Matiu 28:18 - Ika

¹⁸ Jizọsị nọ jẹnzụnhan, sị wẹ, “E yeọlẹ wẹ m ikẹn ile rị elu-igwee lẹ elu-ụwa.

Matiu 28:18 ပူးပေါင်းရင်းမြစ်များ

Ẹbụ-ọma 89:19

Ya kẹ ị gwa ndị nke i imẹ ọhụn, sị, “E yegụọnị m odogun-agha ohu ẹka gbọrị; e bushigụọ m onyẹ ohu m họrị imẹ ndị alịnị elu.

Ẹbụ-ọma 89:27

M k'e yezikwọ a ọkwa okẹnnyẹ ibuzọ m, eze kachanrịn ndị-nze ile rị elu-ụwa.

Itẹn 8:15

Mmẹ kẹ ndị-nze gi a kị, ndị a kịnị gizikwọ m e ye ezigbo iwu;

Matiu 11:27

Nẹdi m e bugụọ ihiẹn ile che m ẹka. Onwọnni onyẹ marịn Nwa mmanị Chuku-Nẹdi sụọ; onwọnzikwọnị onyẹ marịn Chuku-Nẹdi wezụka Nwa lẹzi onyẹ ọwụlẹ Nwa chọ n'o mẹ ẹ marịn Chuku-Nẹdi.

Matiu 16:28

M rị a gwa ụnụ ezioku, o nwọnghọ ndị rị ebeni jẹnkọlẹni d'a nwụnhụn d'e ru ni a hụn wẹ Nwa nke ịhịan k'ọ lala kẹ eze.”

Matiu 26:64

Jizọsị nọ sị a, “Y'e kugụọ a. M rị a gwa ụnụ ile nị ogẹnni ghafegụ, ụnụ sikọ d'a hụn Nwa nke Ịhịan ebe ọ nọdị alị ẹka-nni Osolobuẹ Onyẹ nwọn ikẹn ile, hụnzị a k'ọ rị elu orukpu o gi lala.”

Luku 10:22

Nẹdi m e bugụọ ihiẹn ile che m ẹka. Onwọnni onyẹ marịn onyẹ Nwa-Chuku wụ wezụka Chuku-Nẹdi; onwọnzikwọnị onyẹ marịn Chuku-Nẹdi wezụka Nwa a lẹ onyẹ ọwụlẹ Nwa a chọ n'o mẹ ẹ marịn a.”

Jọnụ 13:3

Jizọsị a marịngụọ nị Chuku-Nẹdi e bugụọ ihiẹn ile che ẹ ẹka; ọ marịnghọ nị ebe Chuku-Nẹdi rị k'ọ gha bịa lẹni Chuku-Nẹdi k'ọ laburukọ:

Jọnụ 17:2

nọkẹ kẹ i dọn bu ịhịan ile che okpuru ẹ kẹni o ye ndị ile i ye ẹ ndụn itẹbitẹ.

Jọnụ 3:31

“Onyẹ gha elu-igwee bịa ka ịhịan ile; onyẹ gha elu-ụwa bịa gha elu-ụwa bịa, o ku oku ihiẹn rị elu-ụwa. Hụn gha elu-igwee bịa ka ịhịan ile.

Jọnụ 3:35

Chuku-Nẹdi nwọn ihiẹn-ọsụsụọ Nwa a wụ Kraịstị, o bugụọ ihiẹn ile che ẹ ẹka.

Ọrụn Ndị-ozi 10:36

Ụnụ a marịnghọ ozi o zijẹnni ndị Izrẹlụ: oziọma ya lẹ ịhịan gi e dọn ghahanị Jesu Kristi Onyẹ nwọn ihiẹn ile lẹ ịhịan ile.

Ọrụn Ndị-ozi 2:36

Ndị Izrẹlụ ile, ya we nwan ụnụ ẹnya nị Osolobuẹ e mẹọlẹ Jesuni ụnụ kpọgbu elu obe wụrụ Onyẹ nwọn ihiẹn ile lẹ Onyẹ-nzụọpụha hụ ụnụ rị e lee ẹnya a.”

Ndị Rom 14:9

Ịya haịn Kraịstị gi nwụnhụn, ọ nwụnhụngụ, ọ nọ rịzị ndụn: kẹni ọ hụn ụzọ wụrụ Onyẹ nwọn ndị rị ndụn lẹ ndị nwụnhụnnị.

Ndị Kọrẹntị Ibuzọ 15:27

Makẹni, “Osolobuẹ e bugụọ ihiẹn ile che okpuru ụkụ a.” Ya kẹ Ẹkụkwọ-nsọ ku. Kanị, omẹni Ẹkụkwọ-nsọ sị, “Ihiẹn ile rị okpuru ụkụ a” o wechanrịn ẹnya nị Osolobuẹ, hụn bu ihiẹn ile che okpuru ụkụ a arị ndị o buche okpuru ẹ.

Ndị Kolosị 2:10

Ya wụ, ụnụ e zuọlẹ nwan oke hụnnị ụnụ rị imẹ Kraịstị, onyẹ ndị-ọkịkị ile lẹ ọkịkị ile rị okpuru ẹ.

Hibru 1:2

Kanị, ogẹn ikpanzụụnnị, ọ gwaọlẹ ẹnyi oku ghahanị Nwa a, onyẹ hụn o yechanrịn ihiẹn ile, onyẹ hụn ọ gha ẹka a ke ụwa ile lẹ ihiẹn ile rịn'a.

Hibru 2:8

bu ihiẹn ile che okpuru ụkụ a.” O mẹ nwan nị Osolobuẹ “e bugụọ ihiẹn ile che okpuru ụkụ a”, ya wụ nị onwọnni nwan ihiẹn rịlẹni okpuru ụkụ a. Kanị ẹnyi eke hụn nwan ihiẹn ile okpuru ịhịan.

Pita Ibuzọ 3:22

Jesu rị nwan ẹka-nni Osolobuẹ imẹ elu-igwee ebe ọ lashi; ndị mmọn-ozi ile lẹ ọkịkị ile lẹ ikẹn ile rị nwan okpuru ẹ.

Rẹvẹleshọnụ 11:15

Ya mmọn-ozi nke ẹsa nọ gbu opi ẹ, m nọ nụ okẹn olu rịsọnmẹ elu-igwee rị a sị, “Alị-eze ụwa a wụrụọlẹ nke Di-nwọnni-ẹnyi lẹ Kraịstị a; o k'a kị jẹnrin ejẹn!”

Rẹvẹleshọnụ 17:14

Wẹ k'a lụsọn Nwa-ebulu hụ agha, kanị Nwa-ebulu hụ k'e mẹri wẹ, makẹni ịya wụ Nna ndị wụ nna lẹ Eze ndị-nze lẹzi makẹni ndị ya lẹ wẹ wị wụ ndị ọ kpọ oku, ndị ọ họrị, ndị furu wẹ gi e dọn ẹnya.”

Rẹvẹleshọnụ 19:16

Nzere wẹ deye elu ẹwuru ẹ lẹ ọgbọdọgbọ a wụ, “Eze ndị-nze lẹ Nna ndị wụ nna.”