Matiu 26:29 - Ika

²⁹ M rị a gwa ụnụ, arakọzị m manya vaịnị d'e ru ụhụọhịn hụ mmẹ lẹ ụnụ jẹnkọ d'a ra nke ọhụn a imẹ Alị-eze Nẹdi m.”

Matiu 26:29 ပူးပေါင်းရင်းမြစ်များ

Ẹbụ-ọma 104:15

kẹni ịhịan hụn manya ẹfọ gi a sụọ a ụsụọ kẹni ịhịan hụn udẹn-olivu a kwọ, ihun ẹ e dẹn, kẹni wẹ hụn ihiẹn wẹ e ri ndụn a ban wẹ.

Ẹbụ-ọma 4:7

Kanị y'e hugụọ ịghọghọ jun m obi karị ịghọghọ ọka lẹ manya wẹ bu ọda e ye wẹ.

Ẹbụ-ọma 40:3

O bu ẹbụ ọhụn che m ọnụ, ẹbụ wẹ gi a ja Chuku ẹnyi mma. Ndị bu ọda k'a hụn ihiẹn o mẹ, tụma egun, e we wẹ enwẹn wẹ kwanị Osolobuẹ, gi ẹ dọn ẹnya.

Ẹbụ Solomọnụ 5:1

A banhangụọ m imẹ ugbo-obobo m, nwẹnẹ m, nwunyẹ m; a kparịgụọ m maa m lẹ ihiẹn m ndị-ọzọ e kun ọhụnma. E rigụọ m ọgba-ẹnwụn m lẹ mirin-ẹnwụn m; a ragụọ m manya m lẹ mirin-ẹran m. E ri ni-o ndị ọwụ ẹnyi; a ra nị-o; ndị rị a sụọnị, rajun ni ẹfọ-o!

Azaya 25:6

Osolobuẹ hụn nwọn ikẹn ile k'a nọ elu uguni kwademẹni ndị alị ile oriri, okẹn-oriri manya e nwunye ẹnya — ezigbo anụ lẹ ezigbo manya.

Azaya 53:11

Ọ tagụ afụnfụn, nwụnhụn, ọ k'a hụn ihiẹn ọ rụn, ẹfọ e jun ẹ. Odibo m k'e mẹ wẹ hatu ndị bu ọda ikpe ma hụn sikọ d'a marịnn'a — o k'e buru njọ wẹ.

Zẹfanaya 3:17

Osolobuẹ hụn wụ Chuku ụnụ nọyeni ụnụ anọyeni! Odogun hụn a zụọnị k'ọ wụ! Yụ wụ Jerusalẹm k'a rị a sụọ a, e mẹ ẹ a ghọghọ. O k'e gi ihiẹn-ọsụsụọ a gba Jerusalẹm umẹ. O k'e gi i a ṅan, a bụshi ẹbụ elu.”

Zẹkaraya 9:17

Alị wẹ k'a rịchanrịn mma, a la ẹnya! Ọka k'e jun, ikorọbịa hụ e gi ẹ a ban ihiẹn; manya-vaịnị e jun, ịgbagba hụ e gi ẹ a ban ihiẹn.

Matiu 13:43

Ogẹn hụ, ndị ezi-omumẹ k'a gha gbukepụ kẹ ẹnyanwụn imẹ Alị-eze Nẹdi wẹ. Onyẹ hụn nwọn ntịn ya nụ.

Matiu 16:28

M rị a gwa ụnụ ezioku, o nwọnghọ ndị rị ebeni jẹnkọlẹni d'a nwụnhụn d'e ru ni a hụn wẹ Nwa nke ịhịan k'ọ lala kẹ eze.”

Matiu 18:20

Makẹni ebe ọwụlẹ mmadụ ẹbụọ mọbụ ẹtọ gi ẹfan m zu, mmẹ lẹ wẹ rị ebẹhụ.”

