Matiu 26:27 - Ika

²⁷ O weri mkpu manya: ọ kpanmịngụ Osolobuẹ, ọ nọ we ẹ ye wẹ, sị, “Ụnụ ile, rarịsọnmẹ ni:

Matiu 26:27 ပူးပေါင်းရင်းမြစ်များ

Ẹbụ-ọma 116:13

M k'e weshi mkpu elu liyeni Osolobuẹ makẹni ọ zụọpụha m, m k'a ja ẹfan Osolobuẹ mma.

Ẹbụ Solomọnụ 5:1

A banhangụọ m imẹ ugbo-obobo m, nwẹnẹ m, nwunyẹ m; a kparịgụọ m maa m lẹ ihiẹn m ndị-ọzọ e kun ọhụnma. E rigụọ m ọgba-ẹnwụn m lẹ mirin-ẹnwụn m; a ragụọ m manya m lẹ mirin-ẹran m. E ri ni-o ndị ọwụ ẹnyi; a ra nị-o; ndị rị a sụọnị, rajun ni ẹfọ-o!

Ẹbụ Solomọnụ 7:9

ya sụọzịkwọ kẹ manya kachanrịn mma. Manya hụ ya hujẹnni Nke-m — ya gi nwayọ gha a ụgb'ọnụ lẹ eze.

Azaya 25:6

Osolobuẹ hụn nwọn ikẹn ile k'a nọ elu uguni kwademẹni ndị alị ile oriri, okẹn-oriri manya e nwunye ẹnya — ezigbo anụ lẹ ezigbo manya.

Azaya 55:1

Bịa nị, ụnụ ile ẹgụn mirin rị a gụn, bịa nị ebe mirin rị; kẹ onyẹ ọwụlẹ gilẹni egho, bịa nị d'e ṅọnrin ihiẹn-oriri ri! Bịa d'e ṅọnrin manya lẹ mirin-ẹran ọfẹ, onwọnni ihiẹn ụnụ k'a kụ!

Matiu 15:36

Ọ nọ weri ogbe brẹdi ẹsa hụ lẹ azụn ndị hụ; ọ kpanmịngụ Osolobuẹ, ọ nọ bebe wẹ ye ndị nsọnmazụụn a. Ndị nsọnmazụụn a nọ we wẹ ye igunrun hụ.

Matiu 26:26

Ebe wẹ rị e ri ihiẹn-oriri ahụn, Jizọsị nọ weri brẹdi: ọ kpanmịngụ Osolobuẹ, ọ nọ bebe ẹ ye ndị nsọnmazụụn a, sị, “Weri ni ri: ọnwan wụ ẹhụ m.”

Matiu 26:28

makẹni ọnwan wụ ẹdeke m, hụn wẹ gi biye ẹka nkwerigbama ọhụn Osolobuẹ kwademẹ — ẹdeke m wẹ hupụnị ndị bu ọda, igi wẹhẹ mgbagharị njọ.

Luku 22:20

Ẹrịra k'o dọnzikwọ weri mkpu hụ ogẹn wẹ gi rigụ, ye wẹ, sị, “Mkpuni wụ nkwerigbama ọhụn Osolobuẹ; ẹdeke m hụn m rị e gi ufiri ụnụ e ye kẹ wẹ gi biye ẹ ẹka.”

Ndị Kọrẹntị Ibuzọ 10:16

Mkpu ohu ahụn ẹnyi e ye Osolobuẹ ekele a rarịsọnmẹ, ẹlẹ mmẹkọ kẹ ẹnyi ile lẹ ẹdeke Kraịstị gi ẹ e mẹkọ? Brẹdi ahụn ẹnyi e ye Osolobuẹ ekele e keri, ẹlẹ mmẹkọ kẹ ẹnyi ile lẹ ẹhụ Kraịstị gi ẹ e mẹkọ?

Ndị Kọrẹntị Ibuzọ 11:28

Ya wụ nị onyẹ ọwụlẹ k'e lekpọgụ enwẹn ẹ, o kebe ri brẹdi hụ mọbụ rarị ihiẹn rị imẹ mkpu hụ.