Matiu 4:17 - Ika

¹⁷ Jizọsị nọ gha ogẹn hụ zimẹ ozi, a sị, “Rogharị nị, makẹni alị-eze Osolobuẹ a rịgụọ nsue!”

Matiu 4:17 ပူးပေါင်းရင်းမြစ်များ

Matiu 10:7

Ụnụ jẹnkọnị, e zi ni oziọma, a sị, ‘Alị-eze elu-igwee a rịgụọ nsue.’

Matiu 11:12

Gha ogẹn Jọnụ hụn e mẹ mirin-Chuku gi bidọn ọrụn a d'e ru ogẹnni, Alị-eze elu-igwee hụ e gi ikẹn-ikẹn a gha ihun, ndị ghalẹni e gi ẹ e gu egu hụzị e gi ikẹn a banye ẹ.

Matiu 13:11

Ọ sị wẹ, “Nke ụnụ, e yegụọ wẹ ụnụ oghere ịmarịn banyeni ihiẹn-nzuzue Alị-eze elu-igwee, kanị eyeni wẹ wẹ oghere hụ.

Matiu 13:24

Ọ nọ tazịnị wẹ ilu, sị, “Alị-eze elu-igwee rị kẹ ebe ịhịan nọ kụn mkpụrụ rị mma ugbo ẹ.

Matiu 13:47

“Alị-eze elu-igwee nọzị kẹ ọga wẹ tụye imẹ ohimin, ọ nọ nwụndọn azụn ile rị ichẹn-ichẹn.

Matiu 13:9

Onyẹ nwọn ntịn, ya nụ!”

Matiu 25:1

“Ogẹn ikpanzụụn ahụn, ihiẹn jẹnkọ d'e mẹ imẹ Alị-eze elu-igwee jẹnkọ d'a nọ kẹ ebe ịgbagba iri nọ weri ukpẹ wẹ jẹnmẹ d'a nabanhan okẹnnyẹ lala d'a gba ẹkụkwọ.

Matiu 3:2

“Rogharị nị, makẹni alị-eze elu-igwee a bịagụọ d'a kịma!”

Matiu 6:10

Alị-eze i (ọkịkị ị) ya bịa; uche i ya mẹ elu-ụwa k'o dọn e mẹ imẹ elu-igwee.

Matiu 9:13

Jẹn ni d'a mụ ihiẹn okuni rị Ẹkụkwọ-nsọ wụ: ‘Omikẹn kẹ m chọ, ẹlẹ ịchụn-ẹjan.’ Makẹni, ẹlẹ ndị ezi-omumẹ kẹ m bịa d'a kpọ, kama ndị njọ.”

Luku 15:10

M rị a gwa ụnụ, ẹrịra kẹ ịghọghọ dọn a rị imẹ igunrun ndị mmọn-ozi Osolobuẹ makẹni onyẹ-njọ rogharị erogharị.”

Luku 15:7

M rị a gwa ụnụ, ẹrịra kẹ ịghọghọ jẹnkọ d'a rị elu-igwee ọda-ọda yeni onyẹ-njọ ohu rogharịnị karị ndị ezi-omumẹ ohu-arịa-ọgụn-isẹn hụn nrogharị rịlẹni mkpa.

Luku 24:47

nị wẹ jẹnkọ d'e gi ẹfan a zi ndị alị ile ozi w'e gi rogharị kẹni Osolobuẹ gbagharị wẹ njọ; nị Jerusalẹm kẹ wẹ jẹnkọ d'a gha bidọn.

Luku 3:23

Jizọsị rị ihiẹn rịkẹ nwa ahụa iri-kwasị-ọgụn k'o bidọn ọrụn a. Wẹ weri Jizọsị kẹ nwa Josẹfụ. Josẹfụ wụ nwa Heli,

Luku 5:32

Ẹlẹ ndị ezi-omumẹ kẹ m bịa d'a kpọ nị wẹ rogharị, kanị ndị-njọ.”

Luku 9:2

Ya ọ nọ zi wẹ d'e zi ozi Alị-eze Osolobuẹ lẹni wẹ d'a zụọ ndị emu rị a kụ.

Ọrụn Ndị-ozi 11:18

A nụgụ wẹ ihiẹnni, onwọnzini ihiẹn wẹ ku; a ja wẹ Osolobuẹ mma, sị, “Ya wụ nị Osolobuẹ e yegụọzị nwan ndị wụlẹni ndị Ju oghere rogharị, nwọnrin ndụn!”

Ọrụn Ndị-ozi 17:30

Osolobuẹ e fepụghọ ẹnya ogẹn mbụ ịhịan marịnlẹn'a. Kanị, ọ sị nwan ịhịan ile rị ebe ile wẹ rogharị.

Ọrụn Ndị-ozi 2:38

Pita nọ za wẹ, sị, “Onyẹ-onyẹ imẹ ụnụ ya rogharị, ni wẹ gi ẹfan Jizọs Kraịstị mẹ ẹ mirin-Chuku, Osolobuẹ a gbagharị a njọ, ogẹn ahụn, o nwọnhẹn oyiye hụ wụ Mmọn-nsọ.

Ọrụn Ndị-ozi 20:21

a gwa kẹ ndị Ju kẹ ndị wụlẹni ndị Ju oku irogharị buru Osolobuẹ lẹ ikwerini Di-nwọnni-ẹnyi wụ Jesu.

Ọrụn Ndị-ozi 26:20

Kama, e zimẹ m ozi hụ imẹ Damaskọsụ ebẹhụ. E zigụ m ndị rị Damaskọsụ ozi hụ, m nọzị zi ẹ imẹ Jerusalẹm lẹ ẹgbẹrẹ Judia ile, zizikwọ ndị alị ndị ọzọ ya, a sị wẹ rogharị buru Osolobuẹ, bimẹ kẹ ndị rogharịnị.

Ọrụn Ndị-ozi 3:19

Rogharị nị nwan ụnụ e kinhẹn n'o finchanpụ ụnụ njọ,

Hibru 6:1

Nị ẹnyi jẹnshi ni nwan ihun, la nkuzi ibuzọ ndịnị rị ofufe Kraịstị tọ, wụrụ ndị ka ẹhụ imẹ Kraịstị. Ẹlẹ hụn ẹnyi e gi gbemẹzi iyetọ, kuzimẹzi irogharịnị latọ ihiẹn ndị ahụn ghalẹni e ye ndụn, lẹ ikwerini Osolobuẹ