Matiu 25:31 - Ika

³¹ “Ogẹn Nwa nke Ịhịan jẹnkọ d'e gi gi ọghọ-nze ẹ bịa, ya lẹ ndị mmọn-ozi ile, o sikọ d'e weri oche okẹn ukpo ẹ.

Matiu 25:31 ပူးပေါင်းရင်းမြစ်များ

Ẹbụ-ọma 9:7

Osolobuẹ wụ eze jẹnrin-ejẹn; ọ nọdịgụọ ukpo-eze ẹ n'ọ han ẹṅẹn.

Zẹkaraya 14:5

ụnụ a gha ọdanmgbugbu ahụn pụhanị gbapụ, makẹni ọdanmgbugbu hụ k'e rukwọrị Azalụ. Ọsọ ụnụ k'a gba ụhụọhịn ahụn sikọ k'a nọ kẹ hụn ndị nke ụnụ gba kẹ alị mẹhunmẹ ogẹn Uzịa eze Juda. Ogẹn hụ kẹ Osolobuẹ wụ Chuku m k'e gi bịa — ịya lẹ ndị-nsọ a.

Matiu 16:27

“Ẹghẹẹ, Nwa nke Ịhịan k'e gi ọghọ Nẹdi ẹ bịa, ya lẹ ndị mmọn-ozi ẹ k'a wị; ogẹn hụ, o k'a kụ onyẹ ọwụlẹ ụgwọ ihiẹn o mẹ.

Matiu 19:28

Jizọsị nọ sị wẹ, “M rị a gwa ụnụ ezioku, ụwa ọhụn lalanị, ogẹn hụ Nwa nke Ịhịan k'a nọdị okẹn ukpo ẹ, ụnụ ndị hụn sọnni m sikọ d'a nọdịsọnmẹ ukpo mmẹbụọ, a hannị ebọn mmẹbụọ Izrẹlụ eṅẹn.

Matiu 25:6

O ru imẹ odinẹ-abalị, oro nọ pụ, ‘Okẹnnyẹ jẹnkọ d'a gba ẹkụkwọ a bịa-oo! D'e kunrunn'ẹ!’

Matiu 26:64

Jizọsị nọ sị a, “Y'e kugụọ a. M rị a gwa ụnụ ile nị ogẹnni ghafegụ, ụnụ sikọ d'a hụn Nwa nke Ịhịan ebe ọ nọdị alị ẹka-nni Osolobuẹ Onyẹ nwọn ikẹn ile, hụnzị a k'ọ rị elu orukpu o gi lala.”

Makị 14:62

Jesu nọ sị, “Mmẹ rọ; ụnụ jẹnkọ d'a hụndẹ Nwa nke Ịhịan ebe ọ nọdị alị ẹka-nni Osolobuẹ Onyẹ nwọn ikẹn ile, hụnzị a k'ọ rị elu orukpu o gi lala!”

Makị 8:38

Onyẹ mẹ ifẹnrẹn mmẹ lẹ oku m imẹ eje-agbọnị ẹnya rịlẹni ụzọ ohu, mmẹ wụ Nwa nke Ịhịan sikọ d'e mẹ ifẹnrẹn ẹ ogẹn m k'e gi gi ọghọ Nẹdi m bịa, mmẹ lẹ ndị mmọn-ozi rị nsọ.”

Luku 22:69

Kanị, gha kikẹnni jẹnmẹ, Nwa nke Ịhịan jẹnkọ d'a nọdị alị ẹka-nni Chuku Onyẹ nwọn ikẹn ile.”

Luku 9:26

“Makẹni, onyẹ mẹ ifẹnrẹn mmẹ lẹ oku-ọnụ m, mmẹ wụ Nwa nke Ịhịan sikọ d'e mẹzi ifẹnrẹn ẹ ogẹn m'e gi gi ọghọ m lẹ nke Chuku-Nẹdi lẹ nke ndị mmọn-ozi nsọ bịa.

