Matiu 24:31 - Ika

³¹ O sikọ d'e gi okẹn opi hannị zipụ ndị mmọn-ozi ẹ ẹbamịn ẹnịnọ d'e wegbama ndị nke Osolobuẹ rị ebe ile ụwa ru.

Matiu 24:31 ပူးပေါင်းရင်းမြစ်များ

Ẹbụ-ọma 22:27

Ndị rị ebe ile rị elu-ụwa jẹnkọ d'a nyanhan, femẹ Osolobuẹ; ndị alị ile rị ichẹn-ichẹn k'e fe ẹ.

Ẹbụ-ọma 67:7

Chuku ẹnyi a gọzikẹ ẹnyi, ụwa ile a gbaye ẹ!

Ẹbụ-ọma 81:3

Gbu ni opi hụn ifọn gi pụ lẹ hụn ifọn gi shịagụ, gi kpọye mmẹmmẹ ẹnyi!

Ọpụpụ 19:16

O ru ụtụntụn nke akpọhịn ẹtọ, akpabọ nọ hanma, amụma hụ e be; orukpu nwọn ulu hụ elu-ugu hụ; wẹ nọ nụ opi rị a han ọda-ọda. Ẹhụ nọ mama wẹ ile nni ebẹhụ wẹ ziẹntọ.

Azaya 11:12

O k'e weshi ahịma elu zinmẹni alị ichẹn-ichẹn, gi wegbama ndị Izrẹlụ wẹ kpụnrụn, welụa wẹ; o k'a gha ẹbamịn ẹnọ ụwa wegbama ndị Juda feyịyanị.

Azaya 13:5

Wẹ ghasọnmẹ alị teni bịa, kẹ ndị ghadẹ ebe igwere ru bịa — Osolobuẹ lẹ ihiẹn-ọgụn a rọ, hụn o jẹnkọ d'e gi ghọsị ọnụma a; o wela wẹ d'e tikpọ alị ile.

Azaya 27:13

O ru ogẹn ahụn, okẹn opi k'a han, ndị Izrẹlụ ile hụn rị alị Asiria a la iwi lẹ ndị ile wẹ kpụnshi alị Ijiptu k'a lụa d'a nọ elu ugu nsọ hụ rị Jerusalẹm fe Osolobuẹ.

Azaya 42:10

Bụnị nị Osolobuẹ ẹbụ ọhụn, gi ni ẹbụ ja a mma ebe ile ụwa ru — kẹ ụnụ ile a gha ohimin kẹ ihiẹn ile rị imẹ ẹ, kẹ alị ndị teni rị mkpẹnrẹn ohimin lẹ ndị ile bi imẹ wẹ.

Azaya 43:6

M k'a sịzịkwọ ẹbamịn ọwụwa-ẹnyanwụn, ‘Hapụ wẹ nị wẹ la!’ sị ndịdan-mirin, ‘Egbọndọnkwọlẹ wẹ!’ Welụa nị ụmụ m ikẹnnyẹ rị ebe teni, lẹ ụmụ m ikpoho rị ebe ụwa ru —

Azaya 45:22

Buruhẹ nị m nwan nị m zụọpụha ụnụ, ndị ile rị elu-ụwa! Makẹni, mmẹ wụ Chuku, ọzọ arịa.

Azaya 49:18

Weshi ẹnya elu, lehunmẹ: mmụ ị a gbakikomẹgụọ, wẹ lala d'e kunrun i.” Osolobuẹ sị, “Ma isi m, i k'e yiri wẹ ile kẹ ihiẹn-mma, nọkẹ ihiẹn nwagbọọ rị a gba ẹkụkwọ gi kọn ekikẹn.

Azaya 60:4

Weshi ẹnya elu, n'i lehunmẹ: lee wẹ ile kẹ wẹ zu, lala d'e kunrun i! Ụmụ-ị-ikẹnnyẹ k'a gha ebe teni kinhẹn; ndị k'e welụa ụmụ-ị-ikpoho k'a padẹ wẹ ẹka lụa.

Daniẹlụ 7:2

Daniẹlụ sị: “Imẹ nrọ hụ m rọ imẹ uhinhin, e lee m ẹnya, e lee kẹ ufere rị a ghasọnmẹ ẹbamịn ẹnọ ọ gha e fe imẹ igwere e fe, e gberụrụ okẹn ohimin.

