Matiu 5:17 - Ika

¹⁷ “Erokwọlẹ ni nị m bịa d'a kagbu Iwu Mozizi mọbụ ihiẹn ndị-amụma de. Abịanị m d'a kagbu wẹ, kama, m bịa d'e mẹzu wẹ.

Matiu 5:17 ပူးပေါင်းရင်းမြစ်များ

Azaya 42:21

O te sụọghọ Osolobuẹ n'o gi ufiri ezi-omumẹ ẹ mẹ Iwu ẹ wụrụ okẹn-ihiẹn nwọn ọghọ,

Matiu 3:15

Kanị Jesu nọ sị, “Hapụ a nọ rị ẹrịra kikẹnni; o furu ni ẹnyi mẹkwama ihiẹn ile Osolobuẹ chọ.” Ya kẹ Jọnụ nọ nwan kweri mẹ ẹ mirin-Chuku.

Matiu 7:12

“Ya wụ, imẹ ihiẹn ile, e mẹ ndị ọzọ ihiẹn i chọ nị wẹ mẹ i: ọnwan wegbama ihiẹn ile Iwu lẹ ndị-amụma ku.

Luku 16:17

“Ọ ka nfe nị elu-igwee lẹ ụwa gụ karị nị akpụ ihiẹn ohu rị imẹ Iwu emẹzuni, ọsụọn'a nị ihiẹn kachanrịn ntịn wẹ kaye mkpụrụ-ẹkụkwọ rị imẹ Iwu rọ.

Jọnụ 8:5

Imẹ Iwu, Mozizi sị ẹnyi gi ọmụma magbu okpoho mẹ ihiẹnni o mẹ. Kị yụ nwẹn ku?”

Ọrụn Ndị-ozi 18:13

Wẹ nọ sị Gọvanọ, “Okẹnnyẹni rị a sị ịhịan gi ụzọ ọzọ wụlẹni hụn Iwu ku femẹ Osolobuẹ.”

Ọrụn Ndị-ozi 21:28

yimẹ, “Ndị Izrẹlụ! Bịa nị-o! Ọnwan wụ okẹnnyẹ ahụn rị a ghahunmẹ ebe ile e gi nkuzi ẹ a lụsọn ndị alị ẹnyi lẹ Iwu ẹnyi wụ Iwu Mozizi lẹ Ụlọ-nsọnị ọgụn. Ẹlẹdẹ ọhụn sụọ, o webanhangụọzị nwan ndị alị ọzọ imẹ Ụlọ-nsọ, mẹrụ ebeni rị nsọ!”

Ọrụn Ndị-ozi 6:13

Wẹ nọ kpọpụha ndị ọshẹri-ntụ, ndị ọshẹri-ntụ hụ nọ sị, “Okẹnnyẹni ara kujabehi oku Ụlọ-nsọnị lẹ Iwu Mozizi.

Ndị Rom 10:4

Makẹni ẹka Kraịstị kẹ Iwu nọ bi, kẹni Osolobuẹ hụn ụzọ kpọ ndị ile sikọ d'e kwerini Kraịstị ndị ezi-omumẹ.

Ndị Rom 3:31

Ẹnyi rịdẹ nwan e gi oku okukweni a kagbu Iwu Mozizi ra? Mba, kaka; ẹnyi rị e gi ẹ a kwadọn ẹ.

Ndị Rom 8:4

Osolobuẹ mẹ ihiẹnni kẹni ihiẹn rị mma Iwu chọ hụn ụzọ e mẹ imẹ ndụn ẹnyi ndị rịzịlẹni e bi kẹ ịhịan-mmaka kanị kẹ Mmọn-nsọ dọn chọ.