Matiu 26:56 - Ika

⁵⁶ Kanị, ihiẹn ndịnị ile rị nwan e mẹ kẹni ihiẹn ndị-amụma ku imẹ Ẹkụkwọ-nsọ mẹzu.” Ya kẹ ndị nsọnmazụụn a ile nọ la a tọ, gbama ọsọ.

Matiu 26:56 ပူးပေါင်းရင်းမြစ်များ

Jẹnẹsisi 3:15

“M k'e mẹ ịyụ lẹ okpohoni wụrụ eṅẹnrẹn, mẹzikwọ nwa ị lẹ nwa a wụrụ eṅẹnrẹn. Nwa a k'a zọkpọ ị isi; yụ nwẹn k'a ta nwa a atụ-ụkụ azụụn.”

Azaya 44:26

Mmẹ e mẹ oku idibo m a bụn, e mẹzu ihiẹn ndị odibo m ku. Mmẹ ku oku Jerusalẹm, sị, ‘Ịhịan k'e bizi imẹ ẹ;’ kuzi oku obodo rịsọnmẹ Juda, sị, ‘Wẹ k'a tụndọnzi wẹ;’ mmẹ ku oku mkpọkọ ụlọ ndịnị, sị, ‘Wẹ k'e welizi wẹ.’

Ẹkwan 4:20

Onyẹ hụn Osolobuẹ tumẹ — eze ẹnyi, hụn wụdẹ uzun ẹnyi e kun nọ dan ọnyan we — bụ ẹnyi te ro ni ẹnyi k'a nọ ẹka a, hụn isi imẹ alị ndị ọzọ!

Daniẹlụ 9:24

“Ogẹn Chuku kayeni ndị nke i lẹ obodo nsọ ụnụ wụ ‘iri kwasị ọgụn-ẹtọ ụzọ ẹsa’ hụn wẹ e gi ta afụnfụn njọ, hụn Osolobuẹ e gi wepụ njọ, hụn o gi mẹ ihiẹn wẹ e gi wepụ njọ, webanhan ezi-omumẹ itẹbitẹ, mẹzu ihiẹn ọ ghọsị ndị-amụma lẹ ihiẹn ndị amụma ku, tumẹ ebe kachanrịn nsọ.

Daniẹlụ 9:26

‘Ẹsa ụzọ ẹbụọ-kwasị-ọgụn-ẹtọ hụ’ ghafegụ, e gbu wẹ Onyẹ hụ Osolobuẹ tumẹ bụ onwọnni ihiẹn ọ latọ. Ndị-agha hụn wẹ lẹ onyẹ ọkịkị ohu k'a wị bịa k'e tikpọ obodo nsọ lẹ Ụlọ-nsọ hụ. Isi njẹndemẹ k'a bịa idẹnmizi kẹ okẹn mirin rị e huni: Agha k'a lụsọnmẹ d'e ru njẹndemẹ, Osolobuẹ e kugụọ a nị okẹn ntikpọ jẹnkọ d'a rị.

Zẹkaraya 13:7

“Ọpịa-agha, tẹnhin! Tẹnhin n'i mẹ onyẹ-ndu atụnrụn m ihiẹn; n'i mẹshi okẹnnyẹ mmẹ lẹ ịya gba a wị ikẹn. Ya kẹ Osolobuẹ ihiẹn ile rị okpuru ẹ ku; Gbu onyẹ ndu atụnrụn hụ kẹni atụnrụn gbayịya: m k'e gidẹ ẹka m mẹshi ụmụ-atụnrụn rịn'a ikẹn.

Matiu 21:42

“Jizọsị nọ sị wẹ: Ụnụ e ke gụntu ihiẹn Ẹkụkwọ-nsọ ku? Ẹkụkwọ-nsọ sị, ‘Ọmụma hụ ndị a tụn ụlọ jụ, a wụrụọlẹ hụn gi ụlọ; Ẹka Di-nwọnni-ẹnyi mẹ ihiẹnni, ọ tụka ẹnyi ẹnya!’

Matiu 26:24

Nị Nwa nke Ịhịan laghọ kẹ wẹ dọn de ẹ imẹ ẹkụkwọ-nsọ n'o k'a la, kanị nsọngbu jẹnkọ d'a rịnị onyẹ k'e we Nwa nke Ịhịan che wẹ ẹka! O te ka onyẹ hụ mma nị amụnị w'a.”

Matiu 26:31

Ya Jizọsị nọ sị wẹ, “Ukinkinni, ụnụ ile jẹnkọ d'e gi ufiri m danpụ, makẹni Ẹkụkwọ-nsọ sị, ‘Osolobuẹ jẹnkọ d'e gbu onyẹ-ndu atụnrụn, atụnrụn ile a gbayịya.’

Matiu 26:54

Kanị, m mẹ ẹ, nanị kẹ w'a dọn mẹzu Ẹkụkwọ-nsọ hụn ku n'o k'a rị ẹrịra?”

Jọnụ 16:32

Ogẹn lala — o rugụọdẹ nwan, hụn ụnụ e gi gbayịya, onyẹ-onyẹ e shi iwe ẹ, la mmẹ sụọ tọ. Kanị, ẹlẹ mmẹ sụọ rị, Nẹdi m nọyeni m anọyeni.

Ọrụn Ndị-ozi 1:16

“Umunẹ m, Ẹkụkwọ-nsọ jẹnkọ d'e mẹzurịrị. O mẹgụọ nwan ebe Judasị rị nọkẹ kẹ Mmọn-nsọ dọn ku ghahanị Defidi, banyeni Judasị hụn duhẹ ndị nwụnrụn Jesu.

Ọrụn Ndị-ozi 2:23

Kanị ihiẹn Osolobuẹ rotọ kaye nọ mẹ, ụnụ nọ we ẹ ye ndị alị ọzọ marịnlẹni Osolobuẹ, wẹ nọ kpọgbuni ụnụ ya elu obe.

Timoti Nke Ẹbụọ 4:16

Kẹ m bu ụzọ za ikpe, onwọnni onyẹ pụha d'e kuyeni m, ịhịan ile la m tọ. Osolobuẹ ya dodo agụnl'a yeni wẹ!