Matiu 27:40 - Ika

⁴⁰ a sị, “Onyẹ nwẹn sị o k'e tikpọ Ụlọ-nsọ gi akpọhịn ẹtọ tụndọnzi ẹ, zụọpụha nwan enwẹn i! Omẹni ị wụ Nwa Osolobuẹ, gha elu obe hidan.”

Matiu 27:40 ပူးပေါင်းရင်းမြစ်များ

Matiu 16:4

Eje-agbọ ẹnya rịlẹni ụzọ ohu rị a chọ ahịma. Kanị, onwọnni ahịma wẹ jẹnkọ d'a ghọsị wẹ wezụka ihiẹn mẹ Jona onyẹ-amụma.” Ọ nọ la wẹ tọ, gha ebẹhụ pụ.

Matiu 26:61

sị, “Onyẹni sị, ‘M jẹnkọ d'a saẹka tikpọ Ụlọ-nsọ Osolobuẹ, gi akpọhịn ẹtọ tụnkin ẹ.’ ”

Matiu 27:41

Ẹrịra kẹ ndị-isi nchụn-ẹjan lẹ ndị-nkuzi Iwu lẹ ndị-isi dọnzikwọ mụ a ẹmụ, a sị,

Matiu 27:42

“Ọ zụọpụhagụọ ndị ọzọ, kanị ọ sa nị ẹka zụọpụha enwẹn ẹ. Ịya wụ eze Izrẹlụ nụ! Ya gha nwan elu obe hidan, kẹni ẹnyi kwerin'ẹ.

Matiu 27:54

Ogẹn ọkị-agha hụ lẹ ndị-agha ya lẹ wẹ rị e che Jizọsị nche gi hụn alị-ọmahihie lẹ ihiẹn ndị hụ mẹni, egun nọ bịa wẹ, wẹ nọ sị, “Ezioku, onyẹni wụ Nwa Osolobuẹ!”

Matiu 4:3

Ya kẹ onyẹ-ọnwụnwan hụ nọ bịa, sị a, “Omẹni ịyụ wụ Nwa Osolobuẹ, sị ọmụma ndịnị họnrinsọnmẹ ogbe brẹdi.”

Matiu 4:6

sị a, “Omẹni ịyụ wụ Nwa Osolobuẹ, wụtu. Makẹni, e degụọ w'a imẹ Ẹkụkwọ-nsọ, sị, ‘O k'a gwa ndị mmọn-ozi ẹ oku i, a ghọdọn wẹ i, amamgbe y'a kpọ ụkụ ọmụma.’ ”

Luku 16:31

Kanị, Ebraham nọ sị a, ‘Omẹni egọnni wẹ ntịn Iwu Mozizi lẹ ihiẹn ndị-amụma de, ekwerikọ wẹ — ọsụọkwọn'a nị ịhịan gha ọnwụn lihi d'a gwa wẹ.’ ”

Rẹvẹleshọnụ 11:10

Ndị bi ụwa k'a rị a ghọghọ, e mẹ mmẹmmẹ, e yetarị ihiẹn, nị madụ ẹbụbụọ hụ a nwụnhụn, makẹni ndị oku-Chuku ẹbụọnị te bu afụnfụn tọnị ndị ile rị elu-ụwa.