Matiu 17:7 - Ika

⁷ Kanị Jizọsị nọ bịa d'e mẹtụ wẹ ẹka, sị, “Lihi ni; atụlẹ ni egun.”

Matiu 17:7 ပူးပေါင်းရင်းမြစ်များ

Daniẹlụ 10:10

Ẹka ohu nọ mẹtụ m, weli mmẹ lẹ ẹhụ rị a ma m nni, bu m mkpụkụ lẹ ọb'ẹka che alị.

Daniẹlụ 10:18

Ya onyẹ ahụn nọ kẹ ịhịan nọzị mẹtụ m ẹka, mẹ ndụn ban m.

Daniẹlụ 8:18

Ogẹn o gi gwa m okuni, m nọ sọhị fiẹnrin mọmọmọ. Ya ọ nọ mẹtụ m ẹka, weli m elu.

Daniẹlụ 9:21

hụn ahụn m rịkwọ e mẹ ekpere, Gebrẹlụ, okẹnnyẹ ahụn m hụn imẹ ọhụn m isi ibuzọ nọ pụha ọpụha a tụ egun; ibẹka ogẹn wẹ gi a chụn ẹjan ẹnyasị k'o gi pụha.

Matiu 14:27

Kanị, Jizọsị nọ kuyeni wẹ oku ozigbo, sị, “Kwọndọn ni obi ụnụ, mmẹ rọ; atụlẹ ni egun.”

Matiu 17:6

Ogẹn ndị nsọnmazụụn a ahụn gi nụ olu hụ, okẹn egun nọ tụma wẹ, wẹ nọ dan alị, bu ihun kọma alị.

Matiu 17:8

Ogẹn wẹ gi weshi ihun elu, onwọnzini onyẹ wẹ hụn mmanị Jizọsị sụọ.

Luku 24:5

Okẹn egun nọ tụma wẹ, ya wẹ nọ bu ihun kọma alị. Ikẹnnyẹ hụ nọ sị wẹ, “Kị ụnụ rị a chọnị onyẹ rị ndụn imẹ igunrun ndị nwụnnị?

Ọrụn Ndị-ozi 9:6

Ka lihi nwan n'ị banye imẹ obodo; wẹ k'a gwa ị ihiẹn i k'e mẹ.”

Rẹvẹleshọnụ 1:17

Ogẹn m gi hụn a, m nọ fiẹnrin alị ụkụ a kẹ onyẹ nwụnhụnnị. Kanị, ọ nọ bu ẹka-nni ẹ kwasị m, sị, “Atụlẹ egun. Mmẹ wụ Ibuzọ lẹ Ikpanzụụn.