Matiu 25:34 - Ika

³⁴ “Ogẹn hụ, Eze wụ Nwa nke Ịhịan, jẹnkọ d'a sị ndị hụ rị a ẹka-nni, ‘Bịa nị, ndị Nẹdi m gọzi, weri ni Alị-eze hụ wẹ kwademẹni ụnụ kete wẹ gbelẹ iyetọ ụwa.

Matiu 25:34 ပူးပေါင်းရင်းမြစ်များ

Ẹbụ-ọma 2:6

“E tumẹgụọ m eze m elu ugu Zayọnụ, Ugu nsọ m!!”

Itẹn 11:17

Onyẹ e mẹ ọhụnma rịzị e mẹni enwẹn ẹ, kanị onyẹ ẹfọ-njọ rịzị e buhẹni enwẹn ẹ nsọngbu.

Azaya 33:22

Makẹni Osolobuẹ wụ onyẹ a hannị ẹnyi eṅẹn; Osolobuẹ wụ onyẹ e ye ẹnyi iwu; Osolobuẹ wụ eze ẹnyi. Ịya jẹnkọ d'a zụọpụha ẹnyi.

Azaya 6:5

Ya m nọ yimẹ, “Ụya e gbuẹ m! Nke m a gụ! Makẹni, mmẹ hụn wụ onyẹ njọ ọnụ a rụ, hụn bizikwọ imẹ igunrun ndị njọ ọnụ wẹ rụ, e gigụọ ẹnya hụn Eze, Osolobuẹ Nwọn Ikẹn Ile!!”

Azaya 9:7

Ọkịkị a lẹ Ọrịrịmma o k'e wẹhẹ agụkọ. O k'a nọ ukpo-eze Defidi kị alị-eze Defidi, e gi ezigbo-eṅẹn lẹ ezi-omumẹ a kwadọn ẹ, e kwọndọn ẹ — gha ogẹn ahụn jẹnmẹ, jẹnrin ejẹn. Adụdụ Osolobuẹ Onyẹ nwọn ikẹn ile k'a han ihiẹnni mẹ.

Daniẹlụ 9:25

“Marịn nwan ihiẹnni m jẹnkọ d'e ku; ghọta a ọhụnma: Gha ogẹn wẹ k'e gi ye iwu sị wẹ dọnzi Jerusalẹm, tụndọnzi ẹ, d'e ru ogẹn Onyẹ hụ Osolobuẹ tumẹ e gi bịa, ogẹn Onyẹ ọkịkị hụ e gi bịa, k'a wụ ‘ẹsa ụzọ ẹsa cheni ẹsa ụzọ ẹbụọ-kwasị-ọgụn-ẹtọ’. Wẹ k'a tụndọnzi ẹ, tụndẹ ọgbara-ogbe lẹ mgbọn ye ẹ, kanị wẹ k'a hụn nsọngbu wẹ gha a rụn a.

Zẹfanaya 3:15

Osolobuẹ a kụsịgụọ afụnfụn ahụn o te gi sọn njọ ụnụ; ọ zapụgụọ ndị-iṅẹnrẹn ụnụ. Eze Izrẹlụ wụ Osolobuẹ nọyeni ụnụ anọyeni! Atụlẹ ni egun ọdakin!

Matiu 13:35

Ịya kẹ ihiẹn onyẹ-amụma ku imẹ Ẹkụkwọ-nsọ gi mẹzu. Onyẹ-amụma sị, “M jẹnkọ d'a shịapụ ọnụ m lu ilu; m jẹnkọ d'a gha e ku ihiẹn zuerini, ihiẹn zueri kete wẹ gbelẹ iyetọ ụwa.”

Matiu 19:29

Onyẹ gi ufiri m latọ ezi-lẹ-ụlọ mọbụ umunẹ-ikẹnnyẹ mọbụ umunẹ-ikpoho mọbụ nẹdi mọbụ nnẹ mọbụ ụmụ mọbụ alị o nwọn jẹnkọ d'e nwọnhẹn wẹ mmagi-mmagi ụzọ ọgụn-isẹn, nwọnhẹnzikwọ ndụn itẹbitẹ.

Matiu 20:23

Ọ nọ sị wẹ, “Ezioku-ezioku, ụnụ jẹnkọ d'a ra ihiẹn rị imẹ mkpu m, kanị ẹlẹ mmẹ nwọn ku onyẹ k'a nọdị m ẹka-nni lẹ ẹka-ekpẹn; kama, ndị hụn Nẹdi m kwademẹn'ẹ wụ ndị k'a nọdị n'a.”

