Matiu 19:28 - Ika

²⁸ Jizọsị nọ sị wẹ, “M rị a gwa ụnụ ezioku, ụwa ọhụn lalanị, ogẹn hụ Nwa nke Ịhịan k'a nọdị okẹn ukpo ẹ, ụnụ ndị hụn sọnni m sikọ d'a nọdịsọnmẹ ukpo mmẹbụọ, a hannị ebọn mmẹbụọ Izrẹlụ eṅẹn.

Matiu 19:28 ပူးပေါင်းရင်းမြစ်များ

Ndị-nze Nke Ibuzọ 18:31

o weri ọmụma mmẹbụọ: o gi nọkin ẹnya ebọn ohu-ohu imẹ ụmụ Jekọpụ — onyẹ hụn Osolobuẹ sị, “Ẹfan ị k'a wụ Izrẹlụ”.

Ihiẹn Mẹni Nke Ẹbụọ 9:19

Ẹwọrọ mmẹbụọ wẹ kpụ wuzo mkpọnyin isin ahụn wẹ gha e nyinrin ukpo-eze hụ, ohu-ohu rịsọnmẹ mgbanyinrin ndị hụ isini lẹ isini. Emẹmẹtuni wẹ ihiẹn nọ ẹrịra imẹ alị-eze ọzọ.

Ẹzra 6:17

Anụ wẹ gi chụn ẹjan ogẹn wẹ gi ha Ụlọ Chuku ye ẹ ẹka wụ: okẹn-efin ọgụn-isẹn (100), ebulu ọgụn-iri (200), ụmụ ebulu nnụ (400); hụn wẹ gi chụnnị Izrẹlụ ile ẹjan njọ wụ mkpịn mmẹbụọ (12), ohu-ohu wụ nke ebọn ohu-ohu rị Izrẹlụ.

Ọpụpụ 15:27

Omẹgụ, wẹ nọ ru Ẹlim, ebe isi-mirin mmẹbụọ lẹ isi nkụ iri kwasị ọgụn ẹtọ rị; ya wẹ nọ ziẹntọ, tumẹsọnmẹ ọdụ wẹ ye mkpẹnrẹn mirin ebẹhụ.

Ọpụpụ 24:4

Ya Mozizi nọ detuchanrịn ihiẹn ile Osolobuẹ ku. Eki e fọn Ụzụtụntụn, ọ nọ zọlihi, rụn ukpo nchụn-ẹjan ye ukun ugu ahụn, buzi ọmụma mmẹbụọ sueni zumẹ — o gi nọkin ẹnya ebọn mmẹbụọ rị Izrẹlụ.

Ọpụpụ 28:21

“Ọmụma ndịnị sikọ d'e bu ẹfan ebọn mmẹbụọ Izrẹlụ; wẹ k'a tụyesọnmẹ wẹ ẹfan ebọn nọkẹ ihiẹn wẹ gi e biye ẹka; ebọn-ebọn ohu-ohu.

Azaya 65:17

“Lee n'ẹ, m'e d'e ke igwere ọhụn lẹ ụwa ọhụn. Anyanhankọzị wẹ ndị mbụ; erokọdẹ wẹ wẹ.

Azaya 66:22

Osolobuẹ sị, “Makẹni, kẹ igwere ọhụn lẹ ụwa ọhụn m jẹnkọ d'e ke k'a rịsọnmẹ ihun m, ẹrịra kẹ ẹfan lẹ ẹbozo ụnụ k'a rịsọnmẹ.”

Lẹvitikọsụ 24:5

“Weri ọka wẹ gweriẹn, gi mẹmẹ ogbe brẹdi mmẹbụọ; gi ọka wẹ gweriẹn hụn k'e jun mkpu kọstadị ẹnọ lẹ nkirishi mẹmẹsọnmẹ ogbe ohu-ohu.

Matiu 16:27

“Ẹghẹẹ, Nwa nke Ịhịan k'e gi ọghọ Nẹdi ẹ bịa, ya lẹ ndị mmọn-ozi ẹ k'a wị; ogẹn hụ, o k'a kụ onyẹ ọwụlẹ ụgwọ ihiẹn o mẹ.

Matiu 19:27

Ya Pita nọ sị, “Lee ẹ, ẹnyi a lagụọ ihiẹn ile tọ sọnmẹ i, kị ẹnyi jẹnkọ nwan d'e nwọnhẹn?”

Matiu 20:21

Jesu nọ sị a, “K'ị chọ?” Ọ nọ sị a, “Ku ẹ ni ụmụ m ẹbụbụọnị jẹnkọ d'a nọdị, onyẹ ohu ẹka-nni i, onyẹ ohu ẹka-ekpẹn i imẹ alị-eze i.”

Matiu 25:31

“Ogẹn Nwa nke Ịhịan jẹnkọ d'e gi gi ọghọ-nze ẹ bịa, ya lẹ ndị mmọn-ozi ile, o sikọ d'e weri oche okẹn ukpo ẹ.

Matiu 6:33

ka chụmagụ nị Alị-eze Osolobuẹ lẹ ihiẹn Osolobuẹ chọ, o sikọ d'e yezi ụnụ ihiẹn ndịnị ile.

