Matiu 25:24 - Ika

²⁴ “Onyẹ ahụn o ye ẹkpa egho ohu nọ bịa, sị, ‘Diọkpa, a marịnghọ m nị obi i e zekẹ, n'ị y'a ghọrị ihiẹn i kụnlẹni, e ri ihiẹn ị rụnlẹni.

Matiu 25:24 ပူးပေါင်းရင်းမြစ်များ

Azaya 58:3

Wẹ hụ a sị, “Kị ẹnyi budẹni nwan ọnụ bụ onwọnni ihiẹn i kpọ a? Kị ẹnyi wetuni nwan enwẹn ẹnyi alị, bụ y'e feyedẹni ẹnya?” Kanị ụnụ gha e bu ọnụ ụnụ hụzị e mẹsọnmẹ ihiẹn gụnnị ụnụ, e mẹgbu ndị a rụnnị ụnụ ọrụn.

Jerimaya 2:31

“Ụnụ ndị agbọnị, lekwọ nị ihiẹn Osolobuẹ ku: “Ọ sị: M wụdẹ nwan atụ ẹnya Izrẹlụ ra? M wụdẹ nwan alị gbagbu enwẹn ẹ ishi ẹnya a ra? Kị haịn ụnụ ndị nke m gi a sị, ‘Ẹnyi e weri nwan enwẹn ẹnyi; ẹnyi abịakọzị ebe ị rị’?

Matiu 18:24

Ogẹn o gi kumẹ, e wẹhẹni wẹ ẹ onyẹ ohu gi ẹ egho higbu enwẹn ẹ hụn k'e zu wẹ kụ ndị-ọrụn nnụ-uku iri (10,000) ụgwọ ahụa mmisẹn.

Matiu 20:12

a sị, ‘Ndị ikpanzụụnnị rụn mgbahunmẹ ọkụrọkụ ohu sụọ, kanị ẹnyi nwẹn bu ọrụnnị isi kete ụtụntụn, ma anwụn, ị nọ nwan kụ ẹnyi lẹ wẹ ahanmahan.’

Matiu 25:25

Egun i rị a tụ m; ya m nọ jẹn d'e zuemẹ egho i ye m imẹ alị; lee ẹ, weri ihiẹn i.’

Matiu 25:26

Kanị di-nwọnn'ẹ nọ sị a, ‘Eje-odibo, onyẹ nzụnzụn! Y'a marịnghọ nị m'a ghọrị ihiẹn m kụnlẹni, e ri ihiẹn m rụnlẹni, ẹlẹ ịya?

Matiu 7:21

“Ẹlẹ ndị ile a kpọ m ‘Di-nwọnni-ẹnyi’, ‘Di-nwọnni-ẹnyi’ jẹnkọ d'a banye Alị-eze elu-igwee, kanị ndị hụn e mẹ uche Nẹdi m rị elu-igwee sụọ.

Luku 15:29

Kanị, ọ sị nẹdi ẹ, ‘Lee ẹ, kete ahụa ole-lẹ-ole m hụ e fe i kẹ igbọn, enupụtunini m'i isi. Kanị, y'e yetudẹni m nwa-ewu mmaka nị mmẹ lẹ ndị ọwụ m ri, ra!

Luku 19:13

Ọ nọ kpọ idibo ẹ iri, ye wẹ egho ọrụn akpọhịn ọgụn-isẹn ụzọ iri. Ọ nọ sị wẹ, ‘Gi ni eghoni zụ afịa d'e ru n'a lụaha m.’

Luku 6:46

“Kị haịn ụnụ gi a kpọ m ‘Di-nwọnni-ẹnyi, Di-nwọnni-ẹnyi,’ bụ ụnụ ara mẹ ihiẹn m ku?

Ndị Rom 8:7

Makẹni, onyẹ hụn e ro kẹ ịhịan-mmaka ara kweyeni Osolobuẹ kaka, ara dọnmẹ Iwu Osolobuẹ; eziẹ, ọ nịkọ a dọnmẹ.

Ndị Rom 9:20

Kanị, ịyụ wụ ịhịan-mmaka, onyẹ k'ị wụdẹ nwan i gi a shịarị Osolobuẹ oku? Ihiẹn wẹ kpụ a jụdẹ nwan onyẹ kpụn'a, “Kị haịn i gi kpụ m ẹnịna?”