40 Iwu ẹbụọnị gi Iwu Mozizi ile lẹ ihiẹn ile ndị-amụma ku.”
“Ya wụ, imẹ ihiẹn ile, e mẹ ndị ọzọ ihiẹn i chọ nị wẹ mẹ i: ọnwan wegbama ihiẹn ile Iwu lẹ ndị-amụma ku.
Osolobuẹ ye Iwu ghahanị Mozizi; kanị ẹfọma lẹ ezioku gha ẹka Jesu Kristi bịa.
Ihiẹn Iwu ku: “Aghẹrẹlẹ; egbulẹ ọchụn; ezunlẹ ohin; anịlẹ ihiẹn ịhịan la ị ẹnya” lẹ ihiẹn ọwụlẹ Iwu ku kẹ wẹ wegbama imẹ iwuni hụn sị, “Ihiẹn ibe i ya sụọ ị kẹ enwẹn i dọn a sụọ ị.”
Makẹni, wẹ wegbamachanrịn Iwu ile imẹ iwu ohu hụn wụ “Ihiẹn ibe i k'a sụọrịrị ị kẹ ihiẹn enwẹn i dọn a sụọ ị.”
I sikọ d'a gwa wẹ akuzizilẹ, kẹni ịhịan hụn ụzọ gi ihiẹn-ọsụsụọ gha obi rị mma pụha e bi, e gi ịhọrị rị mma lẹ okukwe ru akpakalị obi e bi.
Omẹni ụnụ e dọnmẹghọ iwu hụ Eze ye kẹ wẹ dọn de ẹ imẹ Ẹkụkwọ-nsọ, sị, “Ihiẹn ibe i ya sụọ ị kẹ ihiẹn i dọn a sụọ ị,” nkẹ ọ rịka mma.