Matiu 8:20

Jizọsị nọ sị, “Ufu nwọn okporo ọ rụban; nnụnụ e fe elu nwọn ẹkụụ; kanị mmẹ Nwa nke Ịhịan enwọn ebe m'e buche isi.”

Makị 10:37

Wẹ nọ sị a, “Kweri nị onyẹ ohu imẹ ẹnyi ẹbụbụọ jẹnkọ d'a nọdị alị ẹka-nni i, onyẹ ohu a nọdị alị ẹka-ekpẹn i mgbe y'e gi kịma.”

Ọrụn Ndị-ozi 3:21

hụn k'a rịgụdẹ elu-igwee d'e ru ogẹn Osolobuẹ k'e gi dọnzichanrịn ihiẹn ile, nọkẹ kẹ Osolobuẹ dọn ku mbụ-mbụ ghahanị ọnụ ndị-amụma a rị nsọ.

Timoti Nke Ẹbụọ 2:12

omẹni ẹnyi e din ndidin, ẹnyi k'e sọnzi ẹ kị; omẹni ẹnyi a jụ a, ya nwẹn k'a jụzị ẹnyi;

Joshụa 3:12

Họtọ nị nwan ikẹnnyẹ mmẹbụọ imẹ ebọn ile rị Izrẹlụ, onyẹ ohu-ohu imẹ ebọn.

Pita Nke Ẹbụọ 3:13

Kanị, ẹnyi rị a tụ ẹnya igwere ọhụn lẹ ụwa ọhụn Osolobuẹ kwe nkwa a — ebe ihiẹn ile rị ọchan jẹnkọ d'e bi.

Rẹvẹleshọnụ 11:16

Ya kẹ ndị-isi ẹnọ kwasị ọgụn ahụn nọdịsọnmẹ ukpo wẹ ihun Osolobuẹ nọ fiẹnrin alị, fe Osolobuẹ,

Rẹvẹleshọnụ 12:1

Ya kẹ ihiẹn pụ-ichẹn nọ pụha imẹ elu-igwee: e lee okpoho yi ẹnyanwụn kẹ ẹwuru; ifọn rị a okpuru ụkụ; o kpuhụ okpu-eze kokisẹ mmẹbụọ rị.

Rẹvẹleshọnụ 20:4

Ya m nọ hụn ukpo-eze ndị rị ebẹhụ. Wẹ nọ tumẹ ndị rịsọnmẹ ukpo ndị hụ ndị ọkịkị. M nọ hụnzịkwọ umẹ-ndụn ndị wẹ gi ufiri ozi Jizọsị lẹ oku Osolobuẹ bepụ isi. Ndịnị jụ nị efekọ wẹ eje-anụ hụ lẹ enwẹn ẹ mọbụ hụn wẹ leri ẹ kpụ, jụzị nị anarịnkọ wẹ ahịma eje-anụ hụ ezimezi ihun wẹ mọbụ ẹka wẹ. Wẹ nọ nwan gha ọnwụn lihi, rịzị ndụn, sọn Kraịstị kị ahụa nnụ-uku hụ.

Rẹvẹleshọnụ 21:5

Onyẹ hụ nọdị alị elu ukpo-eze hụ nọ sị, “Lee ẹ! M rị e kedọnzi ihiẹn ile!” Ọ nọ sịzị, “Detu ihiẹnni, makẹni oku ndịnị wụ ezioku lẹ oku furu w'e gi dọn ẹnya.”

Rẹvẹleshọnụ 22:2

O hukọ ahanmahan ụwaya ahụn rị obodo hụ. Osisi ahụn e ye ndụn rị iyi hụ azụụnnị lẹ azụụnnị. Osisi ahụn a mị ụdị mkpụrụ mmẹbụọ ahụa. Ifọn-ifọn kẹ ọ mị mkpụrụ. Wẹ gi ẹhụhụọ a a zụọ ndị alị ile emu.

Rẹvẹleshọnụ 22:5

Eki egikọzị; achọkọzị wẹ ukpẹ-ẹka mọbụ ukpẹ ẹnyanwụn, makẹni Di-nwọnni-ẹnyi wụ Osolobuẹ jẹnkọ d'a wụ ukpẹ wẹ. Wẹ k'a kị jẹnrin ejẹn.

Rẹvẹleshọnụ 3:21

Onyẹ mẹri, a nị m'a sọn m nọdị ukpo-eze m, kẹ mmẹ nwẹn dọn mẹri, sọn Nẹdi m nọdị ukpo-eze ẹ.

Rẹvẹleshọnụ 4:4

Ukpo ẹnọ-kwasị-ọgụn fihunmẹ ukpo-eze ahụn. Ndị-isi ẹnọ-kwasị-ọgụn nọdịsọnmẹ ukpo ndị ahụn. Wẹ ile yisọnmẹ ẹwuru ọchan; wẹ kpu okpu-eze wẹ gi goru mẹmẹ.

Rẹvẹleshọnụ 7:4

A nụghọ m mmadụ ole wẹ ye ahịma ahụn: mmadụ nnụ ọgụn-mmẹsatọ (144,000) kẹ wẹ ye ahịma hụ imẹ ikpụlọ ile rị Izrẹlụ: