Matiu 27:25 - Ika

²⁵ Igunrun hụ ile nọ sị, “Ẹghẹẹ, ẹdeke ẹ ya rị ẹnyi lẹ ụmụ ẹnyi isi!”

Matiu 27:25 ပူးပေါင်းရင်းမြစ်များ

Samuẹlụ Nke Ẹbụọ 1:16

Defidi a sịgụọ onyẹ Amalẹki hụ, “Ẹdeke i rị ị isi. Ọnụ ị a shịagbugụọ ị ẹri ebe i nọ sị, ‘Mmẹ gbu onyẹ Osolobuẹ tumẹ.’ ”

Ndị-nze Nke Ibuzọ 2:32

Osolobuẹ jẹnkọ d'a kụ a ụgwọ ọchụ o gbu, makẹni, ọ jụnị nẹdi m wụ Defidi, ọ nọ gi ọpịa-agha maye ikẹnnyẹ ẹbụọ, gbu wẹ. Wẹ ẹbụbụọ — kẹ Abna nwa Nẹ hụn te kị ndị-agha Izrẹlụ ile wezụka Juda kẹ Amasa nwa Jeta hụn te kị ndị-agha Juda — ka a ezigbo ịhịan a wụ, ka a ọchan a rị.

Ọpụpụ 20:5

akpọkwọlẹni ni wẹ isi alị mọbụ fe wẹ; makẹni mmẹ, hụn wụ Osolobuẹ, Chuku ụnụ, wụ Chuku ẹnya a fụ omẹni wẹ ye onyẹ ọzọ ihiẹn runi m. M'e gi njọ ndị ize m e ze e sọn ụmụ wẹ d'e rudẹ agbọ nke ẹtọ lẹ nke ẹnọ.

Ọgụngụn 35:33

“Emẹrụlẹ ni nwan alị ụnụ rị. Igbu-ịhịan e mẹrụ alị, bụ w'a ra saẹka gi ịchụn-ẹjan hịan alị wẹ nọ gbu ịhịan wepụ njọ; isi onyẹ gbu ịhịan sụọ kẹ wẹ gi a hịan a.

Matiu 21:44

Onyẹ danye elu ọmụmanị jẹnkọ d'e tigungwọn, kanị ọ dankwasị ịhịan, o gwerinrin ẹ!”

Ọrụn Ndị-ozi 18:6

Ogẹn ndị Ju gi bunụman'a, kparimẹ ẹ, ya kẹ ọ nọ zinzinpụ uzunzun rị a ẹkwa tọnị wẹ gi gwa wẹ n'e mẹọlẹ wẹ eje-ihiẹn, ọ sị wẹ, “Ẹdeke ụnụ rị ụnụ isi! Ẹka m rị ọchan! Gha kikẹnni jẹnmẹ, e buru m ndị wụlẹni ndị Ju.”

Ọrụn Ndị-ozi 5:28

sị, “Ẹnyi a gbagụọnị ụnụ mkpịnsịn-ẹka ẹnya, sị ụnụ egizilẹ ẹfan onyẹni a kuzi? Lee n'ẹ nwan, ụnụ a kuzigbarịgụọ Jerusalẹm ile ihiẹnni, a chọ nị ụnụ bu ẹdeke okẹnnyẹni che ẹnyi isi.”

Ọrụn Ndị-ozi 7:52

Elee onyẹ-amụma kẹ ndị nẹdi ụnụ kpokpolẹni? Uwẹ gbu ndị hụn ku oku ọbịbịa Kraịstị Onyẹ Ezi-omumẹ, ụnụ nwẹn wụ nwan ndị ren'ẹ lẹ ndị gbun'ẹ!

Ditrọnọmi 19:10

Họtọ nị obodo ndị ahụn amamgbe wẹ gha e gbu onyẹ mẹlẹni njọ, ẹdeke a rị ụnụ ẹka imẹ alị ahụn Osolobuẹ wụ Chuku ụnụ rị e ye ụnụ n'ọ wụrụ ukuu ụnụ.

Ditrọnọmi 19:13

Emẹkwọlẹ ni omikẹn ẹ: finchanpụ nị ikpe-ọmụma igbu ịhịan mmakalaka e wẹhẹ imẹ Izrẹlụ, kẹni ọ rịnị ụnụ mma.

Joshụa 2:19

Onyẹ ọwụlẹ imẹ ụnụ hụn k'a gha iwe i pụ ogbe, ẹdeke ẹ rị a isi, ẹka ẹnyi arịa. Kanị wẹ mẹtụ onyẹ ọwụlẹ k'a rị imẹ ụlọnị ẹka, isi ẹnyi k'ọ rị.