39 Ndị ghafekọnị hụ a kpọlịa a, e finfin isi,
Lee ihiẹn Osolobuẹ ku banyen'ẹ: Nwagbọọ wụ Zayọnụ e legberi i, ọ mụgbu i ẹmụ. Okpoho wụ Jerusalẹm e finfinn'i isi ebe ị gbakọ ọsọ.
Mmẹ nwẹn nwọnzikwọ ikẹn ku kẹ ụnụ, omẹni ụnụ te rị ọnọdịnị m rị; nkẹ m'a sazịkwọ ẹka gi oku rịgbu enwẹn ẹ mma ma ọnụ ikpe, finfinni ụnụ isi.
Hụnnị Chuku lụlụagụ nwan ụta m, mẹ m a ta afụnfụn, w'e mẹ nwan ihiẹn sụọnị wẹ ihun m.
Makẹni, ndị ẹfọ-njọ lẹ ndị-ntụ e kujagụọ oku m, e buokingụọ wẹ m ọnụ.
Wẹ rị nwan a mụ m ẹmụ; wẹ hụn m, e finfin wẹ isi!
Nị m saghọdẹ ẹka gụnmarịn ọkpụkpụ m ile; wẹ hụ a gba m ilee, a mụ m.
Ụya wẹ rị e ye m e tiwapụgụọ m obi — a kụ m emu. M hụ a tụ ẹnya nị wẹ mẹ omikẹn m, onwọnni onyẹ m hụn; a tụ m ẹnya onyẹ k'a kasị m obi, ahụnnị m.
Onwọnni ihiẹn ọ wụ ụnụ ẹnya — ụnụ ile ndị rị a ghafeni? Lehunmẹ ni ẹnya nị ụnụ hụn: O nwọnghọ afụnfụn nọ kẹ afụnfụn wẹ ye m, afụnfụn hụn Osolobuẹ ye m ogẹn o gi ghọsị okẹn iwe rị e wen'ẹ?
Wẹ kpọmazị ndị ohin ẹbụọ chen'ẹ, onyẹ ohu elu obe rị ẹka-nni ẹ, onyẹ ohu elu obe rị ẹka-ekpẹn ẹ.
A gwasọnmẹ w'ẹ eje-oku bu ọda.
