẹn ị rị e mẹ rị e ze m ize: y'e ye okpoho hụ wụ Jezibẹlụ efe, Jezibẹlụ ahụn kpọ enwẹn ẹ onyẹ-amụma, hụn gi ihiẹn ọ rị a kuzi e dufie idibo m, e mẹ wẹ a ghẹrẹ, e ri ihiẹn-oriri wẹ gi rụa mmọn.

Samuẹlụ Nke Ibuzọ 2:30

“Makẹ ufiri ẹ, Osolobuẹ, hụn wụ Chuku ndị Izrẹlụ, sị, ‘E te kwegụọ m nkwa nị ikpụnọ ị lẹ ẹbozo nẹdi i jẹnkọ d'a wụsọnmẹ ndị nchụn-ẹjan m.’ Kanị m sị ị nwan nị emẹkọzị m'a! Ndị ye m ọghọ kẹ m k'e ye ọghọ; ndị lelịanị m, e lelịa m wẹ.