Matiu 16:27 - Ika

²⁷ “Ẹghẹẹ, Nwa nke Ịhịan k'e gi ọghọ Nẹdi ẹ bịa, ya lẹ ndị mmọn-ozi ẹ k'a wị; ogẹn hụ, o k'a kụ onyẹ ọwụlẹ ụgwọ ihiẹn o mẹ.

Matiu 16:27 ပူးပေါင်းရင်းမြစ်များ

Jobu 34:11

Ọ kụ ịhịan ụgwọ ihiẹn o mẹ; o mẹ ịhịan e gi isi e buru eje-obibi ẹ.

Ẹbụ-ọma 62:12

lẹ ni y'e mẹsọnmẹ hụn run'i, Di-nwọnni-ẹnyi; ihiẹn onyẹ rụn k'i gi a kụ a ụgwọ.

Itẹn 24:12

Ị sị, “Ẹnya m erukwọnị!” Onyẹ Hụn marịn obi ịhịan amarịnzị ezioku ra? Onyẹ hụn e dọnmẹ i ndụn amarịn? Ọ kụkọ onyẹ-onyẹ ụgwọ k'o dọn rụn?

Ẹkịliziastisi 3:17

M nọ sị enwẹn m, “Chuku jẹnkọ d'e kin kẹ ndị ezi-omumẹ kẹ ndị-ejẹ ikpe, makẹni ihiẹn ile sikọ d'e mẹ o ru ogẹn ẹ, ọrụn ile nwọn ogẹn wẹ gi a rụn a.”

Jerimaya 17:10

“Mmẹ wụ Osolobuẹ e lele obi, e lele iroro — hụn m'e gi a kụ ịhịan ụgwọ omumẹ ẹ, ụgwọ ihiẹn ọ mẹ.”

Jerimaya 32:19

Y'e rokẹkwọ! Y'e mẹkẹ okẹn-ihiẹn!! Y'a hụnchanrịn ihiẹn ile ịhịan rị e mẹ, e gi obibi onyẹ-onyẹ lẹ ihiẹn o mẹ e sọn ẹ, a kụ a ụgwọ-ọrụn.

Izikẹlụ 18:20

Onyẹ hụn mẹ njọ nwọn nwụn. Nwa ebukọ njọ nẹdi ẹ, nẹdi ebukọ njọ nwa a. Ezi-omumẹ onyẹ ezi-omumẹ kẹ w'a gụnnị onyẹ ezi-omumẹ, njọ onyẹ-njọ kẹ w'a gụnnị onyẹ-njọ.

Izikẹlụ 7:27

Eze k'a gha a kwan; onyẹ-ọkịkị k'a gha a kwan ụya; ẹka k'a gha a ma ndị alị nni. M k'e gi ihiẹn wẹ mẹ sọn wẹ, gi ẹka wẹ gi sọn ihiẹn sọn wẹ. Ogẹn hụ, a marịn wẹ nị mmẹ wụ Osolobuẹ.”

Daniẹlụ 7:10

Iyi nọ kẹ ọkụn hụ e hu — a gha ebe onyẹ hụ dịnọ ukpo hụ rị a pụha. Mmadụ nnụ-uku ole-lẹ-ole hụ e jẹnn'ẹ ozi; ijẹri ole-lẹ-ole rị ihun ẹ e che. Ọgwa e zugụọ nị wẹ kinmẹ ikpe, wẹ nọ shịapụsọnmẹ ẹkụkwọ.

Zẹkaraya 14:5

ụnụ a gha ọdanmgbugbu ahụn pụhanị gbapụ, makẹni ọdanmgbugbu hụ k'e rukwọrị Azalụ. Ọsọ ụnụ k'a gba ụhụọhịn ahụn sikọ k'a nọ kẹ hụn ndị nke ụnụ gba kẹ alị mẹhunmẹ ogẹn Uzịa eze Juda. Ogẹn hụ kẹ Osolobuẹ wụ Chuku m k'e gi bịa — ịya lẹ ndị-nsọ a.

Matiu 13:41

Nwa nke Ịhịan jẹnkọ d'e zi ndị mmọn-ozi ẹ, e huepụ wẹ ndị ile e buhẹ njọ lẹ ndị ile e bi k'ọ sụọ wẹ imẹ Alị-eze ẹ,

Matiu 13:49

Ẹrịra k'o jẹnkọ d'a rị o ru ọgụgụ-ogẹn. Ndị mmọn-ozi jẹnkọ d'a pụha, họpụ ndị-njọ imẹ igunrun ndị ezi-omumẹ,

Matiu 24:30

Ogẹn hụ kẹ ahịma Nwa nke Ịhịan k'e gi pụha igwere. Alị ile rị elu-ụwa k'a kwan ẹkwan wẹ hụn Nwa nke Ịhịan. Wẹ k'a hụn Nwa nke Ịhịan k'ọ rị orukpu igwere o gi lala, ya lẹ ikẹn lẹ ọghọ hi-ogbe.