Matiu 21:5

“Sị nị ndị obodo Zayọnụ, lee ẹ, eze ụnụ lala d'e kunrun ụnụ, o welụa enwẹn ẹ alị: ọ nyinla Jaki lẹ nwa-jaki.”

Matiu 25:21

“Di-nwọnn'ẹ nọ sị, ‘Ezigbo odibo wẹ gi e dọn ẹnya! Y'e kwọndọngụọ ihiẹn mẹ ẹkẹrẹ ọhụnma. M jẹnkọ d'e ye i ihiẹn bu ọda lepụ ẹnya. Bịa d'e sọn di-nwọnn'i ghọghọ.’

Matiu 25:23

Di-nwọnn'ẹ nọ sị a, ‘Y'e mẹyekẹ, ezigbo odibo wẹ gi e dọn ẹnya; y'e kwọndọngụọ ihiẹn mẹ ẹkẹrẹ ọhụnma. M jẹnkọ d'e ye i ihiẹn bu ọda lepụ ẹnya. Bịa d'e sọn di-nwọnn'i ghọghọ.’

Matiu 25:40

Eze sikọ d'a za wẹ, sị, ‘M rị a gwa ụnụ ezioku, ebe ụnụ nọ mẹni onyẹ kachanrịndẹ ntịn imẹ umunẹ m ndịnị ya, mmẹ kẹ ụnụ mẹn'ẹ!’

Matiu 25:41

“Ogẹn hụ, o sikọ d'a sị ndị hụ rị ẹka-ekpẹn ẹ, ‘Pụnị nị m ebeni, ndị wẹ bụ ọnụ! Shi ni ọkụn itẹbitẹ hụn wẹ kwademẹni Ekwensụ lẹ ndị mmọn-ozi ẹ!

Matiu 27:37

Wẹ de ihiẹn wẹ gi m'a ikpe ye elu obe hụ, ibe isi ẹ. Ihiẹn wẹ de wụ, “Ọnwan wụ Jizọsị, Eze ndị Ju.”

Matiu 3:2

“Rogharị nị, makẹni alị-eze elu-igwee a bịagụọ d'a kịma!”

Matiu 5:19

Ya wụ nị onyẹ nu hụn ọwụlẹ imẹ iwu ndịnị ye nkọ, a kuzi ịhịan ẹrịra, wẹ sikọ d'a kpọ hụnyẹ onyẹ kachanrịn ntịn imẹ Alị-eze elu-igwee. Kanị, onyẹ rị e dọnmẹ wẹ, a kuzi wẹ, wẹ sikọ d'a kpọ a okẹn-ịhịan imẹ Alị-eze elu-igwee.

Makị 10:17

Hụn Jesu gi pụkọ, okẹnnyẹ ohu nọ gbaha d'e gbun'ẹ osekpu, sị a, “Ezigbo onyẹ nkuzi, kị m'e mẹ ni m nwọnhẹn ndụn-itẹbitẹ?”

Makị 10:40

kanị ẹlẹ mmẹ nwẹn ku onyẹ k'a nọdị ẹka-ihiẹn m mọbụ ẹka-ekpẹn m; nke ndị wẹ kwademẹn'ẹ rọ.”

Luku 11:28

Kanị Jesu nọ sị, “Mba, ndị nwọn ngọzi wụ ndị hụn a nụ oku Osolobuẹ, e gi ẹ e bi!”

Luku 11:50

Ẹghẹẹ, kẹni wẹ jụ agbọnị ukwere ẹdeke ndị-amụma ile wẹ gbu kete wẹ kelẹ ụwa —

Luku 12:32

“Ụmụ-atụnrụn m, atụlẹ ni egun, makẹni ọ sụọghọ Nẹdi ụnụ n'o ye ụnụ Alị-eze.

Luku 19:38

“Ịja-mma ya rịnị Eze ahụn gi ẹfan Di-nwọnni-ẹnyi bịa! Udọn ya rị elu-igwee, Ngọzi ya rịnị Osolobuẹ ebẹhụ kachanrịn elu ejẹn.”

Jọnụ 1:49

Natanẹlụ nọ sị, “Onyẹ-nkuzi, eziẹ ịyụ wụ Nwa Osolobuẹ; ịyụ wụ Eze ndị Izrẹlụ!”

Jọnụ 12:13

ya wẹ nọ werisọnmẹ iguru, jẹnmẹ d'e kunrun ẹ, e yi, “Ja nị Osolobuẹ mma; ngọzi ya rịnị onyẹ ahụn gi ẹfan Di-nwọnni-ẹnyi lala, ọjịja-mma ya rịnị Chuku hụn wụ Eze Izrẹlụ.”

