Matiu 19:21 - Ika

²¹ Jizọsị nọ sị a, “Ị chọ n'i zu oke, jẹnmẹ, repụ ihiẹn i nwọn, y'e we egho ẹ ye ndị igbẹnnyẹ, gi ẹ nwọn akụ-lẹ-ụba imẹ elu-igwee, y'a bịa d'e sọnmẹ m.”

Matiu 19:21 ပူးပေါင်းရင်းမြစ်များ

Jẹnẹsisi 17:1

Ogẹn Ebram gi rị ahụa ohu arịa ọgụn-isẹn, Osolobuẹ nọzị we enwẹn ẹ ghọsị Ebram, sị a, “Mmẹ wụ Chuku Hụn nwọn ikẹn ile; bi kẹ m dọn chọ; emẹkwọlẹ ihiẹn wẹ e gi kọrịanị ị —

Jẹnẹsisi 6:9

Ọnwan wụ akịkọ Nụa: Nụa wụ onyẹ ezi-omumẹ, ịya nwọnlẹni nkọrịanị ogẹn nke wẹ. Nụa e sọn Osolobuẹ.

Jobu 1:1

O nwọn okẹnnyẹ ohu bi alị Uzu; ẹfan a wụ Jobu. Okẹnnyẹni wụ onyẹ ezioku; onwọn nkọrịanị; ọ tụ egun Chuku; ara gi eje-ihiẹn mẹ ẹhụ.

Ẹbụ-ọma 37:37

Lekpọ onyẹ nwọnlẹni nkọrịanị; leledẹle onyẹ obibi ẹ kụrụ ọtọ; o k'a masịnị onyẹ-udọn ihun.

Matiu 16:24

Ya Jizọsị nọ sị ndị nsọnmazụụn a, “Onyẹ chọ n'o sọn m, ya jụkwọ enwẹn ẹ, buru obe ẹ, sọnmẹ m.

Matiu 19:20

Okorọbịa hụ nọ sị, “M hụ e mẹ ihiẹn ndịnị ile; kị họdụzị m jẹnkọ d'e mẹ?”

Matiu 19:22

Ogẹn okorọbịa hụ gi nụ ihiẹnni, ọ nọ sụkụrụ (gbusuru) pụ, makẹni o nwọnkẹ ihiẹn.

Matiu 19:28

Jizọsị nọ sị wẹ, “M rị a gwa ụnụ ezioku, ụwa ọhụn lalanị, ogẹn hụ Nwa nke Ịhịan k'a nọdị okẹn ukpo ẹ, ụnụ ndị hụn sọnni m sikọ d'a nọdịsọnmẹ ukpo mmẹbụọ, a hannị ebọn mmẹbụọ Izrẹlụ eṅẹn.

Matiu 4:19

Ọ nọ sị wẹ, “Sọnmẹ ni m, m jẹnkọ d'e mẹ ụnụ wụrụ ndị e wẹhẹ ịhịan nọkẹ azụn.”

Matiu 5:48

Zu ni nwan oke kẹ Nẹdi ụnụ hụn rị elu-igwee dọn zu oke.

Matiu 8:22

Kanị Jizọsị nọ sị a, “Sọnmẹ m; hapụ ndị nwụnhụnnị nị wẹ li ndị nke wẹ nwụnhụnnị.”

Matiu 9:9

Ogẹn Jizọsị gi gha ebahụn pụ, ọ hụn onyẹ ohu w'a kpọ Matiu ebe ọ nọdị alị ọdụ-ọrụn a ebe wẹ nọ a na ụgwọ-isi. Ọ nọ sị a, “Sọnmẹ m.” Ya Matiu nọ lihi ọtọ, sọnmẹ ẹ.

Makị 10:21

Jesu e lee ẹ, ihiẹn ẹ a sụọ a, ọ nọ sị a, “O nwọn ihiẹn ohu rị a kọn'ị: jẹn d'e rekwama ihiẹn ile i nwọn, y'e we egho ẹ ye ndị igbẹnnyẹ, gi ẹ nwọn akụ-lẹ-ụba imẹ elu-igwee, y'a bịa d'e sọnmẹ m.”

