Matiu 23:23 - Ika

²³ “Nsọngbu rị e che ụnụ ndị-nkuzi Iwu lẹ ndị Itu-Farisi, ndị ihunnaị! Ụnụ a kụ ohu-imẹ-ụzọ-iri: kẹ nke arabasị-minti kẹ dilụ kẹ kumini — a latọ ihiẹn ndị ka mkpa imẹ Iwu hụn wụ imẹ ịhịan k'o furu lẹ omikẹn lẹ okukwe. Ihiẹn ndịnị ka mkpa furu ụnụ k'a gha e mẹ, e mẹzikwọ ndị ọzọ hụ.

Matiu 23:23 ပူးပေါင်းရင်းမြစ်များ

Itẹn 21:3

Ezi-omumẹ lẹ imẹ onyẹ ọwụlẹ k'o furu kẹ Osolobuẹ ka a nabanhan karị ịchụn-ẹjan.

Azaya 28:25

O dọnmẹgụ alị ugbo ọhụnma, ẹlẹ ọ kụnma ihiẹn? Ọ kụn ogirigbọn azụụnnị, ọ ghaye osẹn azụụnnị; ọ kụnye ọka-witi ebe furun'ẹ, ọ kụnye ọka-bali ọnọdị a, ọ kụnyezi ọka-spẹtị ọnọdị nke ẹ — ẹlẹ ya?

Jerimaya 22:3

Osolobuẹ sị: mẹmẹ ni ihiẹn rị mma lẹ ihiẹn furuni. A gbapụha nị ndị wẹ rị a bịangbu ẹka ndị rị a bịangbuni wẹ. Emẹjalẹ ni abịamabịa lẹ ndị nwọnlẹni nẹdi lẹ ikpoho di wẹ nwụn mọbụ gi ẹka-ikẹn sọn wẹ, egbulẹ ni ndị nwọnlẹni ihiẹn wẹ mẹ ebeni.

Hosia 6:6

M chọ nị ihiẹn m sụọferi ụnụ, ẹlẹ ịchụn-ẹjan kẹ m chọ; ịmarịn-Osolobuẹ kẹ m chọ karị ịchụn-ẹjan w'a kpọ ọkụn.

Lẹvitikọsụ 27:30

“Ụzọ ohu imẹ ụzọ iri ihiẹn ile alị mẹ wụ nke Osolobuẹ, kẹ ọka gha alị pụha kẹ mkpụrụ-osisi, uwẹ ile wụ nke Osolobuẹ, wẹ rị nsọ, wụchanrịn nke Osolobuẹ.

Maịka 6:8

Ịhịan, Osolobuẹ agwagụọ ị ihiẹn rị mma i k'e mẹ. Kị Osolobuẹ chọ ẹka ị karị iye ịhịan ihiẹn ẹ lẹ ihiẹn-ọsụsụọ lẹ iwelụa enwẹn i alị bini Chuku i?

Matiu 12:7

Omẹni ụnụ te marịn alị okuni: ‘Omikẹn kẹ m chọ, ẹlẹ ịchụn-ẹjan,’ ụnụ e ke gha a ma onyẹ nwọnlẹni ihiẹn o mẹ ikpe.

Matiu 23:13

“Kanị nsọngbu rị e che ụnụ ndị-nkuzi Iwu lẹ ndị Itu-Farisi, ndị ihunnaị! Makẹni ụnụ a kpọkin ụzọ Alị-eze elu-igwee: ụnụ abanyeni, ụnụ eyekọ ndị chọ nị wẹ banye efe banye.

Matiu 9:13

Jẹn ni d'a mụ ihiẹn okuni rị Ẹkụkwọ-nsọ wụ: ‘Omikẹn kẹ m chọ, ẹlẹ ịchụn-ẹjan.’ Makẹni, ẹlẹ ndị ezi-omumẹ kẹ m bịa d'a kpọ, kama ndị njọ.”

Luku 11:42

“Nsọngbu rị e che ụnụ ndị Itu-Farisi! Ụnụ a kụsọnmẹdẹ ohu-imẹ-iri ihiẹn wẹ gi e te ofe — kẹ arabasị-minti kẹ riu kẹ ihiẹn-akụnkụn nta ile, a latọ iye onyẹ ọwụlẹ ihiẹn run'ẹ lẹ inwọn ihiẹn-ọsụsụọ Osolobuẹ — ndịnị ka mkpa furu ụnụ k'a gha e mẹ, kanị ẹlẹ hụn ụnụ e gi latọ ndị ọzọ hụ.

Luku 18:12

M hụ e bu ọnụ mgbe ẹbụọ imẹ izuka, e ye i ohu-imẹ-iri ihiẹn ile m nwọn.’

Samuẹlụ Nke Ibuzọ 15:22

Kanị Samuẹlụ nọ sị a, “Ẹjan w'a dụn ọkụn lẹ ẹjan mmaka kadẹ nwan Osolobuẹ a sụọ karị igi oku ẹ dọn ra? Lee ẹnya, ihumẹ-isi ka ịchụn-ẹjan mma; i mẹ ihiẹn wẹ sị ị mẹ ka iye ụtọrọ ebulu mma.