Matiu 25:31

“Ogẹn Nwa nke Ịhịan jẹnkọ d'e gi gi ọghọ-nze ẹ bịa, ya lẹ ndị mmọn-ozi ile, o sikọ d'e weri oche okẹn ukpo ẹ.

Matiu 26:64

Jizọsị nọ sị a, “Y'e kugụọ a. M rị a gwa ụnụ ile nị ogẹnni ghafegụ, ụnụ sikọ d'a hụn Nwa nke Ịhịan ebe ọ nọdị alị ẹka-nni Osolobuẹ Onyẹ nwọn ikẹn ile, hụnzị a k'ọ rị elu orukpu o gi lala.”

Matiu 8:20

Jizọsị nọ sị, “Ufu nwọn okporo ọ rụban; nnụnụ e fe elu nwọn ẹkụụ; kanị mmẹ Nwa nke Ịhịan enwọn ebe m'e buche isi.”

Makị 14:62

Jesu nọ sị, “Mmẹ rọ; ụnụ jẹnkọ d'a hụndẹ Nwa nke Ịhịan ebe ọ nọdị alị ẹka-nni Osolobuẹ Onyẹ nwọn ikẹn ile, hụnzị a k'ọ rị elu orukpu o gi lala!”

Makị 8:38

Onyẹ mẹ ifẹnrẹn mmẹ lẹ oku m imẹ eje-agbọnị ẹnya rịlẹni ụzọ ohu, mmẹ wụ Nwa nke Ịhịan sikọ d'e mẹ ifẹnrẹn ẹ ogẹn m k'e gi gi ọghọ Nẹdi m bịa, mmẹ lẹ ndị mmọn-ozi rị nsọ.”

Luku 21:27

Ogẹn hụ kẹ wẹ jẹnkọ d'e gi hụn Nwa nke Ịhịan k'ọ rị imẹ orukpu o gi lala, ya lẹ ikẹn lẹ ọghọ hi-ogbe.

Luku 22:69

Kanị, gha kikẹnni jẹnmẹ, Nwa nke Ịhịan jẹnkọ d'a nọdị alị ẹka-nni Chuku Onyẹ nwọn ikẹn ile.”

Luku 9:26

“Makẹni, onyẹ mẹ ifẹnrẹn mmẹ lẹ oku-ọnụ m, mmẹ wụ Nwa nke Ịhịan sikọ d'e mẹzi ifẹnrẹn ẹ ogẹn m'e gi gi ọghọ m lẹ nke Chuku-Nẹdi lẹ nke ndị mmọn-ozi nsọ bịa.

Jọnụ 21:22

Jizọsị nọ sị a, “Omẹni m chọ n'ọ rị ndụn d'e ru mgbe m bịa, ele hụn biri i? Sọnmẹ m!”

Jọnụ 21:23

Ya okuni nọ kpọgbama imẹ igunrun ndị e sọn Jesu, nị onyẹ nsọnmazụụn a nị anwụnkọ. Kanị, Jizọsị ekuni n'ọ nwụnkọ, ihiẹn o ku wụ, “Omẹni, m chọ n'ọ rị ndụn d'e ru mgbe m bịa, ele hụn biri i?”

Ọrụn Ndị-ozi 1:11

sị wẹ, “Ikẹnnyẹ Galili, kị ụnụ turuni ebeni e lee igwere moo? Jesuni wẹ weri ebe ụnụ rị weshi elu-igwee jẹnkọ d'e kinhẹn kẹ ụnụ dọn nwan hụn a k'ọ lakọ elu-igwee.”

Ndị Rom 14:12

Ya wụ nwan nị onyẹ-onyẹ imẹ ẹnyi sikọ d'a kọnị Osolobuẹ k'o jẹn.

Ndị Rom 2:6

Osolobuẹ k'a kụ onyẹ-onyẹ ụgwọ ihiẹn o mẹ.

Ndị Kọrẹntị Ibuzọ 15:23

Kanị, o ru onyẹ o lihi, o ru onyẹ o lihi: Kraịstị wụ onyẹ ibuzọ, mkpụrụ-ibuzọ; Kraịstị bịazị, ndị nke ẹ e lihi.

Ndị Kọrẹntị Ibuzọ 3:13

ọrụn onyẹ-onyẹ jẹnkọ d'a pụha ifọn, makẹni ụhụọhịn hụ lalanị jẹnkọ d'e wepụha a ifọn: wẹ k'e gi ọkụn ghọsị kẹ ọrụn onyẹ-onyẹ nọ; ọkụn hụ k'e lele ọrụn hụnyẹ.

