Matiu 26:28 - Ika

²⁸ makẹni ọnwan wụ ẹdeke m, hụn wẹ gi biye ẹka nkwerigbama ọhụn Osolobuẹ kwademẹ — ẹdeke m wẹ hupụnị ndị bu ọda, igi wẹhẹ mgbagharị njọ.

Matiu 26:28 ပူးပေါင်းရင်းမြစ်များ

Jerimaya 31:31

Osolobuẹ sị, “Ezioku, ogẹn lala hụn m k'e gi mẹmẹ nkwerigbama ọhụn, hụn k'e kwọngbama mmẹ lẹ ndị Izrẹlụ lẹ ndị Juda.

Lẹvitikọsụ 17:11

Makẹni ndụn ihiẹn ọwụlẹ rị imẹ ẹdeke ẹ; e yegụọ m ụnụ ya nị ụnụ gi ẹ a chụn ẹjan ụnụ gi a gbarị isi elu-ukpo nchụn-ẹjan. Ẹdeke kẹ wẹ gi a gbarị isi ịhịan.

Zẹkaraya 9:11

Nke ụnụ Izrẹlụ, m k'e gi ufiri ẹdeke mmẹ lẹ ụnụ gi kwerigbama, gbapụha ndị nke ụnụ imẹ mgbugbu ahụn mirin rịlẹni wẹ buche wẹ.

Matiu 20:28

nọkẹ kẹ mmẹ Nwa nke Ịhịan dọn bịa, ẹlẹ ni wẹ gbanị m odibo, kama, kẹni m gba odibo, yezikwọ ndụn m, gi ẹ gbapụha ndị bu ọda.”

Matiu 26:27

O weri mkpu manya: ọ kpanmịngụ Osolobuẹ, ọ nọ we ẹ ye wẹ, sị, “Ụnụ ile, rarịsọnmẹ ni:

Matiu 26:29

M rị a gwa ụnụ, arakọzị m manya vaịnị d'e ru ụhụọhịn hụ mmẹ lẹ ụnụ jẹnkọ d'a ra nke ọhụn a imẹ Alị-eze Nẹdi m.”

Matiu 6:12

gbagharị ẹnyi eje-ihiẹn ẹnyi mẹ, kẹ ẹnyi dọn gbagharị ndị mẹ ẹnyi eje-ihiẹn.

Makị 1:4

Jọnụ hụn e mẹ mirin-Chuku pụha, kumẹ oku-Chuku imẹ atụ, a sị wẹ rogharị, nị wẹ mẹ wẹ mirin-Chuku hụn ghọsị nị e rogharịgụọ wẹ, kẹni Osolobuẹ gbagharị wẹ njọ.

Makị 14:24

Ọ nọ sị wẹ, “Ọnwan wụ ẹdeke m wẹ gi ufiri ndị bu ọda hupụ; ẹdeke m wẹ gi biye ẹka nkwerigbama Osolobuẹ tumẹ ẹgbata ya lẹ ndị nke ẹ.

Luku 22:19

Ya ọ nọ weri ogbe brẹdi, ọ kpanmịn Osolobuẹ, bebe ẹ, we ẹ ye wẹ, sị, “Ọnwan wụ ẹhụ m, hụn wẹ rị e gi ufiri ụnụ e ye. E mẹ ni ihiẹnni e gi a nyanhan m.”

Luku 22:20

Ẹrịra k'o dọnzikwọ weri mkpu hụ ogẹn wẹ gi rigụ, ye wẹ, sị, “Mkpuni wụ nkwerigbama ọhụn Osolobuẹ; ẹdeke m hụn m rị e gi ufiri ụnụ e ye kẹ wẹ gi biye ẹ ẹka.”

Ndị Rom 5:15

Kanị, ihiẹn Osolobuẹ ye ọfẹ anọnị kẹ njọ Adam. Ọnwụn kẹ njọ okẹnnyẹ ohu hụ wụ Adam buhẹni ndị bu ọda. Kanị, Osolobuẹ gi ẹfọma okẹnnyẹ ohu ahụn wụ Jesu Kristi mẹni ndị bu ọda ọhụnma, ye wẹ ihiẹn-ọfẹ — ẹlẹ ọnwụn.

