Matiu 20:28 - Ika

²⁸ nọkẹ kẹ mmẹ Nwa nke Ịhịan dọn bịa, ẹlẹ ni wẹ gbanị m odibo, kama, kẹni m gba odibo, yezikwọ ndụn m, gi ẹ gbapụha ndị bu ọda.”

Matiu 20:28 ပူးပေါင်းရင်းမြစ်များ

Jobu 33:24

n'o mẹn'ẹ ọhụnma, sị, ‘Chuku, dodo anịl'a la mmọn, n'a hụngụọ m ihiẹn wẹ e gi gbarị a’ —

Ẹbụ-ọma 49:7

Ịhịan asakọ ẹka gbarị isi nwẹnẹ ẹ; onwọnni ihiẹn w'a saẹka kụ Osolobuẹ gi gbarị isi.

Azaya 53:5

Mba. Isi ẹnyi nupụ haịn wẹ gi dụn ẹ ihiẹn, njọ ẹnyi haịn wẹ gi mẹshi ẹ ikẹn; afụnfụn hụn ọ ta kẹ ihiẹn gi rịnị ẹnyi mma; ẹhụ wẹ rụsọnmẹ ẹ kẹ wẹ gi zụọ ẹnyi.

Azaya 53:8

E kingụ w'a ikpe zinrinlẹni, wẹ nọ weri ẹ d'e gbu. Onyẹ k'e kumẹzi nwan oku ụmụ a? Wẹ gbuchu ẹ egbuchu elu-ụwanị; wẹ gi ufiri nnupụ-isi ndị nke m mẹ ẹ ihiẹn.

Ọgụngụn 7:15

okoro-efin ohu, ebulu ohu ka ẹhụ lẹ nwa-ebulu ohu rị nwa ahụa — anụ ndị wẹ sikọ d'e gi chụn ẹjan w'a dụn ọkụn;

Matiu 20:27

onyẹ chọ n'ọ wụrụ ibuzọ imẹ ụnụ, ya wụrụ igbọn ụnụ —

Matiu 26:28

makẹni ọnwan wụ ẹdeke m, hụn wẹ gi biye ẹka nkwerigbama ọhụn Osolobuẹ kwademẹ — ẹdeke m wẹ hupụnị ndị bu ọda, igi wẹhẹ mgbagharị njọ.

Matiu 8:20

Jizọsị nọ sị, “Ufu nwọn okporo ọ rụban; nnụnụ e fe elu nwọn ẹkụụ; kanị mmẹ Nwa nke Ịhịan enwọn ebe m'e buche isi.”

Makị 10:45

makẹni, Nwa nke Ịhịan lẹ enwẹn ẹ abịadẹni nị wẹ gban'a odibo, kalẹ, ọ bịa d'a gba odibo lẹ n'o ye ndụn a, gi gbapụha ndị bu ọda.”

Makị 14:24

Ọ nọ sị wẹ, “Ọnwan wụ ẹdeke m wẹ gi ufiri ndị bu ọda hupụ; ẹdeke m wẹ gi biye ẹka nkwerigbama Osolobuẹ tumẹ ẹgbata ya lẹ ndị nke ẹ.

Luku 22:27

Onyẹ kadẹ ibe ẹ? Hụn rị e ri ihiẹn-oriri ra hụn rị e jẹn ozi rịn'a? Ẹlẹ hụn rị e rini? Kanị mmẹ nwẹn rị nwan e bi imẹ igunrun ụnụ nọkẹ onyẹ e jẹn ozi.

Jọnụ 10:15

nọkẹ kẹ Nẹdi m dọn marịn m, mmẹ nwẹn a marịn Nẹdi m. M rị e gi ufiri atụnrụn ndị hụ e ye ndụn m.

Ndị Rom 4:25

Osolobuẹ gi ufiri njọ ẹnyi we Jesu ye n'ọ nwụnhụn, ghazị ọnwụn weli Jesu kẹni o gi ifiri Jesu kuni ẹnyi ọhụnma.

Ndị Kọrẹntị Nke Ẹbụọ 8:9

Makẹni, ụnụ a marịnghọ ẹfọma Onyẹ-nwọnni-ẹnyi wụ Jesu Kristi mẹ: nị, ọsụọn'a n'ọ wụ ọdanfịn, o gi ufiri ụnụ họnrin ogbẹnnyẹ kẹni ụnụ gi ogbẹnnyẹ o dan wụrụ ndị ịdanfịn.