Matiu 25:34

“Ogẹn hụ, Eze wụ Nwa nke Ịhịan, jẹnkọ d'a sị ndị hụ rị a ẹka-nni, ‘Bịa nị, ndị Nẹdi m gọzi, weri ni Alị-eze hụ wẹ kwademẹni ụnụ kete wẹ gbelẹ iyetọ ụwa.

Matiu 26:28

makẹni ọnwan wụ ẹdeke m, hụn wẹ gi biye ẹka nkwerigbama ọhụn Osolobuẹ kwademẹ — ẹdeke m wẹ hupụnị ndị bu ọda, igi wẹhẹ mgbagharị njọ.

Matiu 26:30

Wẹ nọ bụ ẹbụ. A bụgụ wẹ, wẹ nọ shi Ugu Olivu.

Matiu 28:20

Kuzi ni wẹ, nị wẹ e mẹ ihiẹn ile m sị ụnụ mẹ. Eziẹ, m nọyeni ụnụ ogẹn ile d'e ru ọgụgụ-ogẹn.”

Makị 14:25

M rị a gwa ụnụ ezioku, arakọzị m manya vaịnị d'e ru ogẹn m jẹnkọ d'a ra nke ọhụn a imẹ Alị-eze Chuku.”

Luku 12:32

“Ụmụ-atụnrụn m, atụlẹ ni egun, makẹni ọ sụọghọ Nẹdi ụnụ n'o ye ụnụ Alị-eze.

Luku 15:32

O furu nị ẹnyi ri oriri, ghọghọ, makẹni nwẹnẹ i ni te nwụnhụn anwụnhụn, kalẹ ọ rị nwan ndụn; o te tuhu etuhu, kanị, a hụngụọ w'a nwan.’ ”

Jọnụ 15:11

A gwatọgụọ m ụnụ ihiẹn ndịnị, kẹni ụnụ nwọn ịghọghọ m lẹni ụnụ nwọn ịghọghọ nwọnzu ẹ.

Jọnụ 16:22

Ẹrịra kẹ ụnụ rị nwan a hụnjun ẹnya; kanị, nị m hụnzịghọ ụnụ; ogẹn hụ, ịghọghọ e jun ụnụ obi; onwọnni onyẹ k'a napụ ụnụ ịghọghọ hụ.

Jọnụ 17:13

Kanị, m burula ị nwan; m rị e ku ihiẹn ndịnị imẹ ụwa kẹni wẹ nwọn ịghọghọ m imẹ ndụn wẹ, nwọnzu ẹ.

Ọrụn Ndị-ozi 10:41

bụ ẹlẹ ịhịan ile kanị ẹnyi sụọ, ẹnyi ndị Osolobuẹ họtọ, nị ẹnyi wụrụ ọshẹri, ẹnyi ndị sọn ẹ ri, sọn ẹ ra, k'ọ ghagụ ọnwụn lihi.

Hibru 12:2

ẹnyi e bu ẹnya zinmẹ Jizọsị, onyẹ hụn bidọn okukwe ẹnyi, onyẹ hụn k'e mẹ ẹ zu oke, onyẹ hụn gi ufiri ịghọghọ rị e chen'ẹ dingbu obe, legberi ifẹnrẹn rịn'a. Ọ nọdịgụọ nwan alị ẹka-nni ukpo-eze Osolobuẹ.

Rẹvẹleshọnụ 14:3

Mmadụ nnụ ọgụn mmẹsatọ ahụn hụ a bụ ẹbụ ọhụn ihun ukpo-eze ahụn lẹ ihiẹn ẹnọ ahụn rị ndụn lẹ ndị-isi ahụn. Onwọnni onyẹ saẹka mụnrụn ẹbụ hụ wezụka mmadụ nnụ ọgụn-mmẹsatọ hụ wẹ gha imẹ ụwa gbapụha.

Rẹvẹleshọnụ 7:17

Makẹni Nwa-ebulu ahụn rị etintinnaị ebẹhụ ukpo hụ rị k'a wụrụ onyẹ-ndu wẹ: o k'e du wẹ shi isi-mirin mirin e ye ndụn. Chuku jẹnkọ d'e finchanpụ wẹ ẹnya-mirin ile.”