Matiu 25:1 - Ika

¹ “Ogẹn ikpanzụụn ahụn, ihiẹn jẹnkọ d'e mẹ imẹ Alị-eze elu-igwee jẹnkọ d'a nọ kẹ ebe ịgbagba iri nọ weri ukpẹ wẹ jẹnmẹ d'a nabanhan okẹnnyẹ lala d'a gba ẹkụkwọ.

Matiu 25:1 ပူးပေါင်းရင်းမြစ်များ

Ẹbụ-ọma 45:14

Ẹwuru wẹ kpayesọnmẹ ihiẹn k'o yi; wẹ dula a d'e kunrun eze; ịgbagba dukọ a sọnkọ a.

Ẹbụ Solomọnụ 1:3

Udẹn hụn i te rị e kun fuẹin; ẹfan ị rị e kundẹ fuẹin kẹ udẹn wẹ hupụha — ya haịndẹ i ihiẹn i gi a sụọ ịgbagba!

Ẹbụ Solomọnụ 5:16

Ọnụ a wụ ụsụọ lẹ enwẹn ẹ; o pukẹ okorọbịa. Ẹrịra kẹ Nke-m nọ; ẹrịra kẹ Ọwụ m nọ — ụnụ ịgbagba Jerusalẹm.

Ẹbụ Solomọnụ 5:8

Ịgbagba Jerusalẹm, m rị a gwa ọnụ, a gwashi ụnụ ikẹn — ụnụ hụn Nke-m, kị ụnụ sikọ d'a gwa a? Gwa n'a nị ihiẹn-ọsụsụọ e d'a gụngbu m.

Azaya 54:5

Makẹni Chuku hụn ken'i, ịya wụ di i — ẹfan a wụ Osolobuẹ ihiẹn ile rị okpuru ẹ; ẹghẹẹ, Onyẹ-nsọ alị Izrẹlụ wụ onyẹ a gbapụhan'ị; Chuku ụwa ile kẹ wẹ a kpọ a.

Daniẹlụ 2:44

“Ogẹn ndị-nze ndịnị k'e gi rị a kị, Chuku hụn rị elu-igwee k'e pumẹ alị-eze hụn wẹ jẹnkọlẹni d'e tikpọ mọbụ latọnị ndị ọzọ. O k'e tipịpịa alị-eze ndị hụ ile — arịkọzị wẹ; kanị ya nwẹn sikọ d'a rị jẹnrin ejẹn.

Matiu 13:24

Ọ nọ tazịnị wẹ ilu, sị, “Alị-eze elu-igwee rị kẹ ebe ịhịan nọ kụn mkpụrụ rị mma ugbo ẹ.

Matiu 13:31

Jesu nọ tazịnị wẹ ilu, sị, “Alị-eze elu-igwee nọ kẹ akpụrụ mọstadị ịhịan kụnye ugbo ẹ.

Matiu 13:38

Ugbo hụ wụ ụwa; mkpụrụ hụ hụn rị mma wụ ụmụ Alị-eze; ata hụ wụ ụmụ Eje-onyẹ hụ.

Matiu 13:47

“Alị-eze elu-igwee nọzị kẹ ọga wẹ tụye imẹ ohimin, ọ nọ nwụndọn azụn ile rị ichẹn-ichẹn.

Matiu 20:1

“Makẹni Alị-eze elu-igwee nọ kẹ ebe onyẹ ohu nọ pụ ụzụtụntụn d'e we ndị k'a rụnn'a ọrụn imẹ ugbo-vaịnị.

Matiu 22:2

“Alị-eze elu-igwee nọ kẹ ebe eze ohu nọ kpọnị nwa a oriri-agbamẹkụkwọ.

Matiu 25:7

Ya kẹ ịgbagba ndị hụ ile nọ lihi, fishi ukpẹ wẹ elu.

Matiu 3:2

“Rogharị nị, makẹni alị-eze elu-igwee a bịagụọ d'a kịma!”

Matiu 5:16

Ẹrịra kẹ ụnụ k'a nịzị ukpẹ ụnụ e nwun hụn ịhịan e legha, kẹni wẹ a hụn ọrụn-ọma ụnụ, e gi ẹ a ja Nẹdi ụnụ rị elu-igwee mma.

Matiu 9:15

Jizọsị nọ za wẹ, sị, “Ndị bịa agbamẹkụkwọ a kwandẹ nwan ẹkwan ebe okẹnnyẹ rị a gba ẹkụkwọ rị a ra? Ogẹn lala hụn wẹ e gi wepụ a imẹ igunrun wẹ; o ru ogẹn hụ, e bumẹ wẹ ọnụ.”