Zẹkaraya 14:5

ụnụ a gha ọdanmgbugbu ahụn pụhanị gbapụ, makẹni ọdanmgbugbu hụ k'e rukwọrị Azalụ. Ọsọ ụnụ k'a gba ụhụọhịn ahụn sikọ k'a nọ kẹ hụn ndị nke ụnụ gba kẹ alị mẹhunmẹ ogẹn Uzịa eze Juda. Ogẹn hụ kẹ Osolobuẹ wụ Chuku m k'e gi bịa — ịya lẹ ndị-nsọ a.

Zẹkaraya 2:6

Lihi ni! Lihi ni! Gha nị alị ahụn rị ẹbamịn-ugu gbapụ, ọsụọn'a nị e te feyịyagụọ m ụnụ nọkẹ ufere ye ẹbamịn ẹnọ rị ụwa! Ya kẹ Osolobuẹ ku.

Zẹkaraya 6:5

Mmọn-ozi hụ nọ sị m, “Ndịnị wụ mmọn ẹnọ rị elu-igwee hụn gha ihun Osolobuẹ nwọn ụwa ile pụla kẹ wẹ jẹngụ n'ọ hụn wẹ!

Zẹkaraya 9:10

M k'a zapụchanrịn ụgbọ-anyịnyan ile rị alị Ifrem: zapụchanrịn ẹshin-agha rị Jerusalẹm; ụta-agha arịkọzị. Eze ụnụ ahụn k'e wẹhẹni alị ichẹn-ichẹn udọn; o k'a kị ụwa ile — gha ohimin d'e ru ohimin, gha Iyi Yufretisi d'e ru njẹndemẹ ụwa!

Zẹkaraya 9:14

Osolobuẹ k'a pụha imẹ elu azụụn nke wẹ; gbama ọbara-ụta a nọkẹ amụma! Chuku nwọn ihiẹn ile k'e gbu opi-agha, gi okẹn ufere gha ẹbamịn ọwụwa-ẹnyanwụn zụnshi agha.

Matiu 13:41

Nwa nke Ịhịan jẹnkọ d'e zi ndị mmọn-ozi ẹ, e huepụ wẹ ndị ile e buhẹ njọ lẹ ndị ile e bi k'ọ sụọ wẹ imẹ Alị-eze ẹ,

Matiu 24:22

Omẹni ebelụanị wẹ ogẹn hụ, onwọnni onyẹ k'a wanahịnnị; kanị, Osolobuẹ k'e gi ufiri ndị Osolobuẹ họrị belụa ogẹn nsọngbu ahụn.

Matiu 24:24

Makẹni, ndị kpọ enwẹn wẹ Kraịstị lẹ ndị amụma-ntụ jẹnkọ d'a pụha, rụnsọnmẹ okẹn ihiẹn-ahịma lẹ ọrụn-atụmẹnya, kẹni wẹ dufie ịhịan, dufiedẹ ndị Osolobuẹ họrị omẹni o te k'a nị wẹ mẹ.

Matiu 24:32

“Gi ni osisi figi mụnrụn ihiẹnni: Hụn agalaba a gihụ fọrịma, y'a marịn nị udu-mirin e d'e bidọn.

Matiu 25:31

“Ogẹn Nwa nke Ịhịan jẹnkọ d'e gi gi ọghọ-nze ẹ bịa, ya lẹ ndị mmọn-ozi ile, o sikọ d'e weri oche okẹn ukpo ẹ.

Matiu 28:18

Jizọsị nọ jẹnzụnhan, sị wẹ, “E yeọlẹ wẹ m ikẹn ile rị elu-igwee lẹ elu-ụwa.

Makị 13:27

O jẹnkọ d'e zi ndị mmọn-ozi ẹ ye imẹ ụwa ile d'e wegbama ndị Osolobuẹ họrị ebe-lẹ-ebe wẹ rị.

Luku 24:47

nị wẹ jẹnkọ d'e gi ẹfan a zi ndị alị ile ozi w'e gi rogharị kẹni Osolobuẹ gbagharị wẹ njọ; nị Jerusalẹm kẹ wẹ jẹnkọ d'a gha bidọn.

Jọnụ 11:52

Ẹlẹdẹ ndị Ju sụọ kẹ Jesu sikọ d'a nwụndọnni, n'o gizighọ ọnwụn a wegbama ndị nke Osolobuẹ ile rị ebe ọwụlẹ.

