Matiu 15:14 - Ika

¹⁴ Hatu ni wẹ, wẹ wụ ndị-ndu ẹnya-ishi: onyẹ ẹnya-ishi dumẹ onyẹ ẹnya-ishi, wẹ ẹbụbụọ k'a danye mgbugbu.”

Matiu 15:14 ပူးပေါင်းရင်းမြစ်များ

Azaya 31:3

Ịhịan mmaka kẹ ndị Ijiptu ụnụ gi dọn ẹnya wụ, ẹlẹ wẹ Chuku; ẹhụ mmaka kẹ ẹshin wẹ ndị ahụn nwọn, ẹlẹ wẹ mmọn! Osolobuẹ tịnpụhụ ẹka mẹ wẹ ihiẹn, onyẹ bịa d'e ye ẹka a kpọgburu, onyẹ wẹ rị e yeni ẹka a dan, wẹ ẹbụbụọ a dangungwọn, nwụnhụn.

Azaya 42:19

Onyẹ wụ ẹnya-mpịn karị odibo m? Onyẹ wụ ntịn-okin nọkẹ onyẹ-ozi m? Onyẹ wụ ẹnya-mpịn nọkẹ onyẹni lachanrịn enwẹn ẹ tọnị m? Onyẹ wụ ẹnya-mpịn nọkẹ odibo Osolobuẹ?

Azaya 56:10

Ndị-nche Izrẹlụ wụ ndị ẹnya-ishi, amarịn wẹ ihiẹn, nkitẹ odin a gba nkịtịn kẹ wẹ ile wụ w'a ra saẹka a gbọ, w'e dinẹsọnmẹhụ, a rọ nrọ — ụran a sụọka wẹ.

Azaya 9:16

Ndị-ndu wẹ rị e dufie wẹ, e dula wẹ iwi.

Jerimaya 5:31

Ndị-amụma rị e bu amụma-ntụ, ndị nchụn-ẹjan hụ e gi ọrụn wẹ a kpa ikẹn — bụ ọ hụdẹ a sụọ ndị nke m ẹrịra! Kị ụnụ k'e mẹ nwan ogẹn ikpanzụụn?

Jerimaya 6:15

Ifẹnrẹn eje-obibi wẹ hụdẹ nwan e mẹ wẹ? Elebedẹ! Ifẹnrẹn arị wẹ ẹnya kaka! Wẹ ghadẹ e mẹ ẹ, e mẹ wẹ isi kan-kan-kan! Wẹ k'a nwụn nwan kẹ ndị ọzọ dọn nwụn; wẹ k'e ru alị ogẹn m'e gi ye wẹ afụnfụn.” Ya kẹ Osolobuẹ ku.

Jerimaya 8:12

Ifẹnrẹn eje-obibi wẹ hụdẹ e mẹ wẹ? Elebedẹ! Ifẹnrẹn arị wẹ ẹnya kaka! Wẹ ghadẹ e mẹ ẹ, e mẹ wẹ isi kan-kan-kan! Wẹ k'a nwụn nwan kẹ ndị ọzọ dọn nwụn; wẹ k'e ru alị ogẹn m'e gi ye wẹ afụnfụn.’ ” Ya kẹ Osolobuẹ ku.

Hosia 4:17

Ifrem wụ Izrẹlụ Ẹbamịn-ugu, e wegụọ enwẹn wẹ kwanị mmọn-lẹ-iyi, lakwọ nị wẹ tọ.

Malakaị 2:8

“Kanị ụnụ nwẹn a ghagụọ ụzọ pụ; ụnụ e gigụọ eje-ihiẹn ụnụ rị a kuzi mẹ ndị bu ọda kpọgburu; ụnụ e tikpọgụọ iwu hụn m ye ndị Livaị. Ya kẹ Osolobuẹ ihiẹn ile rị okpuru ẹ ku.

Luku 6:39

Jizọsị nọzị tụnị wẹ iluni: “Nị onyẹ ẹnya-ishi sa ẹka du onyẹ ẹnya-ishi ibe ẹ? O m'ẹ, ẹlẹ wẹ ẹbụbụọ a danban imẹ mgbugbu?

Jọnụ 9:39

Jesu nọ sị, “M bịa ụwanị d'a han eṅẹn, kẹni ndị ẹnya-ishi leghama ụzọ, ndị e legha ụzọ a wụrụ ẹnya-ishi.”

Timoti Ibuzọ 6:5

lẹ ịdọ-ndọndọ ndị uche wẹ rịlẹni mma a dọ, ndị ezioku nahịngụ, ndị weri ife-Osolobuẹ kẹ ihiẹn wẹ gi e hi ọdanfịn. [Esọnkwọlẹ ndị nọ ẹrịra].

Pita Nke Ẹbụọ 2:1

Kanị o nwọnzighọ ndị amụma-ntụ rị imẹ igunrun ndị Izrẹlụ ogẹn mbụ hụ. Ẹrịra kẹ ndị nkuzi-ntụ jẹnkọ d'a rịzị imẹ ụnụ. Wẹ k'e gi nzuzue webanhansọnmẹ nkuzi-ntụ e buhẹ ntikpọ, jụdẹ Di-nwọnni-ẹnyi hụn ṅọnni wẹ, gi ẹ buhẹkẹnrinni enwẹn wẹ ntikpọ.

Pita Nke Ẹbụọ 2:17

Ndị nkuzi-ntụ ndịnị wụ isi-mirin tahịnị; igirigi ufere bukọ; uwẹ kẹ wẹ dọnmẹni ishi ka ishi.

Rẹvẹleshọnụ 19:20

Kanị wẹ nọ nwụndọn eje-anụ hụ lẹ onyẹ amụma-ntụ ahụn te rị a rụndọnni eje-anụ hụ ọrụn-atụmẹnya, onyẹ-amụma hụ gi ọrụn-atụmẹnya ndị hụ dufie ndị narịn ahịma eje-anụ hụ lẹ ndị fe hụn wẹ leri ẹ kpụ. Wẹ nọ tụ eje-anụ hụ lẹ onyẹ amụma-ntụ ahụn lẹ ndụn ye imẹ odiyiri ọkụn nsịn-ẹnyanwụn;

Rẹvẹleshọnụ 22:15

Makẹni ndị e bi kẹ nkitẹ, ndị nshi-lẹ-ẹjan, ndị ughẹrẹ, ndị-izighẹ, ndị a rụa mmọn lẹ onyẹ ọwụlẹ e mẹ mọbụ a kwadọn ihiẹn ya lẹ ntụ wị abanyekọ obodo hụ.