Matiu 22:17 - Ika

¹⁷ Gwa nwan ẹnyi: O furughọ nị ẹnyi kụ eze-kanị wụ Siza ụgwọ-isi ra o furuni?”

Matiu 22:17 ပူးပေါင်းရင်းမြစ်များ

Ẹzra 4:13

“O furu nị eze marịnzị nị wẹ tụndọnzigụ obodoni, rụndọnzichanrịn mgbọn ẹ, akụkọzị wẹ ụgwọ-isi, atụkọzị wẹ ụtụ-eze lẹ ụtụ ibu-afịa; o rukwọ ẹkpa eze e belụa.

Ẹzra 7:24

Ya wezikwọ ụnụ ile e kwọndọn egho eze ẹnya nị ẹnyi asịnị ụnụ na onyẹ ọwụlẹ a rụn ọrụn imẹ Ụlọ-nsọ hụ ụgwọ-isi mọbụ ụtụ-eze mọbụ ụtụ ibu-afịa — kẹ ndị nchụn-ẹjan kẹ ndị Livaị kẹ ndị a bụ ẹbụ kẹ ndị-nche ọnụ-mgbọn Ụlọ-nsọ hụ kẹ ndị idibo Ụlọ-nsọ kẹ ndị ọzọ a rụn ọrụn imẹ Ụlọ-Chukuni.

Nehemiah 5:4

O nwọnzighọ ndị sị, “Ẹnyi gwarị zinrin egho kẹni ẹnyi hụn ụzọ tụ ụtụ alị ugbo lẹ alị vaịnị hụn eze be ẹnyi.

Nehemiah 9:37

Ufiri njọ ẹnyi, ihiẹnni ile bugbu enwẹn ẹ alịnị rị a mịpụha hụ a lanị ndị-nze alị ọzọ ndịnị i we ẹnyi che okpuru wẹ; wẹ hụ a kị kẹ ẹhụ ẹnyi kẹ anụ ẹnyi k'ọ sụọ wẹ. Ẹnyi rị nwan imẹ okẹn afụnfụn.”

Jerimaya 42:20

nị ụnụ e mẹfieọlẹ ọda-ọda. Makẹni ụnụ gi ẹka ụnụ zi m d'e kunrun Osolobuẹ wụ Chuku ụnụ, sị m rịọnị ụnụ Osolobuẹ wụ Chuku ụnụ; ụnụ gi ọnụ ụnụ sị, ‘Gwahụ ẹnyi ihiẹn Osolobuẹ wụ Chuku ẹnyi ku, ẹnyi k'e mẹ ẹ.’

Matiu 17:25

Pita nọ sị, “Ọ tụ a tụ.” Pita a banhan, Jizọsị nọ bu ẹ ụzọ kumẹ, sị a, “Saịmọnụ, gwadẹle m? Onyẹ kẹ ndị-nze ụwanị a na ụtụ ichẹn-ichẹn w'a na? Ụmụ wẹ ra ndị ọzọ?”

Matiu 22:18

Kanị Jizọsị a marịngụọ nị wẹ rị a chọ ihiẹn rị a ọnụ. Ọ nọ sị, “Kị ụnụ rị a chọnị ihiẹn rị m ọnụ; ndị ihunnaị?!

Luku 2:1

Ogẹn hụ, eze-kanị wụ Siza Ọgọstusu nọ yi uhi, sị wẹ detuchanrịn ẹfan ịhịan ile rị ụwa — ebe ile rị okpuru ọkịkị ndị Rom.

Luku 20:22

Gwa ẹnyi, Iwu ẹnyi e kwerighọ nị ẹnyi kụ eze-kanị wụ Siza ụgwọ-isi ra o kwerini?”

Luku 3:1

Ọ rị nwan ahụa mmisẹn eze-kanị wụ Siza Taịberiasị kịma alị ile rị okpuru ndị Rom. Pọntius Paịleti wụ Gọvanọ rị a kịnị Rom alị Judia. Imẹ Judia, Hẹrọdụ hụ a kị Galili hụn wụ azụụn ohu; Filipu nwẹnẹ ẹ hụ a kị azụụn ẹbụọ — Ituria lẹ Trakọnitisi; Lisanịasị hụ a kị Abilẹni hụn mẹ wẹ azụụn ẹnọ.

Ọrụn Ndị-ozi 17:7

Jasịnị e bu wẹ che ụlọ! Wẹ ile rị a dan iwu eze-kanị wụ Siza, e ku n'o nwọn eze ọzọ rịnị w'a kpọ Jesu.”

Ọrụn Ndị-ozi 25:8

Kanị Pọlụ nọ kin ọnụ a, sị, “Adannị m iwu ndị Ju mọbụ iwu Ụlọ-nsọ mọbụ iwu eze-kanị wụ Siza.”

Ọrụn Ndị-ozi 28:22

Kanị, ẹnyi chọ nị ẹnyi nụ ọnụ ị, makẹni, o mẹ nke itu Jizọsị onyẹ Nazarẹtịnị, ihiẹn ẹnyi marịn wụ nị wẹ rị e kuja oku ẹ ụzọ ile.”

Ọrụn Ndị-ozi 5:37

Ọhụn e mẹgụ, Judasị onyẹ Galili nọ pụha ogẹn hụ wẹ gi gụn ịhịan, ndị bu ọda nọzị sọnmẹ ẹ. E gbuzikwọ w'a, ndị rị e sọnn'ẹ a gbayịya.