Matiu 17:17 - Ika

¹⁷ Jesu nọ sị, “Heuu, agbọ nwọnlẹni okukwe! Agbọ zinlẹni! Nanị mmẹ lẹ ụnụ k'a nọhan? Nanị m'e dihannị ụnụ?! Wẹhẹ ni ni m'ẹ.”

Matiu 17:17 ပူးပေါင်းရင်းမြစ်များ

Ẹbụ-ọma 95:10

Ize agbọ ahụn nọ ze m ọrọgbọ ahụa ọgụnnaị, m nọ sị, “Ndịnị e nwọnkẹ obi-ẹbụọ; w'e ke marịnkwọ kẹ m'e mẹ.”

Ọpụpụ 10:3

Ya Mozizi lẹ Ẹrọnụ nọ jẹnburu Fẹro, sị a, “Lee ihiẹn Osolobuẹ wụ Chuku ndị Hibru ku: ọ sị, ‘Elee mgbe kẹ y'a gbabehini m isi-akwanran? Hatu ndị nke m nị wẹ lama, kẹni wẹ fe m.

Ọpụpụ 16:28

Ya kẹ Osolobuẹ nọ sị Mozizi, “Elee mgbe kẹ ụnụ k'a jụbehi iwu m ye ụnụ lẹ ihiẹn m sị ụnụ mẹ?

Itẹn 1:22

“Euu, ndị ẹwobi, ele mgbe kẹ ‘Onwọnni hụn m marịn’ k'a sụọbehi ụnụ? Elee ogẹn kẹ ịmụ ịhịan ẹmụ k'a sụọbehi ndị-nlelịa? Elee mgbe kẹ ịmarịn-ihiẹn k'e zebehi ndị-nzuzu ize?

Itẹn 6:9

Onyẹ-nzụnzụn, elee mgbe y'e dinẹbehi ebahụn i dinẹ? Elee mgbe y'e gidẹ tẹnhin ụran?

Azaya 19:14

Osolobuẹ e wegụọ mmọn huye imẹ wẹ, mmọn wẹ gizilẹni a marịn ihiẹn wẹ k'e mẹ; wẹ e mẹ Ijiptu a hanfiesọnmẹ ụkụ imẹ ihiẹn ile o mẹ, kẹ onyẹ-manya a danhunmẹ ebe ọ gbọtọ ẹgbọ.

Jerimaya 4:14

Heuu ndị Jerusalẹm, chanchanpụ nị eje-ihiẹn rị ụnụ obi, kẹni Osolobuẹ zụọpụha ụnụ. Ele mgbe kẹ ụnụ k'e robehi eje-ihiẹn imẹ obi ụnụ?

Ọgụngụn 14:11

Osolobuẹ nọ sị Mozizi, “Elee mgbe kẹ ndịnị e legberibehi m? Elee mgbe kẹ wẹ k'e gimẹ oku m dọn — onwọnni ihiẹn wẹ kpọ ọrụn atụmẹnya ile m rụnghọsị wẹ imẹ igunrun wẹ?

Ọgụngụn 14:27

“Elee mgbe kẹ eje-alịnị a kọrịabehini m? A nụgụọ m ndẹnwịnwịn ndị Izrẹlụ rị e ndẹnwịnnwịnnị m.

Matiu 13:58

Ọ rụnnị nwan ọrụn-atụmẹnya bu ọda ebẹhụ makẹni ekwerinini w'ẹ.

Matiu 16:8

Jizọsị a marịngụọ ihiẹn wẹ rị e ku; ọ sị wẹ, “Kị ụnụ rị e kuni oku brẹdi ụnụ zọ? Ndị okukwe nta!

Matiu 17:16

M wẹhẹni ndị nsọnmazụụn ị ya, kanị asanị wẹ ẹka zụọ a.”

Matiu 17:18

Ya Jizọsị nọ jụgbọ eje-mmọn hụ, ọ nọ gha imẹ nwata-okẹnnyẹ hụ pụha, ọ nọ dịnhịn ozigbo.

Matiu 6:30

Omẹni ẹrịra kẹ Osolobuẹ e kẹnhan ẹfịfịa rị ọfịa ekikẹn, ẹfịfịa hụn rị ndụn tannị, eki fọn e bu w'ẹ che imẹ ọkụn, o kẹnkọ ụnụ ekikẹn ọhụnma karị? Heuu, ndị okukwe nta!

Matiu 8:26

Ọ nọ sị wẹ, “Kị ụnụ rị a tụnị egun? Ndị okukwe nta!” Ya ọ nọ lihi ọtọ, jụgbọ okẹn ufere hụ lẹ ohimin hụ. Ụzọ ile nọ mẹchanrịn rajụụ.

Makị 16:14

Omẹgụzị, Jesu nọ nwọnpụha ebe ndị nsọnmazụụn a mmanaị rị e ri ihiẹn-oriri. Ọ nọ jụgbọ wẹ yeni obi-ẹbụọ wẹ lẹni obi wẹ ze eze, wẹ gilẹni kweri oku ndị hụnn'a n'ọ ghagụọ ọnwụn lihi.

Makị 9:19

Jizọsị nọ sị wẹ, “Agbọ nwọnlẹni okukwe! Elebe mmẹ lẹ ụnụ a nọru?! Elebe m'e dinruni ụnụ?! Wẹhẹni ni m nwata hụ!”

Luku 24:25

Ya Jizọsị nọ sị wẹ ẹbụbụọ, “Ụnụ e zuzukẹ! Ihiẹn ile ndị-amụma ku imẹ Ẹkụkwọ-nsọ a fụka ụnụ ọrụn okweri!

Luku 9:41

Jesu nọ, sị, “Eje-agbọ nwọnlẹni okukwe! Elebe mmẹ lẹ ụnụ k'a nọru?! Elebe kẹ m k'e dinruni ụnụ ndidin?!” Ya ọ nọ sị okẹnnyẹ hụ, “Wẹhẹ nwa ị ebeni.”

Jọnụ 20:27

Ya kẹ ọ nọ sị Tamọsị, “Wẹhẹ mkpịnsịn-ẹka ị n'i bu ẹ che ebeni; lee ẹka m ẹbụbụọ; wẹhẹ nwan ẹka ị n'i buche m ẹkụnkụn. Arụzịlẹ ụka; kweri!”

Ọrụn Ndị-ozi 13:18

Ọ nọ dinchanrịn ihiẹn ile wẹ mẹ imẹ atụ ọrọgbọ ahụa ọgụnnaị.

Ọrụn Ndị-ozi 2:40

Pita a gwazịghọ wẹ ihiẹn bu ọda, gi ẹ dọ wẹ ẹka-ntịn, a sị wẹ, “Zụọpụha nị enwẹn ụnụ imẹ agbọnị zinlẹni!”

Ndị Kọrẹntị Nke Ẹbụọ 11:1

K'ọ rị m ụnụ e din ndidin nị m zuzu ẹkẹrẹ. Dodo ni, nwọn ni ni m ndidin!

Ditrọnọmi 32:5

Kanị, ndị nke ẹ e mẹgụọ a arụ, ifẹnrẹn ya mẹgbu wẹ makẹni ẹlẹ wẹ ezigbo ụmụ a; agbọ rụnị, zinlẹni kẹ wẹ wụ.