Matiu 25:32 - Ika

³² Wẹ sikọ d'e wẹhẹn'ẹ alị ile; ọ họ wẹ ohu-ohu kẹ onyẹ e du anụ dọn a họpụha atụnrụn wẹ lẹ ewu rị.

Matiu 25:32 ပူးပေါင်းရင်းမြစ်များ

Ẹbụ-ọma 1:5

Ya wụ, ndị eje-omumẹ eturukọ ogẹn okinkin-ikpe; ndị eje-omumẹ eturukọ imẹ igunrun ndị ezi-omumẹ.

Ẹbụ-ọma 78:52

Ya k'ọ nọ dupụha ndị nke ẹ lekẹ atụnrụn, du wẹ imẹ atụ ahụn lekẹ igunrun atụnrụn.

Ẹbụ-ọma 96:13

wẹ ghọghọma ihun Osolobuẹ, makẹni ọ lala d'e kin ụwa ikpe. O k'e kin ụwa ikpe furuni; o k'a hannị ndị alị ile ezigbo eṅẹn.

Ẹbụ-ọma 98:9

wẹ yimẹni Osolobuẹ oro ịghọghọ n'ọ lala d'e kin ụwa ikpe. O k'e kin ụwa ikpe ọhụnma, o k'a hannị alị ile ezigbo eṅẹn.

Izikẹlụ 20:38

M k'a gha alị ụnụ shiẹnpụchanrịn ndị ile rị imẹ ụnụ hụn a pa oku m lẹ ndị e feni m isi. M k'e wepụha wẹ alị wẹ bi, kanị abanyekọ wẹ alị Izrẹlụ, ụnụ e gi ẹ marịn nị m wụ Osolobuẹ.

Malakaị 3:18

Ogẹn ahụn, ụnụ e hutọ, sị, ‘Ezioku-ezioku, ihiẹn rị ichẹn rị ẹgbata ndị ezi-omumẹ lẹ ndị njọ, ihiẹn rị ichẹn rị ẹgbata ndị a gbaye Osolobuẹ lẹ ndị ghalẹni a gbaye ẹ!’

Matiu 13:49

Ẹrịra k'o jẹnkọ d'a rị o ru ọgụgụ-ogẹn. Ndị mmọn-ozi jẹnkọ d'a pụha, họpụ ndị-njọ imẹ igunrun ndị ezi-omumẹ,

Matiu 28:19

Jẹnmẹ ni nwan d'e mẹ ndị alị ile rị ichẹn-ichẹn wụrụ ndị e sọnni m; e gi ni ẹfan Nẹdi lẹ Nwa lẹ Mmọn-nsọ e mẹ wẹ mirin-Chuku.

Matiu 3:12

Ihiẹn o gi a fụchan ọka rị a ẹka: o k'a fụchanchanrịn ọka ile rị ebe ọ nọ a kụkpọ ọka a, kpọnrin ọka a ile ye ebe o butọ ọka, kpọn ẹfịfịa ọka che imẹ ọkụn hụ ghalẹni e tinyụn.”

Jọnụ 10:14

“Mmẹ wụ ezigbo onyẹ-ndu atụnrụn. A marịnghọ m atụnrụn m; atụnrụn m a marịnghọ m —

Jọnụ 10:27

Atụnrụn m e gọn m ntịn egọn; a marịnghọ m wẹ; w'e sọn m esọn.

Ndị Rom 2:12

Wẹ k'e ye ndị gilẹni Iwu Mozizi afụnfụn njọ wẹ, ajụkọ wẹ wẹ ukwere Iwu Mozizi; wẹ k'e ye ndị gi Iwu Mozizi afụnfụn njọ wẹ, wẹ gigụ Iwu Mozizi kin wẹ ikpe.

Ndị Rom 2:16

Ẹrịra k'o jẹnkọ d'a rị Ụhụọhịn ahụn Osolobuẹ k'e gi gi ihiẹn zueri obi ịhịan kin ịhịan ikpe ghahanị Jesu Kristi kẹ m dọn rị e ku imẹ oziọma m rị e zi.

Ndị Kọrẹntị Ibuzọ 4:5

Eke hanlẹ ni nwan eṅẹn ebe ogẹn kelẹni ru. Cheri ni nị Di-nwọnni-ẹnyi bịa. O jẹnkọ d'e wepụha ihiẹn rị imẹ ishi ifọn, o kpuchanrịn obi ile oghe. Ogẹn hụ, onyẹ-onyẹ a narịn ọjịja-mma run'ẹ ẹka Osolobuẹ.

Ndị Kọrẹntị Nke Ẹbụọ 5:10

Makẹni ẹnyi ile k'a pụha ihun Oche okinkin-ikpe Kraịstị n'o kin ẹnyi ikpe, kẹni onyẹ-onyẹ narịn ụgwọ ihiẹn ọ rụn k'ọ rị imẹ ẹhụnị — kẹ mma kẹ njọ.

Samuẹlụ Nke Ibuzọ 2:10

ndị a nụsọn Osolobuẹ ọgụn k'a la ntikpọ. Ọ k'a gha elu-igwee gan wẹ rịkẹ akpara. Osolobuẹ k'e kin ụwa ile ikpe. “O ye eze o tumẹ ikẹn — ẹghẹẹ, o ye onyẹ o te udẹn-ntumẹ ẹ mmẹri!”