Matiu 27:52 - Ika

⁵² ili ichẹn-ichẹn nọ kpupụ, ndị nsọ bu ọda nwụnhụnnị nọ lihi.

Matiu 27:52 ပူးပေါင်းရင်းမြစ်များ

Ndị-nze Nke Ẹbụọ 13:21

Ụhụọhịn ohu, o nwọn ndị Izrẹlụ rị e li okẹnnyẹ ohu, idẹnmizi wẹ nọ hụn ndị Mụabụ hụn a maye ịhịan a kwarị ihiẹn ẹ kẹ wẹ lalanị; ya wẹ nọ hụhụ tụ ozun okẹnnyẹ hụ ye ili Ẹlaịsha. Hụn ozun ahụn gihụ mẹtụ ọkpụkpụ Ẹlaịsha, okẹnnyẹ hụ nọ tẹnhin, wuzo ọtọ.

Azaya 25:8

o k'e luepụ ọnwụn, ọnwụn arịkọzị. Osolobuẹ ihiẹn ile rị okpuru ẹ jẹnkọ d'e finchanpụ ịhịan ile ẹnya-mirin; o k'e wepụ ndị nke ẹ ifẹnrẹn ẹnya elu-ụwa ile. Ya kẹ Osolobuẹ ku.

Azaya 26:19

Kanị, ndị nke i nwụnnị jẹnkọ d'a rịzị ndụn; ozun wẹ k'e lihi. Ụnụ ndị rị nwan imẹ alị, tẹnhin ni yimẹ oro ịghọghọ! Igirigi lalanịnị ụnụ rị kẹ igirigi ụtụntụn, alị k'e gi ẹ mụpụha ndị nwụnnị rịn'a.

Daniẹlụ 12:2

Ndị ahụn ile nwụnhụnnị hụn rị imẹ alị jẹnkọ d'e tẹnhin: ndị k'e nwọn ndụn itẹbitẹ lẹ ndị ọzọ k'e nwọn ifẹnrẹn itẹbitẹ.

Hosia 13:14

Nị m gbapụha wẹ nwan ẹka ọnwụn? Nị m gbapụha wẹ nwan ẹka ili! Ọnwụn! Wẹhẹchanrịn ihiẹn ile i gi e gbu! Alị-mmọn! Wẹhẹchanrịn ihiẹn ile i gi e tikpọ! Emẹkọzị m omikẹn ndịnị!

Jọnụ 11:11

Jesu e kugụ ihiẹnni, ọ nọzị sị wẹ, “Ụran e buruọlẹ ọwụ ẹnyi wụ Lazarọsụ, kalẹ, m jẹnkọ ebẹhụ d'a kpọtiẹn ẹ.”

Ọrụn Ndị-ozi 7:60

Ya ọ nọ gbu osekpu, weshi olu elu, yi, “Di-nwọnni-ẹnyi, agụnkwọlẹ njọnị yeni wẹ!” O kugụ a, ọ nọ nwụnhụn.

Ndị Kọrẹntị Ibuzọ 11:30

Ya rị e buhẹni ndị bu ọda ndụn-ọgụgụ lẹ emu, o nwọnghọdẹ ndị nwụnhụngụnị.

Ndị Kọrẹntị Ibuzọ 15:20

Kanị, ezioku rịn'a wụ nị Osolobuẹ a ghagụọ ọnwụn weli Kraịstị, gi ẹ họnrin ihiẹn-ugbo ibuzọ o wepụha imẹ ndị nwụnhụnnị, gi ẹ ghọsị kẹ ndị họdụnị k'e jẹn.

Ndị Kọrẹntị Ibuzọ 15:51

Gọn ni ntịn: nị m gwa ụnụ ihiẹn-omimini: ẹlẹ ẹnyi ile k'a nwụnhụn, kanị, ẹnyi ile jẹnkọ d'e nwọnhutọ!

Ndị Tẹsalonika Ibuzọ 4:14

Makẹni, kẹ ẹnyi dọn kweri nị Jesu nwụnhụn, lihizi, ẹrịra kẹ ẹnyi dọnzi kweri nị Osolobuẹ k'e gi Jesu wekinhẹn ndị hụn kwerinin'ẹ hụn rị ụran.

Ndị Tẹsalonika Ibuzọ 5:10

Di-nwọnni-ẹnyi wụ Jesu Kristi nwụnnị ẹnyi ọnwụn kẹni ẹnyi hụn ụzọ sọn ẹ bi: ọsụọn'a nị ẹnyi rị ndụn ọsụọn'a nị ẹnyi a nwụnhụngụọ.