Matiu 23:15 - Ika

¹⁵ “Nsọngbu rị e che ụnụ, ndị-nkuzi Iwu lẹ ndị Itu-Farisi, ndị ihunnaị! Makẹni ụnụ e jẹnsọnmẹ alị ichẹn-ichẹn, e fetudẹ ohimin, chọkọ onyẹ sikọ d'e kweri femẹ ofufe ụnụ — ọsụọn'a nị akpụ onyẹ ohu sụọ rọ, kanị onyẹ kweri nwan sọnmẹ ụnụ, ụnụ e mẹ ẹ wụrụ nwa ọkụn-mmọn karịdẹ ụnụ nwẹn.

Matiu 23:15 ပူးပေါင်းရင်းမြစ်များ

Ẹsta 8:17

Imẹ Ẹgbẹrẹ ọwụlẹ lẹ obodo ọwụlẹ, ebe ọwụlẹ iwu eze ru, ndị Ju rịn'a hụ a ghọghọ, ẹfọ hụ a sụọ wẹ ụsụọ, wẹ hụ e ri oriri, e mẹ mmẹmmẹ. Ndị bu ọda wụ ndị alị ọzọ nọ họnrin ndị Ju, makẹni egun ndị Ju rị a tụ wẹ.

Matiu 23:13

“Kanị nsọngbu rị e che ụnụ ndị-nkuzi Iwu lẹ ndị Itu-Farisi, ndị ihunnaị! Makẹni ụnụ a kpọkin ụzọ Alị-eze elu-igwee: ụnụ abanyeni, ụnụ eyekọ ndị chọ nị wẹ banye efe banye.

Matiu 3:7

Kanị, ogẹn o gi hụn kẹ ndị bu ọda imẹ ndị itu-Farisi lẹ ndị itu-Sadusi rị a bịa n'o mẹ wẹ mirin-Chuku, ọ nọ sị wẹ, “Igunrun agwọ! Onyẹ sị ụnụ gba nị iwe lẹ ọnụma Osolobuẹ lalanị ọsọ?!

Matiu 5:22

Kanị, m rị gwa ụnụ nị onyẹ budẹni nwẹnẹ ẹ olulu a kpọ w'a ikpe; onyẹ kpọ nwẹnẹ ẹ iyi, o jẹnkọ Ọgwa Ndị-isi; onyẹ sị ịhịan ‘Nzuzu,’ ọkụn-mmọn rị e che ẹ.

Matiu 5:29

Omẹni ẹnya ẹka-nni i a han ị e mẹ njọ, gụpụ a tuhu. Ọ ka ị mma nị mkpamkpa ẹhụ ị ohu arịzị a, karị nị wẹ tụ ẹhụ ị ile ye ọkụn-mmọn.

Jọnụ 8:44

“Ụnụ wụ nke Ekwensụ nẹdi ụnụ. Ihiẹn nẹdi ụnụ chọ kẹ ụnụ chọ nwan nị ụnụ mẹ. Izighẹ k'ọ wụ gha isi mbidọn lala; ọ kwadọntuni ezioku — makẹni ezioku arị imẹ ẹ. Ọ gha a tụ ntụ, onwọnni ihiẹn ọ kpọ a, makẹni onyẹ ntụ lẹ nẹdi ntụ k'ọ wụ.

Ọrụn Ndị-ozi 13:10

sị a, “Onyẹ hụn ẹro lẹ eje-ihiẹn ile jun imẹ ẹ! Nwa Ekwensụ! Eṅẹnrẹn ihiẹn ile rị ọchan! Y'a fịbehikọ ezioku Di-nwọnni-ẹnyi?!

Ọrụn Ndị-ozi 13:43

Ogẹn wẹ gi gbashịagụ, ndị Ju bu ọda lẹ ndị ọzọ e fe ofufe ndị Ju nọ sọnmẹ Pọlụ lẹ Banabasị. Pọlụ lẹ Banabasị nọ gba wẹ umẹ, sị wẹ turusọnmẹ imẹ ẹfọma Osolobuẹ mẹni ẹnyi.

Ọrụn Ndị-ozi 14:19

Kanị o nwọn ndị Ju gha Antịọkụ lẹ Ikoniọm bịa Listra. A dọrịgụ wẹ igunrun hụ ye azụụn nke wẹ, ya wẹ nọ weri Pọlụ mama ọmụma, dọkpụnpụ a imẹ obodo hụ, e ro n'ọ nwụnhụngụọ.

Ọrụn Ndị-ozi 14:2

Kanị ndị Ju kwerilẹni nọ kpasu ndị wụlẹni ndị Ju, wiwi obi wẹ, wẹ nọ bunụmanị ndị kwerini.

Ọrụn Ndị-ozi 17:13

Kanị, ogẹn ndị Ju rị Tẹsalonika gi marịn nị Pọlụ e kuọlẹ oku Chuku imẹ Bẹrịa, wẹ nọzị bịa ebẹhụ d'a kpasu ndị rị ebẹhụ.

Ọrụn Ndị-ozi 2:10

lẹ Frigia lẹ Pamfilia lẹ Ijiptu lẹ ẹgbẹrẹ Libia ndị hụ nọchimẹ Saịrini lẹ ndị bi alị ndị Rom,

Ọrụn Ndị-ozi 6:5

Okuni sụọ ndị ụka ile ụsụọ; wẹ nọ họpụha Stivini, okẹnnyẹ hụn nwọn okukwe ọda-ọda, Mmọn-nsọ jun imẹ ẹ; ịya lẹ Filipu lẹ Prokorọsụ lẹ Nikanọ lẹ Timọnụ lẹ Pamẹnasị lẹ Nikọlasị onyẹ Antịọkụ, onyẹ alị ọzọ te e fe ofufe ndị Ju.

Ndị Galeshịa 4:17

Wẹ rị nwan e mẹ oku ụnụ, kanị ẹlẹ ihiẹn rị mma kẹ wẹ bu obi! Wẹ chọhụ nị wẹ wepụ ụnụ ebe ụnụ rị, kẹni ụnụ bu ẹnya zinmẹ wẹ.

Ndị Galeshịa 6:12

Ndị rị a chọ nị wẹ gi ihiẹn ẹnya e legha dụ ẹka obi, uwẹ rị nwan a chọ nị wẹ wa ịkwa-ugun ye ụnụ olu. Wẹ rị e mẹ ẹ amamgbe wẹ e gi ufiri obe Kraịstị kpokpo wẹ.

Ndị Ẹfẹsọsụ 2:3

Eziẹ, ẹnyi ile e te bi k'ọ sụọ ẹnyi nọkẹ wẹ, e mẹ kẹ ẹhụ ẹnyi lẹ obi ẹnyi chọ. Iwe-lẹ-ọnụma Osolobuẹ te hụ e che ẹnyi nọkẹ ndị ọzọ ile.