Matiu 26:39 - Ika

³⁹ O jẹnshi ihun ẹkẹrẹ, ọ nọ tụha enwẹn ẹ ye alị, bu ihun kpumẹ alị, mẹ ekpere, sị, “Baba, omẹni ọ rịghọ nfe, anịlẹ m ra mkpuni; kanị, uche i y'a mẹ, ẹlẹ uche m.”

Matiu 26:39 ပူးပေါင်းရင်းမြစ်များ

Jẹnẹsisi 17:3

Ya kẹ Ebram nọ gbuni Chuku osekpu. Chuku nọ sị a,

Samuẹlụ Nke Ẹbụọ 15:26

Kanị, ọ sị m, ‘Ihiẹn i asụọnị m,’ ya mẹ m nwan ihiẹn ọwụlẹ rị a mma ẹnya.”

Ihiẹn Mẹni Nke Ibuzọ 21:16

Defidi e lee ẹnya elu, ọ nọ hụn mmọn-ozi Osolobuẹ hụ k'o wuzo ẹgbata igwere lẹ alị; ọpịa-agha o sepụha bu zinmẹ Jerusalẹm hụkwọ a ẹka. Ya Defidi lẹ ndị-ichẹn nọ dan alị bu ihun kpumẹ alị, wẹ ile yi ẹkwa-achọ (ahịọ) wẹ gi a kwan ụya.

Azaya 50:5

Onyẹ-nwọnni-ẹnyi wụ Osolobuẹ a shịapụgụọ m ntịn, efeni m isi, arụnị m isi ye imẹ.

Azaya 53:12

M k'e mẹ ẹ nwan rị ndị uku; ihiẹn wẹ bulụa agha hụn e ru ndị dikẹn ẹka k'e ru ẹ ẹka — makẹni o kweri we enwẹn ẹ ye wẹ gbu, a gụn w'a yeni ndị mmẹfie. O buru njọ ndị bu ọda; ọ rịọdọnni ndị nnupụ-isi.

Izikẹlụ 1:28

Ukpẹ ahụn fihunmẹ onyẹ hụ nọ kẹ ekọn-lẹ-ogugu hụn a pụha igwere mirin zue. Ẹrịra kẹ ọghọ hụn Osolobuẹ gi pụha nọ. Kẹ m hụn a, m nọ bu ẹfọ mama alị. Ya kẹ m nọ nụ olu rị e ku oku.

Ọgụngụn 14:5

Ya Mozizi lẹ Ẹrọnụ nọ dan alị bu ihun kpumẹ alị idẹnya igunrun ndị Izrẹlụ ile zu ebahụn.

Ọgụngụn 16:22

Kanị Mozizi lẹ Ẹrọnụ nọ tụha enwẹn wẹ alị bu ihun kpumẹ alị, kwanma ẹkwan, sị, “Euu Osolobuẹ, Chuku hụn gi ndụn ịhịan ile, n'i busọn ịhịan ile olulu bụ onyẹ ohu sụọ mẹ njọ?”

Matiu 20:22

Kanị Jizọsị nọ sị, “Ụnụ amarịn ihiẹn ụnụ rị a rịọ. Nị ụnụ s'ẹka ra ihiẹn rị imẹ mkpu m jẹnkọ d'a ra?” Wẹ nọ sị, “Nị ẹnyi saghọ ẹka.”

Matiu 24:24

Makẹni, ndị kpọ enwẹn wẹ Kraịstị lẹ ndị amụma-ntụ jẹnkọ d'a pụha, rụnsọnmẹ okẹn ihiẹn-ahịma lẹ ọrụn-atụmẹnya, kẹni wẹ dufie ịhịan, dufiedẹ ndị Osolobuẹ họrị omẹni o te k'a nị wẹ mẹ.

Matiu 26:42

Ọ nọ pụzị nke mgbe ẹbụọ, mẹ ekpere, sị, “Baba, omẹni mkpu afụnfụnnị asaẹka ghafe mmanị m ra, uche i ya mẹ.”

Makị 13:22

Ndị kpọ enwẹn wẹ Kraịstị lẹ ndị amụma-ntụ jẹnkọ d'a pụha. Wẹ jẹnkọ d'a rụnsọnmẹ ihiẹn ahịma lẹ ọrụn-atụmẹnya kẹni wẹ dufie ịhịan, kẹni wẹ dufiedẹ ndị Osolobuẹ họrị — omẹni o te k'a nị mẹ.

Luku 17:16

Ọ dannị Jizọsị alị, kpanmịn a. Onyẹ Sameria k'ọ wụ.

Jọnụ 11:41

E nupụ wẹ ọmụma hụ; ya Jizọsị nọ weshi ẹnya elu, sị, “M rị a kpanmịn ị Baba, makẹni y'a nụgụọ ekpere m.

Jọnụ 14:31

kanị, m rị e mẹ nị ụwa marịn nị ihiẹn Chuku-Nẹdi a sụọ m a sụọ, nị ihiẹn Chuku-Nẹdi sị m mẹ kẹ m'e mẹ. Lihi ni nwan nị ẹnyi pụ ebeni.

Jọnụ 18:11

Jizọsị nọ sị Pita, “Wekin ọpịa-agha ị ọbụọ a! Nị m jụ mkpu afụnfụn Nẹdi m ye m ra?”

Jọnụ 5:19

Jizọsị nọ sị wẹ, “Ezioku kẹ m rị a gwa ụnụ, Nwa asaẹka gi uche ẹ mẹ ihiẹn ọwụlẹ — mmanị ihiẹn ọ hụn Chuku-Nẹdi rị e mẹ; makẹni ihiẹn Chuku-Nẹdi mẹ kẹ Nwa a nkẹ e mẹ.

Jọnụ 5:30

“Asa m ẹka gi ikẹn m mẹ ihiẹn ọwụlẹ. M hụ a nụ ihiẹn Osolobuẹ rị a gwa m, e gi ẹ a han eṅẹn; ya wụ, ezigbo eṅẹn kẹ m'a han, makẹni arị m e mẹ uche m, kalẹ uche onyẹ zihẹni m.

Jọnụ 6:38

Makẹni, aghanị m elu-igwee bịa d'e mẹ uche m, kanị uche onyẹ hụn zihẹni m.

Ọrụn Ndị-ozi 10:25

Ogẹn Pita gi bịa, Kọnẹlusu nọ jẹn d'e kunrun ẹ, gbun'ẹ osekpu, kpọn'a isi alị.

Ndị Filipi 2:8

o welụa enwẹn ẹ alị, e humẹ isi, d'e ru ebe ọ nọ kweri ni wẹ gbu ẹ — kweridẹ hụn wẹ gi kpọgbu ẹ elu obe!

Hibru 5:7

Ogẹn Jizọsị gi rị elu ụwanị, o mẹ ekpere, a rịọ Osolobuẹ arịrịọ; e gi okẹn ẹkwan lẹ ẹnya-mirin a kpọku Osolobuẹ hụn k'a saẹka zụọpụha a imẹ ọnwụn, Osolobuẹ nọ nụ ekpere ẹ makẹni ọ lachanrịn enwẹn ẹ tọnị Osolobuẹ.

Rẹvẹleshọnụ 19:10

Ya m nọ gbu osekpu ụkụ a kẹni m kụn'a isi alị. Kanị, ọ nọ sị m, “Emẹkwọlẹ a! M wụhụ odibo nọkẹ yụ lẹ umunẹ i, ndị ile kwọndọn oku Jesu. Kụ nị Osolobuẹ sụọ isi alị, makẹni ozi Jesu wụ nkọwa ihiẹn ile ndị-amụma ku.”