Ndị Kọrẹntị Ibuzọ 8:8

Bụ ihiẹn-oriri ara mẹ ẹnyi nọkunmẹ Osolobuẹ: ẹlẹ ẹnyi ka njọ omẹni ẹnyi erini, ẹlẹ ẹnyi ka mma omẹni ẹnyi e ri.

Ndị Kọrẹntị Nke Ẹbụọ 5:10

Makẹni ẹnyi ile k'a pụha ihun Oche okinkin-ikpe Kraịstị n'o kin ẹnyi ikpe, kẹni onyẹ-onyẹ narịn ụgwọ ihiẹn ọ rụn k'ọ rị imẹ ẹhụnị — kẹ mma kẹ njọ.

Ndị Ẹfẹsọsụ 6:8

Makẹni ụnụ a marịnghọ nị Di-nwọnni-ẹnyi jẹnkọ d'a kụ onyẹ-onyẹ ụgwọ ihiẹn-ọma o mẹ — kẹ igbọn kẹ onyẹ nwọn enwẹn ẹ.

Ndị Kolosị 3:25

ndị ile rị e mẹ eje-ihiẹn k'a narịn ụgwọ a, onwọnni onyẹ o klee ẹnya ihun.

Ndị Tẹsalonika Ibuzọ 1:10

chemẹ Nwa a k'a gha elu-igwee bịa, hụn ọ gha ọnwụn weli, hụn wụ Jesu, onyẹ hụn zụọpụha ẹnyi iwe-lẹ-ọnụma Osolobuẹ lalanị.

Ndị Tẹsalonika Ibuzọ 4:16

Makẹni, o ru ogẹn hụ, Di-nwọnni-ẹnyi k'e gi okẹn olu ku oku, olu onyẹ-isi ndị mmọn-ozi a han, opi Osolobuẹ a han, Di-nwọnni-ẹnyi a gha elu-igwee hidan; ndị nke Kraịstị ranhịngụnị e bu ụzọ gha ọnwụn lihi;

Jemisi 5:7

Umunẹ m, e nwọn ni nwan ndidin d'e ru ni Di-nwọnni-ẹnyi a bịa. Lee ni kẹ onyẹ-ugbo e che ihiẹn-ugbo rịgbu enwẹn ẹ mkpa, e din ndidin ni mirin ahụa lẹ mirin ikpanzụụn zueyegụ a.

Pita Ibuzọ 1:17

Ebe ụnụ rị a kpọ Onyẹ hụn ghalẹni e gbeyeni ịhịan Nẹdi ụnụ, Onyẹ hụn e gi ihiẹn onyẹ mẹ e kin ẹ ikpe, gikwọ nị nwan egun ẹ bichanrịn ogẹn họdụ ụnụ k'e bi elu-ụwanị ụnụ wụ itumunyẹ.

Jọnụ Ibuzọ 2:28

Ẹghẹẹ ụmụẹka, nọdị nị imẹ ẹ, kẹni obi ru ẹnyi ile alị ogẹn o gi bịa, amamgbe ifẹnrẹn e mẹ ẹnyi ihun ẹ Ụhụọhịn o k'a bịa.

Judu 1:14

Ẹnọkụ, hụn rị agbọ nke ẹsa, wẹ gha ẹka Adam gụnma, e bugụọ amụma tọnị wẹ: ọ sị, “Lee ẹ, Di-nwọnni-ẹnyi lala, ya lẹ ndị nsọ a nnụ ole-lẹ-ole.

Rẹvẹleshọnụ 1:7

Lee ẹ! O nyinla orukpu; ẹnya ile jẹnkọ d'a hụn a — kẹ ndị hụ dụn a ihiẹn. Ndị alị ile rị ụwa jẹnkọ d'a kwan ẹkwan makẹ ufiri ẹ. Ẹrịra k'o jẹnkọ d'a rị! Isẹẹ!

Rẹvẹleshọnụ 2:23

M k'e gbu ụmụ a. Ụka ile k'e gi ẹ marịn nị mmẹ wụ onyẹ hụ e nyọnchan uche lẹ obi lẹ ni m k'a kụ onyẹ-onyẹ imẹ ụnụ ụgwọ ihiẹn o mẹ.

Rẹvẹleshọnụ 20:12

M nọ hụn ndị nwụnhụnnị kẹ wẹ turu nwan ihun ukpo-eze hụ, kẹ onyẹ-uku kẹ onyẹ-nta. E kpupụsọnmẹ wẹ ẹhụhụọ bu ọda; ya wẹ nọzị kpupụ ẹhụhụọ ọzọ, hụn wụ ẹkụkwọ ndụn-itẹbitẹ. Wẹ nọ gi ihiẹn wẹ detọsọnmẹ imẹ ẹhụhụọ ndị hụ kin onyẹ-onyẹ ikpe ihiẹn o mẹ.