Matiu 27:51 - Ika

⁵¹ Ya kẹ ẹkwa wẹ gi gbọnbepụ Ebẹhụ Kachanrịn Nsọ imẹ Ụlọ-nsọ nọ gbawa ẹbụọ ozigbo, gha elu d'e ru alị. Alị nọ zinzin, ọmụma hụ e tiwa;

Matiu 27:51 ပူးပေါင်းရင်းမြစ်များ

Ihiẹn Mẹni Nke Ẹbụọ 3:14

Ihiẹn o gi mẹmẹ Ẹkwa wẹ gi a tankin Ebẹhụ Kachanrịn nsọ wụ ẹkwa rị e nwun bru lẹ nke pọpụ lẹ nke ododo lẹ ẹkwa linẹni riẹnni, ọ kpa ndị chẹrobu ye ẹkwa hụ.

Ẹbụ-ọma 18:15

Akpakalị ohimin nọ pụha ifọn; iyetọ ụwa nọ kpupụ — ogẹn hụ yụ wụ Osolobuẹ gi bigbọ, ogẹn ahụn i gi gi imi kun okẹn uzun ahụn kpu wẹ.

Ẹbụ-ọma 18:7

Alị e zinzin, mẹhunmẹ; ugu ile nọ zinzinru alị wẹ ile e mẹhunmẹ makẹni iwe we Osolobuẹ!

Ọpụpụ 40:21

O bubanhan Ẹkpẹti-nsọ imẹ Ọdụ-nsọ, tan Ẹkwa-mgbọnkin hụ, gi ẹ tankin Ẹkpẹti-nsọ hụ wụ Ọshẹri: kẹ Osolobuẹ dọn gwa a.

Azaya 25:7

O k'a nọ elu uguni tikpọ ihiẹn ahụn kpumẹ ndị alị ile rị ichẹn-ichẹn, ihiẹn hụ fụkpumẹ ndị alị ile rị ichẹn-ichẹn nọkẹ ẹkwa;

Lẹvitikọsụ 16:2

Osolobuẹ sị Mozizi, “Gwa Ẹrọnụ nwẹnẹ i ya atụkwọlẹ ẹhụ banhan Ebe Kachanrịn nsọ hụn rị azụụn Ẹkwa-mgbọnkin, ihun okun ẹkpẹti-nsọ, okun hụ wẹ nọ a gbarị isi: y'e mẹkwọl'a amamgbe ọ nwụnhụn, makẹni m rị imẹ orukpu hụ hụn a pụha elu okun hụ wẹ nọ a gbarị isi.

Lẹvitikọsụ 21:23

kanị, ebe ẹhụ a zulẹni oke, ọ nọkunmẹkọ Ẹkwa-mgbọnkin hụ rị Ọdụ-nsọ Osolobuẹ mọbụ nọkunmẹ ukpo nchụn-ẹjan, gi ẹ mẹrụ ebe wẹ a nọ e fe m. Mmẹ wụ Osolobuẹ hụn e mẹ wẹ a rị nsọ.”

Habakọkụ 3:10

Ugu a hụn ị k'ị lala, ọ nọ fịkọma yeni egun; okẹn mirin e zuemẹ; mirin ohimin e yi oro, kịshin'i ẹka elu;

Habakọkụ 3:13

Ị nọ jẹnpụha d'a zụọpụha ndị nke i, d'a zụọpụha onyẹ hụn i tumẹ. Ị nọ gweriẹn onyẹ-isi eje alị hụ, napụchanrịn wẹ ikẹn wẹ. Sẹla

Ọgụngụn 4:5

Ogẹn ọwụlẹ ndị Izrẹlụ jẹnkọ d'a gha ebe wẹ ziẹntọ buli, Ẹrọnụ lẹ ụmụ a a banye d'e kọntu Ẹkwa-mgbọnkin, gi ẹ kpumẹ Ẹkpẹti Ashịa-ẹri.

Matiu 27:54

Ogẹn ọkị-agha hụ lẹ ndị-agha ya lẹ wẹ rị e che Jizọsị nche gi hụn alị-ọmahihie lẹ ihiẹn ndị hụ mẹni, egun nọ bịa wẹ, wẹ nọ sị, “Ezioku, onyẹni wụ Nwa Osolobuẹ!”

Matiu 28:2

Idẹnmizi, alị nọ mahihie ọda-ọda, makẹni mmọn-ozi Di-nwọnni-ẹnyi gha elu-igwee bịa, nupụ ọmụma hụ hi-ogbe, nọdị alị elu ẹ.

Makị 15:38

Ẹkwa wẹ gi gbọnbepụ Ebẹhụ Kachanrịn Nsọ imẹ Ụlọ-nsọ nọ gbawa ẹbụọ gha elu d'e ru alị.

Luku 23:45

anwụn amụnị. Ogẹnni kẹ Ẹkwa wẹ gi gbọnbepụ Ebẹhụ Kachanrịn Nsọ imẹ Ụnọ-NSỌ gi gbawa ẹbụọ.

Luku 23:47

Ogẹn onyẹ-isi agha ahụn kị ndị-agha kpọgbun'ẹ gi hụn ihiẹn mẹni, ọ nọ ja Osolobuẹ mma, sị, “Ezioku-ezioku, ẹka okẹnnyẹni rị ọchan!”

Hibru 6:19

Olilẹnyanị wụ agbụn zeni furu wẹ gi e dọn ẹnya hụn wẹ gi limẹ umẹ-ndụn ẹnyi. Olilẹnyanị e we ẹnyi a ghafe Ẹkwa-mgbọnbepụ hụ, e weban ẹnyi imẹ-imẹ ebẹhụ Osolobuẹ rị,

Hibru 9:3

Wẹ ghafe ẹkwa mgbọnbepụ rị mmughẹni, a banye wẹ mmughẹ m'ẹ ẹbụọ, hụn w'a kpọ “Ebẹhụ Kachanrịn Nsọ.”

Rẹvẹleshọnụ 11:13

Ozigbo, alị nọ zinzin ọda-ọda, azụụn ohu imẹ obodo hụ nọ tikpọ, ọ họdụ azụụn itenẹi. Alị hụ zinzinni gbu madụ nnụ-uku ẹsa (7,000). Egun nọ tụkẹnmẹ ndị họdụnị, wẹ nọ kweri nị Osolobuẹ hụn rị elu-igwee e hikẹ ogbe.

Rẹvẹleshọnụ 11:19

Ya kẹ Ụlọ-NSỌ Osolobuẹ nọ gụnpụ imẹ elu-igwee: e lee Ẹkpẹti-nkwerigbama Osolobuẹ ebẹhụ. Amụma nọ besọnmẹ, igwere nọ dẹnsọnmẹ, akpara nọ hansọnmẹ; alị nọ zinzin, ẹkwan-igwere nọ dan ọda-ọda.