Jọnụ 17:24

“Baba! M chọ nị ndị ile i ye m sọn m rị ebe m rị, nị wẹ hụn ọghọ m, ọghọ hụn i ye m makẹni i nwọn ihiẹn-ọsụsụọ m n'i d'e kedẹ ụwa.

Jọnụ 19:15

Wẹ nọ yi, “Gbu ẹ! Gbu ẹ! Kpọgbu ẹ!” Paịleti nọ sị wẹ, “Ụnụ chọ nị m kpọgbu eze ụnụ?” Ndị-isi nchụn-ẹjan nọ sị a, “Siza, eze Rom, ịya sụọ wụ eze ẹnyi nwọn!”

Ọrụn Ndị-ozi 15:18

marịn ihiẹn ndịnị ketekete ku.’

Ọrụn Ndị-ozi 3:26

Ogẹn Osolobuẹ gi wepụha odibo ẹ, ọ nọ bu ụzọ zihẹni ụnụ ya, n'ọ gọzi ụnụ, ghahanị imẹ onyẹ-onyẹ imẹ ụnụ pụha imẹ njọ a.”

Ndị Rom 8:17

O mẹ nwan nị ẹnyi wụ ụmụ, ihiẹn nẹdi ẹnyi wụ nke ẹnyi, ihiẹn Osolobuẹ wụ nke ẹnyi: ẹnyi lẹ Kraịstị gba nwan nwọn ihiẹn Osolobuẹ, omẹkwọnị ẹnyi e sọn nwan Kraịstị ta afụnfụn kẹni ẹnyi sọnzi ẹ nwọnrin ọghọ.

Ndị Kọrẹntị Ibuzọ 15:50

Umunẹ m, ihiẹn m rị a gwa ụnụ wụ nị ẹhụ-lẹ-ẹdeke asakọ ẹka banye Alị-eze Osolobuẹ; ihiẹn a nwụnhụnnị enwọnrinkọ ihiẹn ghalẹni a nwụnhụn.

Ndị Kọrẹntị Ibuzọ 2:9

Kanị, nọkẹ kẹ Ẹkụkwọ-nsọ dọn ku, “Ẹnya ịhịan ahụntuni, ntịn ịhịan anụtuni, ịhịan erotuni ihiẹn Osolobuẹ kwademẹni ndị ihiẹn ẹ a sụọ.”

Ndị Kọrẹntị Ibuzọ 6:9

Ụnụ amarịn nị ndị e mẹ eje-ihiẹn abanyekọ Alị-eze Osolobuẹ? Anịkwọlẹ ni wẹ dufie ụnụ! Ndị ughẹrẹ lẹ ndị e fe ihiẹn ọzọ lẹ ndị a zọ-ụkụ-eye-ọfịa lẹ ndị wẹ lẹ nwunyẹ ịhịan a ranhịn lẹ ikẹnnyẹ wẹ lẹ ikẹnnyẹ ibe wẹ e mẹ mgba lẹ

Ndị Galeshịa 5:21

iwe-ẹnya, igbu-ọchụn, ịra-manya tụ, eje-mmẹmmẹ lẹ ihiẹn ndị ọzọ nọ ẹrịra. M rị nwan a gba ụnụ mkpịnsịn-ẹka ẹnya kẹ m dọn gba ụnụ ya mbụ, nị ndị hụn e mẹ ihiẹn nọ ẹrịra abankọ Alị-eze Osolobuẹ.

Ndị Ẹfẹsọsụ 5:5

Marịnkwọ nị nị onwọnni onyẹ ughẹrẹ mọbụ onyẹ e bi obibi ru unyin mọbụ ẹnya-uku (hụn wụzị ịrụa-mmọn) jẹnkọ d'a ban Alị-eze Kraịstị lẹ Osolobuẹ!

Ndị Tẹsalonika Ibuzọ 2:12

a dụn ụnụ ọdụn, a gba ụnụ umẹ, a rịọ ụnụ, nị ụnụ e bi obibi furu Osolobuẹ hụn kpọbanhan ụnụ Alị-eze ẹ lẹ ọghọ a.

Timoti Nke Ẹbụọ 2:12

omẹni ẹnyi e din ndidin, ẹnyi k'e sọnzi ẹ kị; omẹni ẹnyi a jụ a, ya nwẹn k'a jụzị ẹnyi;

Timoti Nke Ẹbụọ 4:8

Ihiẹn rị nwan e cheni m wụ ugọn ezi-omumẹ, hụn Onyẹ-nwọnni-ẹnyi, Ọka-Ikpe ahụn ghalẹni a tụ ntụ, jẹnkọ d'e tu m Ụhụọhịn hụ. Ẹlẹ mmẹ sụọ, kanị ndị ile buchanrịn obi wẹ che ọbịbịa a.

