Matiu 18:8 - Ika

⁸ “Omẹni ẹka ị mọbụ ụkụ ị a haịn ị e mẹ njọ, bepụ a tuhu. Ọ ka ị mma n'ị banye ndụn ọsụọn'a ẹhụ ị ezuni oke mọbụ n'ị dan ngụrọ, karị nị wẹ tụ ị ye imẹ ọkụn itẹbitẹ bụ ẹka ị ẹbụbụọ lẹ ụkụ ị ẹbụbụọ zu oke.

Matiu 18:8 ပူးပေါင်းရင်းမြစ်များ

Azaya 30:22

Ogẹn ahụn, ụnụ k'e mẹrụ mmọn ụnụ wẹ gi siliva nyanhunmẹ lẹ hụn wẹ gi goru nyanhunmẹ, ụnụ jẹnkọ d'a mahu wẹ kẹ ẹkwa okpoho gi sọ ezi, sị wẹ, “Pụ nị ebeni!”

Azaya 33:14

Egun hụ a tụgbu ndị-njọ rị Zayọnụ, ẹhụ hụ a ma ndị ghalẹni e sọn Osolobuẹ nni: wẹ hụ a sị, “Onyẹ lẹ ọkụn rị a dụnnị k'a s'ẹka nọdị?! Onyẹ k'a sa ẹka sọn ọkụn rị a dụnnị nọdị?!”

Izikẹlụ 18:31

Ma nị nwan eje-ihiẹn ile ụnụ rị e mẹ tuhu; nwọnrin ni obi ọhụn lẹ mmọn ọhụn. Kị ụnụ k'a nwụnnị, ụnụ ndị Izrẹlụ?!’

Matiu 17:27

Kanị, amamgbe ẹnyi e wiwi okukwe wẹ, shi iyi, y'a tụye ukpo i; y'e weri azụn ibuzọ i k'e gbu, shịapụ a ọnụ; ị sikọ d'a hụn akpụrụ egho shẹkẹlụ ohu. We ẹ kụ ụgwọ-isi mmẹ lẹ yụ.”

Matiu 25:41

“Ogẹn hụ, o sikọ d'a sị ndị hụ rị ẹka-ekpẹn ẹ, ‘Pụnị nị m ebeni, ndị wẹ bụ ọnụ! Shi ni ọkụn itẹbitẹ hụn wẹ kwademẹni Ekwensụ lẹ ndị mmọn-ozi ẹ!

Matiu 25:46

Ogẹn ahụn, e shi wẹ d'a tama afụnfụn itẹbitẹ, kanị ndị ezi-omumẹ e shi ndụn itẹbitẹ.”

Luku 14:33

Ẹrịrazịkwọ, onwọnni onyẹ ọwụlẹ imẹ ụnụ hụn k'a s'ẹka wụ onyẹ nsọnmazụụn m mmanị ọ latọchanrịn ihiẹn ile ọ nwọn!

Luku 16:24

Ya ọ nọ yi, ‘Nẹdi ẹnyi Ebraham! Mẹ omikẹn m zi Lazarọsụ n'o gi ọnụnụ mkpịnsịn-ẹka a deri mirin tanye m ire kẹni ire jụụ m oyi, makẹni m rị a ta okẹn afụnfụn imẹ ọkụnnị!’

Ndị Rom 13:12

O teọlẹ ọhịhị gba; eki e d'e fọn. Nị ẹnyi mẹbehi ni nwan ihiẹn w'e mẹ imẹ ishi, ẹnyi e buru ihiẹn-ọgụn ukpẹ.

Rẹvẹleshọnụ 14:10

o k'a ra manya ahụn wụ iwe-lẹ-ọnụma Osolobuẹ hụn Osolobuẹ gburọlẹni, o k'e gi mkpu iwe-lẹ-ọnụma a ye wẹ ya. Wẹ k'e gi ọkụn lẹ nsịn-ẹnyanwụn ye wẹ eje-afụnfụn idẹnya ndị mmọn-ozi rị nsọ lẹ idẹnya Nwa-ebulu hụ;

Rẹvẹleshọnụ 20:15

Onyẹ ọwụlẹ wẹ hụnlẹni ẹfan a imẹ ẹkụkwọ ndụn-itẹbitẹ, a tụ w'a ye imẹ odiyiri ọkụn hụ.

Rẹvẹleshọnụ 21:8

“Kanị, ndị ụjọ lẹ ndị-ghẹrẹghẹrẹ lẹ ndị rụnị; ndị-izighẹ lẹ ndị ughẹrẹ; ndị ile a gwọ eje-ọgụn; ndị a rụa mmọn lẹ ndị-ntụ ile — wẹ ile shikọ d'a rị odiyiri ọkụn lẹ nsịn-ẹnyanwụn hụ, hụn wụ ọnwụn nke mgbe ẹbụọ.”