Jọnụ 18:3

Ya Judasị nọ weri igunrun ndị-agha Rom lẹ ndị-nche Ụlọ-nsọ, ndị hụn ndị-isi nchụn-ẹjan lẹ ndị itu-Farisi zihẹ, o webanhan wẹ ebẹhụ. Wẹ busọnmẹ ihiẹn-ọgụn ichẹn-ichẹn lẹ ọwa lẹ ukpẹ.

Jọnụ 3:29

Onyẹ rị a lụ okpoho nwọn okpoho ahụn ọ rị a lụ. Ọwụ a wuzohụ ẹhụ a, a ghọghọ n'ọ rị a nụ olu ẹ. Ịghọghọ m e zuọlẹ nwan oke.

Ọrụn Ndị-ozi 20:8

Ukpẹ e bughọ ọda mmughẹ hụ rị ibe-elu ẹnyi nọ rị e zu.

Ndị Kọrẹntị Ibuzọ 11:2

M rị a ja ụnụ mma ụnụ gi a nyanhan m imẹ ihiẹn ile, e kwọnkẹnmẹ omẹnalị ụka kẹ m dọn kuzi ụnụ ya.

Ndị Kọrẹntị Nke Ẹbụọ 11:2

Ẹnya hụn a fụ Osolobuẹ rị a fụ m makẹ ọnọdị ụnụ. Ụnụ wụ nwagbọọ m kwe okẹnnyẹ ohu sụọ nkwa. Okẹnnyẹ ahụn wụ Kraịstị. M kwe ẹ nkwa nị m jẹnkọ d'e we ụnụ ye ẹ ebe ụnụ kelẹni marịn okẹnnyẹ.

Timoti Nke Ẹbụọ 4:8

Ihiẹn rị nwan e cheni m wụ ugọn ezi-omumẹ, hụn Onyẹ-nwọnni-ẹnyi, Ọka-Ikpe ahụn ghalẹni a tụ ntụ, jẹnkọ d'e tu m Ụhụọhịn hụ. Ẹlẹ mmẹ sụọ, kanị ndị ile buchanrịn obi wẹ che ọbịbịa a.

Taịtọsụ 2:13

kẹ ẹnyi dọn rị e che okẹn ngọzi ahụn ẹnyi rị e lee ẹnya a, ọbịbịa ahụn Osolobuẹ ẹnyi hi ogbe wụ Jizọsị Kraịstị Onyẹ-nzụọpụha ẹnyi jẹnkọ d'e gi ọghọ bịa.

Rẹvẹleshọnụ 14:4

Ndịnị wụ ndị gilẹni ikpoho mẹrụ enwẹn wẹ, wẹ wụ ikẹnnyẹ marịnlẹni ikpoho. W'e sọn Nwa-ebulu hụ ebe ọwụlẹ o jẹnkọ. Osolobuẹ lẹ Nwa-ebulu hụ a ghagụọ imẹ ịhịan ile gbapụha ndịnị nọkẹ mkpụrụ-ibuzọ.

Rẹvẹleshọnụ 19:7

Nị ẹnyi ghọghọma nị, a ṅan; nị ẹnyi yemẹ ẹ ọghọ, makẹni agbamẹkụkwọ Nwa-ebulu hụ e rugụọ; nwagbọọ o k'a lụ e kọnrinọlẹ.

Rẹvẹleshọnụ 21:2

M nọ hụn obodo nsọ hụ, Jerusalẹm ọhụn, k'ọ gha ẹka Osolobuẹ imẹ elu-igwee hidanla. Ọ nọ kẹ nwagbọọ chọgụ mma agbamẹkụkwọ rị e che di ẹ.

Rẹvẹleshọnụ 21:9

Ya kẹ mmọn-ozi ohu imẹ wẹ ẹsa ahụn bu afẹrẹ afụnfụn ikpanzụụn ẹsa nọ bịa, sị m, “Bịa: m k'a ghọsị ị onyẹ hụ ya lẹ Nwa-ebulu hụ jẹnkọ d'a gba ẹkụkwọ, nwunyẹ Nwa-ebulu hụ.”

Rẹvẹleshọnụ 4:5

Amụma hụ a gha ukpo-eze hụ e bepụha; mirin hụ e dẹn, akpabọ hụzị a gha ukpo-eze hụ a hanpụha. Ukpẹ ẹsa rị ihun ukpo hụ e nwun — ukpẹ ẹsanị wụ Mmọn ẹsa Osolobuẹ.

Rẹvẹleshọnụ 8:10

Mmọn-ozi nke ẹtọ nọ gbu opi ẹ: kokisẹ ohu hi-ogbe rị e nwun kẹ ọkụn ọwa nọ gha igwere dan. Imẹ iyi ile rị ụwa, ọ danye azụụn ohu latọ azụụn ẹbụọ, kẹ iyi kẹ isi-mirin.