Jọnụ 1:51

Ọ nọ sị a, “M rị a gwa ụnụ ezioku, ụnụ jẹnkọ d'a hụn kẹ elu-igwee kpupụ, hụn ndị mmọn-ozi Osolobuẹ rị e jẹnjẹn e jẹnlụa ebe Nwa nke Ịhịan rị.”

Ọrụn Ndị-ozi 1:11

sị wẹ, “Ikẹnnyẹ Galili, kị ụnụ turuni ebeni e lee igwere moo? Jesuni wẹ weri ebe ụnụ rị weshi elu-igwee jẹnkọ d'e kinhẹn kẹ ụnụ dọn nwan hụn a k'ọ lakọ elu-igwee.”

Ndị Tẹsalonika Ibuzọ 3:13

kẹni obi ụnụ zekẹnmẹ ebe ịrị-nsọ rị, ụnụ a wụrụ ndị nwọnlẹni nkọrịanị ihun Chuku Nẹdi ẹnyi ogẹn Di-nwọnni-ẹnyi Jesu lẹ ndị nsọ a e gi bịa.

Ndị Tẹsalonika Ibuzọ 4:16

Makẹni, o ru ogẹn hụ, Di-nwọnni-ẹnyi k'e gi okẹn olu ku oku, olu onyẹ-isi ndị mmọn-ozi a han, opi Osolobuẹ a han, Di-nwọnni-ẹnyi a gha elu-igwee hidan; ndị nke Kraịstị ranhịngụnị e bu ụzọ gha ọnwụn lihi;

Hibru 1:8

Kanị, nke Nwa a, ihiẹn Osolobuẹ ku wụ, “Euu, Osolobuẹ! Ukpo i k'a rị jẹnrin ejẹn; ọkpọ ọkịkị kụrụ ọtọ k'i gi a kị alị-eze i.

Hibru 9:28

ẹrịra k'o dọnzikwọ mẹ ni hụnnị Osolobuẹ gigụ Kraịstị chụn ẹjan mgbe ohu sụọ chụnchanrịn a, gi ẹ bupụ njọ ịhịan, ẹlẹ oku njọ kẹ Kraịstị k'a bịazịnị, kama, ọ lala d'a zụọpụha ndị rị e lee ẹnya a ọda-ọda.

Judu 1:14

Ẹnọkụ, hụn rị agbọ nke ẹsa, wẹ gha ẹka Adam gụnma, e bugụọ amụma tọnị wẹ: ọ sị, “Lee ẹ, Di-nwọnni-ẹnyi lala, ya lẹ ndị nsọ a nnụ ole-lẹ-ole.

Rẹvẹleshọnụ 1:7

Lee ẹ! O nyinla orukpu; ẹnya ile jẹnkọ d'a hụn a — kẹ ndị hụ dụn a ihiẹn. Ndị alị ile rị ụwa jẹnkọ d'a kwan ẹkwan makẹ ufiri ẹ. Ẹrịra k'o jẹnkọ d'a rị! Isẹẹ!

Rẹvẹleshọnụ 20:11

Ya m nọ hụn ukpo-eze ọchan hi-ogbe lẹ onyẹ nọdị alị elu ẹ. Ụwa lẹ elu-igwere nọ gbaman'a ọsọ, onwọnzini ebe wẹ k'a nọdị.

Rẹvẹleshọnụ 3:21

Onyẹ mẹri, a nị m'a sọn m nọdị ukpo-eze m, kẹ mmẹ nwẹn dọn mẹri, sọn Nẹdi m nọdị ukpo-eze ẹ.

Samuẹlụ Nke Ibuzọ 2:10

ndị a nụsọn Osolobuẹ ọgụn k'a la ntikpọ. Ọ k'a gha elu-igwee gan wẹ rịkẹ akpara. Osolobuẹ k'e kin ụwa ile ikpe. “O ye eze o tumẹ ikẹn — ẹghẹẹ, o ye onyẹ o te udẹn-ntumẹ ẹ mmẹri!”