Ndị Rom 5:19

Makẹni, kẹ ndị bu ọda dọn họnrin ndị njọ makẹni okẹnnyẹ ohu hụ wụ Adam nupụ isi, ẹrịra kẹ Osolobuẹ k'e dọn nwan mẹ ndị bu ọda wụrụ ndị ezi-omumẹ makẹni okẹnnyẹ ohu hụ wụ Jizọsị humẹ isi.

Ndị Kọrẹntị Ibuzọ 11:25

Ẹrịra k'o mẹzi kẹ wẹ rigụ ihiẹn-oriri ẹnyasị ahụn: o weri mkpu manya hụ, ọ nọ sị, “Mkpuni wụ nkwerigbama ọhụn hụ wẹ gi ẹdeke m biye ẹka. E mẹ ni ihiẹnni: ogẹn ọwụlẹ ụnụ ra a, e gi n'ẹ a nyanhan m.”

Ndị Ẹfẹsọsụ 1:7

Makẹni ẹnyi rị imẹ Kraịstị, Osolobuẹ e gigụọ ẹdeke ẹ hụn wụ ọnwụn a gbapụha ẹnyi, gbagharị ẹnyi njọ, makẹ okẹn ẹfọma Osolobuẹ.

Ndị Kolosị 1:14

onyẹ hụn o gi ẹdeke ẹ gbapụha ẹnyi, gbagharị ẹnyi njọ.

Ndị Kolosị 1:20

Ọ sụọzịkwọ Osolobuẹ n'ọ gha ẹka a wekinhẹnni enwẹn ẹ ihiẹn ile o ke: kẹ wẹ rị elu-ụwa kẹ wẹ rị elu-igwee, ghahanị ẹdeke ẹ hụn wụ ndụn a ọ nọ elu-obe ye, hụn o gi wẹhẹ udọn.

Hibru 10:29

elee ụdị afụnfụn k'i ro nị wẹ k'e ye onyẹ hụn legberi Nwa Osolobuẹ, lelịa ẹdeke nkwerigbama hụ wẹ gi dọn ẹ nsọ, kpasu Mmọn-nsọ wẹ gha mẹn'ẹ ẹfọma iwe?

Hibru 13:20

Osolobuẹ hụn e ye udọn, Onyẹ hụn gha ọnwụn weli Di-nwọnni-ẹnyi wụ Jesu, okẹn onyẹ-ndu atụnrụn ahụn wẹ gi ẹdeke ẹ biye nkwerigbama itẹbitẹ Osolobuẹ ẹka;

Hibru 9:28

ẹrịra k'o dọnzikwọ mẹ ni hụnnị Osolobuẹ gigụ Kraịstị chụn ẹjan mgbe ohu sụọ chụnchanrịn a, gi ẹ bupụ njọ ịhịan, ẹlẹ oku njọ kẹ Kraịstị k'a bịazịnị, kama, ọ lala d'a zụọpụha ndị rị e lee ẹnya a ọda-ọda.

Jọnụ Ibuzọ 2:2

Ya lẹ enwẹn ẹ wụ ẹjan wẹ gi wepụ njọ ẹnyi; ẹlẹdẹ njọ ẹnyi sụọ, kanị njọ ụwa ile.

Rẹvẹleshọnụ 7:14

M nọ sị a, “Diọkpa, ịyụ marịn ndị wẹ wụ.” Ọ nọ sị m, “Ndịnị gha okẹn ukpokpo hụ pụha. Wẹ gi ẹdeke Nwa-ebulu hụ sụ ẹwuru wẹ, wẹ nọ họnrin ẹkwa-ọchan.

Rẹvẹleshọnụ 7:9

Ọhụn e mẹgụ, m nọ lee ẹnya, hụn igunrun hi-ogbe, hụn o mẹ ni onwọnni onyẹ saẹka gụn wẹ. Wẹ ghasọnmẹ alị ile, ebọn ile, ndị ile, lẹ asụsụ ile pụha. Igunrunni turu ihun ukpo-eze hụ lẹ ihun Nwa-ebulu hụ. Wẹ ile yi ẹwuru ọchan tueru alị. Onyẹ-onyẹ gi iguru ẹka.