Makị 2:14

Ebe ọ ghafekọ, ọ nọ hụn Livaị nwa Alịfịọsụ k'ọ nọdị alị ọdụ ndị ụgwọ-isi, ọ nọ sị a, “Sọnmẹ m.” Livaị nọ lihi ọtọ, sọnmẹ ẹ.

Makị 8:34

Ọ nọ kpọzụnhan igunrun hụ lẹ ndị nsọnmazụụn a, sị wẹ, “Onyẹ chọ n'ọ wụrụ onyẹ nsọnmazụụn m sikọ d'a jụrịrị enwẹn ẹ, buru obe ẹ, sọnmẹ m.

Luku 12:33

Repụ nị ihiẹn ụnụ nwọn, we egho ẹ ye ndị igbẹnnyẹ, ya kẹ ụnụ e gi kwarị ẹkpa ghalẹni a kahị, nwọnferi akụ-lẹ-ụba imẹ elu-igwee. Ohin asakọ ẹka ru ebahụn; ẹkịka asakọ ẹka ri ihiẹn rị ebẹhụ.

Luku 14:33

Ẹrịrazịkwọ, onwọnni onyẹ ọwụlẹ imẹ ụnụ hụn k'a s'ẹka wụ onyẹ nsọnmazụụn m mmanị ọ latọchanrịn ihiẹn ile ọ nwọn!

Luku 16:9

“M rị a gwa ị: gi akụ-lẹ-ụba ụwanị han ọwụ, omẹni ọ gụ, kẹni ị hụn onyẹ jẹnkọ d'a nabanhan ị iwe ẹ biri jẹnrin ejẹn.

Luku 18:22

Jizọsị a nụ ihiẹn ọ za, ọ nọ sị a, “O nwọn ihiẹn ohu i kelẹni mẹ: repụ ihiẹn ile i nwọn, y'e we egho ẹ ye ndị igbẹnnyẹ, gi ẹ nwọn akụ-lẹ-ụba imẹ elu-igwee; y'a bịa d'e sọnmẹ m.”

Luku 5:27

Ọnwan e mẹgụ, Jizọsị nọ pụ; ya ọ nọ hụn onyẹ w'a kpọ Livaị hụn a na ụgwọ-isi kẹ ọ nọdị alị imẹ ọdụ wẹ n'a na ụgwọ-isi. Jizọsị nọ sị a, “Sọnmẹ m.”

Luku 6:40

Onyẹ wẹ rị a kuzi ara karị onyẹ-nkuzi ẹ; kama, onyẹ wẹ kuzigụ a nọ kẹ onyẹ kuzin'ẹ.

Luku 9:23

Ọ nọ sị wẹ, “Onyẹ chọ n'o sọn m, ya jụ enwẹn ẹ, buru obe ẹ ụhụọhịn ile, sọnmẹ m.

Jọnụ 10:27

Atụnrụn m e gọn m ntịn egọn; a marịnghọ m wẹ; w'e sọn m esọn.

Jọnụ 12:26

Onyẹ chọ n'ọ gbanị m odibo ya sọnmẹ m, nị ebe m rị kẹ odibo m k'a rị; Nẹdi m jẹnkọ d'e ye onyẹ k'a gbanị m odibo ọghọ.

Ọrụn Ndị-ozi 2:45

W'e re alị lẹ ihiẹn ndị ọzọ wẹ nwọn, e ke egho ẹ e ye onyẹ-onyẹ kẹ mkpa wẹ dọn rị.

Hibru 10:34

Ẹghẹẹ, ụnụ a chọ ihiẹn ụnụ e mẹni ndị rị ngan ogẹn hụ; kẹ wẹ napụ ụnụ ihiẹn ụnụ, ụnụ gidẹ ịghọghọ din ẹ, makẹni ụnụ a marịnghọ nị ụnụ lẹ enwẹn ụnụ nwọn hụn ka mma lẹ hụn k'a rị jẹnrin ejẹn.