Matiu 24:42 - Ika

⁴² We ni nwan ẹnya ru alị, makẹni ụnụ amarịn ụhụọhịn Di-nwọnni ụnụ lala!

Matiu 24:42 ပူးပေါင်းရင်းမြစ်များ

Matiu 24:36

“O mẹ nke ụhụọhịn o k'a wụ mọbụ ogẹn o k'a wụ ụhụọhịn hụ, onwọnni onyẹ marịnnị — kẹ ndị mmọn-ozi rị elu-igwee kẹ mmẹ wụ Nwa-Chuku; Chuku-Nẹdi sụọ marịn.

Matiu 24:43

Marịnkwọ nị nị omẹni onyẹ nwọn ụlọ te marịn ogẹn ohin gi lala iwe ẹ imẹ abalị, nkẹ o che nche, o ke nị a gbukpọ ụlọ a, banhan.

Matiu 24:44

Ụnụ nwẹn, kwademẹkwọ nị, makẹni mmẹ wụ Nwa nke Ịhịan lala ogẹn ụnụ tụlẹni ẹnya.”

Matiu 25:10

Ogẹn wẹ gi jẹnmẹgụ d'e ṅọnrin mirin-ukpẹ, okẹnnyẹ hụn jẹnkọ d'a gba ẹkụkwọ nọ banhan; ndị hụ kwademẹni nọ sọn ẹ banye d'e ri oriri agbamẹkụkwọ hụ, wẹ nọ gụnma ụzọ.

Matiu 25:13

“Jizọsị a tagụ iluni, ọ nọ sị wẹ: E che ni nwan nche, makẹni ụnụ amarịn ụhụọhịn mọbụ ogẹn o sikọ d'a wụ.

Luku 21:34

“Kpachanpụ nị nwan ẹnya, amamgbe iri-ụwa lẹ ịra-manya lẹ oku-elu e mẹ ụhụọhịn hụ kunrun ụnụ idẹnmizi nọkẹ ọnyan.

Luku 21:36

We ni nwan ẹnya ru alị ogẹn ile; e mẹ ni ekpere nị Osolobuẹ mẹ ụnụ saẹka wanahịn ihiẹn ndịnị ile jẹnkọ d'e mẹni, lẹni ụnụ sazịkwọ ẹka turu ihun Nwa nke Ịhịan.”

Ndị Rom 13:11

E bi ni nwan ẹnịna makẹni ụnụ a marịngụọ ogẹn ẹnyi rị imẹ ẹ: nị ogẹn e rugụọ ụnụ e gi tẹnhin, makẹni ogẹn nzụọpụha ẹnyi a rịgụọ nsue karị k'ọ rị ọrụrụ-alị hụ ẹnyi gi kweri.

Ndị Kọrẹntị Ibuzọ 16:13

Dọnrin ni ẹnya; turukẹnmẹ ni imẹ okukwe Kraịstị; turu ni ọhụnma-ọhụnma; kakẹnmẹ ni.

Ndị Tẹsalonika Ibuzọ 5:6

Ya wụ, ẹnyi aranhịnkọ kẹ ndị ọzọ; kama, nị ẹnyi kpachanpụ nị ẹnya, nị ẹnyi dọnrin ẹnya.

Pita Ibuzọ 4:7

Ihiẹn ile e d'e bi. E kwọndọn ni nwan enwẹn ụnụ, e dọnrin ẹnya makẹ ọdakin gha a rị ekpere ụnụ.

Pita Ibuzọ 5:8

E dọnrin ni ẹnya; e che ni nche. Makẹni eṅẹnrẹn ụnụ wụ Ekwensụ rị a ghahunmẹ nọkẹ ẹwọrọ rị e dẹnni, a chọ onyẹ o k'a nwụn ri.

Rẹvẹleshọnụ 16:15

(Jesu sị, “Lee ẹ! M jẹnkọ d'a bịa idẹnmizi nọkẹ ohin. Ngọzi jẹnkọ d'a rịnị onyẹ k'e dọnrin ẹnya, kwọnkẹnmẹ ẹwuru ẹ, amamgbe ọ gi ọtọ ghahunmẹ, ifẹnrẹn e mẹgbu ẹ!”)