Ndị Rom 10:18

Nị m jụ nwan: ndị Izrẹlụ anụnị nwan ozi hụ ra? Eziẹ, a nụgụọ w'a. Ọ nọhụ kẹ Ẹkụkwọ-nsọ dọn ku, sị, “Olu wẹ a pụọlẹ; ọ ghagbarịgụọ ụwa ile; ihiẹn wẹ rị e ku e rugụọ ebe ụwa ru.”

Ndị Kọrẹntị Ibuzọ 15:52

O k'e mẹ idẹnmizi: ozigbo-ozigbo, imẹ njụbe-ẹnya ohu, hụn wẹ gihụ gbu opi ikpanzụụn! Makẹni, hụn opi hụ gihụ han, ndị nwụnhụnnị k'e gi ẹhụ ghalẹni a nwụnhụn lihi; ẹnyi ndị rị ndụn e nwọnhutọ.

Ndị Ẹfẹsọsụ 1:10

Ihiẹnni k'o rotọ: nị ogẹn zu, o wegbama ihiẹn ile che okpuru Kraịstị — kẹ ihiẹn rị elu-igwee kẹ ihiẹn rị elu-ụwa.

Ditrọnọmi 30:4

Ọsụọkwọn'a nị alị kachanrịn e te elu-ụwa k'o te chụshi ụnụ, Osolobuẹ wụ Chuku ụnụ k'a gha ebahụn kokomẹ ụnụ wekinhẹn.

Ditrọnọmi 4:32

Jụkwọ nị wẹ ihiẹn mẹ mbụ-mbụ nị wẹ d'a mụ ụnụ, gha ụhụọhịn hụ Osolobuẹ ke ịhịan elu-ụwa; jẹndẹ ni ebe ile ụwa ru d'a jụ kẹ okẹn ihiẹn nọ ẹnịna e mẹtughọ ra a nụtughọdẹ wẹ ihiẹn nọ ẹnịna?

Ndị Tẹsalonika Ibuzọ 4:16

Makẹni, o ru ogẹn hụ, Di-nwọnni-ẹnyi k'e gi okẹn olu ku oku, olu onyẹ-isi ndị mmọn-ozi a han, opi Osolobuẹ a han, Di-nwọnni-ẹnyi a gha elu-igwee hidan; ndị nke Kraịstị ranhịngụnị e bu ụzọ gha ọnwụn lihi;

Ndị Tẹsalonika Nke Ẹbụọ 2:1

O mẹ nke ọbịbịa Di-nwọnni-ẹnyi Jesu Kristi lẹ owegbama wẹ jẹnkọ d'e wegbama ẹnyi ile d'e kunrun ẹ, dodo ni umunẹ,

Hibru 12:19

Ẹlẹ olu opi rị a hannị lẹ olu rị e ku ihiẹn ndị nụn'a gi rịọma nị asa wẹ ẹka nụzị,

Rẹvẹleshọnụ 1:20

“O mẹ nke kokisẹ ẹsa ahụn ị hụn ẹka-nni m lẹ obu-ukpẹ ẹsa hụ, lee ihiẹn wẹ wụ: kokisẹ ẹsa ahụn wụ ndị-isi ẹsa a nọkin ẹnya ụka ẹsa ahụn. Obu-ukpẹ ẹsa ahụn wụ ụka ẹsa ahụn.

Rẹvẹleshọnụ 11:15

Ya mmọn-ozi nke ẹsa nọ gbu opi ẹ, m nọ nụ okẹn olu rịsọnmẹ elu-igwee rị a sị, “Alị-eze ụwa a wụrụọlẹ nke Di-nwọnni-ẹnyi lẹ Kraịstị a; o k'a kị jẹnrin ejẹn!”

Rẹvẹleshọnụ 7:1

Ọhụn e mẹgụ, m nọ hụn mmọn-ozi ẹnọ turusọnmẹ ẹbamịn ẹnọ ụwa, e gbọndọn ufere ẹnọ hụn e fe imẹ ụwa, amamgbe ufere e ruzi elu-ụwa mọbụ ohimin mọbụ osisi ọwụlẹ.

Rẹvẹleshọnụ 8:2

Ya kẹ m nọ hụn ndị mmọn-ozi ẹsa hụn e turu ihun Osolobuẹ. Wẹ nọ ye wẹ opi ẹsa.