Ndị Galeshịa 3:13

Kraịstị gbapụha ẹnyi imẹ abụmọnụ rị imẹ Iwu ghahanị igi ufiri ẹnyi wụrụ onyẹ wẹ bụ ọnụ. Makẹni, Ẹkụkwọ-nsọ sị, “Onyẹ ọwụlẹ wẹ hogbu elu osisi a wụrụọlẹ onyẹ wẹ bụ ọnụ.”

Ndị Ẹfẹsọsụ 1:7

Makẹni ẹnyi rị imẹ Kraịstị, Osolobuẹ e gigụọ ẹdeke ẹ hụn wụ ọnwụn a gbapụha ẹnyi, gbagharị ẹnyi njọ, makẹ okẹn ẹfọma Osolobuẹ.

Ndị Ẹfẹsọsụ 5:2

E gi ni ihiẹn-ọsụsụọ e bi, kẹ Kraịstị dọn nwọn ihiẹn-ọsụsụọ ẹnyi, gi ufiri ẹnyi we ndụn a ye nọkẹ oyiye lẹ ẹjan e shin ọhụnma hụn wẹ chụnyeni Osolobuẹ.

Timoti Ibuzọ 2:6

hụn we enwẹn ẹ ye, kẹni ọ wụrụ ihiẹn w'e gi gbapụha ịhịan ile. Osolobuẹ a shịagụọ ẹri banyeni ihiẹnni ogẹn furuni.

Taịtọsụ 2:14

Jizọsị Kraịstị, hụn gi ufiri ẹnyi we enwẹn ẹ ye, n'ọ gbapụha ẹnyi imẹ njọ ile, gi ẹ chanchanpụhanị enwẹn ẹ ndị k'a wụchanrịn nke ẹ, ndị ihiẹn rị mma a dụ omumẹ.

Hibru 2:10

Osolobuẹ mẹ ihiẹn furuni, ebe o mẹ ni ẹka a kẹ ihiẹn ile gha bịa; ebe o mẹ ni ihiẹn ile wụzịkwọ nke ẹ. Makẹni ọ chọ n'ọ zụọpụha ndị bu ọda, webahan wẹ ebe ọ rị, kẹni wẹ wụrụ ụmụ a, sọn ẹ nwọn ọghọ a, ọ nọ gi afụnfụn kwademẹ onyẹ hụn o gi bidọn nzụọpụha hụ, mẹ ẹ ru ogo onyẹ-nzụọpụha.

Hibru 5:8

Ọsụọn'a nị nwa a rọ, afụnfụn k'o gi mụrụn ihumẹ-isi.

Hibru 9:28

ẹrịra k'o dọnzikwọ mẹ ni hụnnị Osolobuẹ gigụ Kraịstị chụn ẹjan mgbe ohu sụọ chụnchanrịn a, gi ẹ bupụ njọ ịhịan, ẹlẹ oku njọ kẹ Kraịstị k'a bịazịnị, kama, ọ lala d'a zụọpụha ndị rị e lee ẹnya a ọda-ọda.

Pita Ibuzọ 2:24

Kraịstị lẹ enwẹn ẹ gi ẹhụ a buru njọ ẹnyi, bu ẹ shi elu osisi ahụn, kẹni ẹnyi wụrụ ndị nwụnnahịn njọ, gi ndụn ẹnyi mẹmẹ ihiẹn Osolobuẹ chọ. Ẹhụ wẹ rụsọnmẹ ẹ kẹ ẹnyi gi dịnhịn.

Pita Ibuzọ 3:18

Makẹni, Kraịstị gi ufiri njọ tazịkwọ afụnfụn, nwụn, (mgbe ohu k'ọ nwụn, ọ nwụnkọzị), Onyẹ rị ọchan hụn nwụnnị ndị njọ ọnwụn — kẹni ọ hụn ụzọ wẹhẹ ẹnyi ile ebe Osolobuẹ rị. Wẹ gbu ẹ, ọ nwụnhụn kẹ ịhịan, kanị Chuku nọ mẹ mmọn a rị ndụn,

Jọnụ Ibuzọ 2:2

Ya lẹ enwẹn ẹ wụ ẹjan wẹ gi wepụ njọ ẹnyi; ẹlẹdẹ njọ ẹnyi sụọ, kanị njọ ụwa ile.

Rẹvẹleshọnụ 1:5

lẹ Jizọsị Kraịstị — Jizọsị Kraịstị hụn wụ ọshẹri ahụn furu wẹ gi e dọn ẹnya, onyẹ ibuzọ gha ọnwụn lihi, onyẹ hụn a kị ndị-nze rị elu-ụwa, onyẹ hụn nwọn ihiẹn-ọsụsụọ ẹnyi, gi ẹdeke ẹ gbapụha ẹnyi ẹka njọ ẹnyi;