Matiu 23:28 - Ika

²⁸ Ẹrịra kẹ ụnụ nọ: ụnụ nọ kẹ ezigbo ịhịan ẹnya ịhịan, kanị ụnụ a kuzi ihiẹn ọzọ e ro ọzọ, eje-ihiẹn eje-ihiẹn kẹ ụnụ e ro.

Matiu 23:28 ပူးပေါင်းရင်းမြစ်များ

Ẹbụ-ọma 51:6

Ẹghẹẹ, ezioku gha akpak'alị obi pụha kẹ ị chọ; y'e mẹ m amarịn ihiẹn rị mma imẹ obi m.

Itẹn 26:26

Ikẹnkwọ n'o gighọ ẹro kpumẹ iwe rị a ẹfọ, kanị eje-omumẹ ẹ k'a wa ebe ịhịan ile rị.

Matiu 23:27

“Nsọngbu rị e che ụnụ ndị-nkuzi Iwu lẹ ndị Itu-Farisi, ndị ihunnaị! Ụnụ nọ kẹ ili wẹ te nzụn: ị hụn a, ọ magbu enwẹn ẹ mma, kanị ọkpụkpụ ndị nwụnhụnnị lẹ ihiẹn ile rụnị e jun imẹ wẹ.

Matiu 23:29

“Nsọngbu rị e che ụnụ ndị-nkuzi Iwu lẹ ndị Itu-Farisi, ndị ihunnaị! Ụnụ e dọnzi ili ndị-amụma akan, a chọ ihiẹn wẹ gi a nyanhan ndị mbụ mẹ uche Osolobuẹ mma;

Matiu 23:5

“W'e mẹ ihiẹn ile w'e mẹ kẹni ịhịan legha wẹ: wẹ chọ nị wẹ yiri mkpọ filatrị ahụn w'e deye oku-Chuku w'e yi ezimezi ihun, e yiri wẹ hụn hi ogbe. Wẹ gha a kwaye tasẹlụ ahụn w'a kwaye ẹkwa ekpere, e mẹmẹ nke wẹ n'o sue, kẹni ịhịan hụn wẹ.

Luku 16:15

Kanị Jizọsị nọ sị wẹ, “Ụnụ rịhụ e mẹ nọkẹ sị ụnụ a rịka mma ebe ịhịan rị, kanị, Osolobuẹ a marịngụọ obi ụnụ. Makẹni, ihiẹn rị mkpa ọda ẹnya ịhịan wụ arụ ẹnya Osolobuẹ.

Ndị Galeshịa 2:13

Ndị Ju ibe ẹ rị ebẹhụ nọ sọn ẹ mẹmẹ ihunnaị ahụn, nke wụ nị Banabasị lẹ enwẹn ẹ nọzị mẹmẹ ihiẹn nwẹn!

Samuẹlụ Nke Ibuzọ 16:7

Kanị Osolobuẹ nọ sị Samuẹlụ, “Etulẹ kẹ ẹhụ a nọ mọbụ k'ọ pụhan-ẹka, nị ẹlẹ ịya kẹ m họrị. Osolobuẹ ara lee ihiẹn kẹ ịhịan dọn e lee! Hụn ẹnya e legha kẹ ịhịan e lee, kanị obi kẹ Osolobuẹ e lee.”