Hibru 1:14

Ẹlẹ mmọn e jẹn ozi kẹ ndị mmọn-ozi wụhụ? Ẹlẹ mmọn Osolobuẹ zihẹ d'e yeni ndị jẹnkọ d'e nwọn nzụọpụha ẹka kẹ wẹ wụ?

Hibru 11:16

Kanị, ẹnya wẹ rị alị ka mma, hụn rị elu-igwee. Ya haịn ifẹnrẹn gilẹni e mẹ Osolobuẹ ịza Chuku wẹ, makẹni o nwọnghọ obodo ọ kwademẹni wẹ nke-esi.

Hibru 4:3

Ẹnyi hụn kwerini k'a banye d'e zu ikẹn hụ nọkẹ kẹ Osolobuẹ dọn ku imẹ Ẹkụkwọ-nsọ, sị, “Nọkẹ kẹ m dọn gi iwe kun enwẹn m, sị, ‘Abanyekọ wẹ d'e zu ikẹn ahụn m kwe nkwa a!’ ” Osolobuẹ kuzi oku ezumikẹnni, ọsụọn'a n'ọ rụnchanrịngụọ ọrụn a kete o kelẹ ụwa.

Hibru 9:26

Omẹni nke Jizọsị te rị ẹrịra, nkẹ ọ hụ a nwụn a nwụndọnzi kete wẹ kelẹ ụwa! Kama, ọ bịalẹ mgbe ohuni sụọ imẹ ọgụgụ-ogẹnni d'e wepụchanrịn njọ ghahanị igi enwẹn ẹ chụn ẹjan.

Jemisi 2:5

Ezigbo umunẹ m m bu obi, gọn ni ntịn! Osolobuẹ a họrịgụọnị ndị wụ igbẹnnyẹ imẹ ụwanị mẹ wẹ wụrụ ndị-ịdanfịn imẹ okukwe, wụrụzị ndị k'a banye Alị-eze hụ o kwe nkwa n'o k'e ye ndị ihiẹn ẹ a sụọ?

Pita Ibuzọ 1:9

e ri erere rị okukwe ụnụ: erere ahụn wụ nị wẹ hụ a zụọpụha umẹ-ndụn ụnụ.

Pita Ibuzọ 3:9

Emẹgwarịkwọlẹ ni ịhịan eje-ihiẹn mọbụ kpọgwarị wẹ iyi. Kama, gọzi ni wẹ, makẹni ngọzi kẹ Osolobuẹ kpọ ụnụ d'e weri.

Rẹvẹleshọnụ 13:8

Ndị ile bi elu-ụwa k'e fe ẹ, ndị ile wẹ delẹni ẹfan wẹ imẹ ẹkụkwọ ndụn-itẹbitẹ, ẹkụkwọ Nwa-ebulu hụ wẹ gbu nị wẹ d'e gbe iyetọ ụwa.

Rẹvẹleshọnụ 17:8

“Eje-anụ ufie hụ ị hụn te rị mbụ; ọ rịzị a nwan; kanị, o d'a gha mgbugbu hụ migbu enwẹn ẹ pụha. Ọ pụhagụ, ọ la ntikpọ. Ogẹn ndị rị elu-ụwa k'e gi hụn kẹ eje-anụ ufie hụ pụhazị, ndị ahụn ile wẹ deyelẹni ẹfan wẹ imẹ ẹkụkwọ ndụn-itẹbitẹ ogẹn ụwa gi bidọn, o k'a tụ wẹ ẹnya. Makẹni, o te rị arị, bụ ọ rịzị a nwan, kanị ọ lalazị alala.

Rẹvẹleshọnụ 19:16

Nzere wẹ deye elu ẹwuru ẹ lẹ ọgbọdọgbọ a wụ, “Eze ndị-nze lẹ Nna ndị wụ nna.”

Rẹvẹleshọnụ 21:7

Onyẹ hụn mẹrini k'e nwọnhẹn ihiẹn ndịnị. M k'a wụ Osolobuẹ ẹ, ya nwẹn a wụ nwa m.

Rẹvẹleshọnụ 5:10

Y'e mẹgụọ wẹ wụrụnị Osolobuẹ ẹnyi alị-eze lẹ ndị nchụn-ẹjan; wẹ k'a kị elu-ụwa.”