Matiu 14:19 - Ika

¹⁹ Ya ọ nọ sị igunrun hụ nọdị alị elu irurue rị ebahụn. Ọ nọ weri ogbe brẹdi isẹn hụ lẹ azụn ẹbụbụọ hụ; o lee ẹnya elu-igwee, kpanmịn Osolobuẹ; o bebe brẹdi ndị hụ ye ndị nsọnmazụụn a, wẹ nọ ye igunrun hụ.

Matiu 14:19 ပူးပေါင်းရင်းမြစ်များ

Matiu 14:18

Ọ sị wẹ, “Wẹhẹ ni ni m wẹ.”

Makị 6:39

Jesu nọ sị ndị hụ wẹ nọdị alị ọkụdụ-ọkụdụ elu irurue ndụn rị ebẹhụ.

Makị 6:41

Jesu nọ weshi ogbe brẹdi isẹn hụ lẹ azụn ẹbụọ hụ enu, lee ẹnya elu-igwee, kpanmịn Osolobuẹ. O bebe brẹdi ndị hụ buye ndị nsọnmazụụn a d'e ye wẹ. O kezikwọnị wẹ azụn ẹbụọ hụ.

Makị 7:34

Ya ọ nọ lee ẹnya elu-igwee, kwọnlụa, sị, “Ẹfata!” (Ẹfata wụ “Shịapụ”.)

Luku 22:17

Ya ọ nọ weri mkpu, ọ kpanmịngụ Osolobuẹ, ọ nọ sị, “Weri ni rarịsọnmẹ.

Luku 22:19

Ya ọ nọ weri ogbe brẹdi, ọ kpanmịn Osolobuẹ, bebe ẹ, we ẹ ye wẹ, sị, “Ọnwan wụ ẹhụ m, hụn wẹ rị e gi ufiri ụnụ e ye. E mẹ ni ihiẹnni e gi a nyanhan m.”

Luku 24:30

Ogẹn ya lẹ wẹ gi nọdị alị nị wẹ ri ihiẹn-oriri, ọ nọ weri brẹdi ahụn wẹ jẹnkọ d'e ri, kpanmịn Osolobuẹ; ọ nọ bebe ẹ, we ẹ ye wẹ.

Luku 9:14

Wẹ ku ẹrịra makẹni ndị rị ebẹhụ rị ihiẹn nọ kẹ ikẹnnyẹ nnụ-uku isẹn (5,000). Ya ọ nọ sị ndị nsọnmazụụn a, “Sị nị wẹ nọdị ọkụdụ-ọkụdụ, ihiẹn nọ kẹ iri-kwasị-ọgụnnaị, iri-kwasị-ọgụnnaị.”

Luku 9:16

Jesu nọ weri ogbe brẹdi isẹn hụ lẹ azụn ẹbụọ hụ, lee ẹnya elu-igwee, kpanmịn Osolobuẹ; ya ọ nọ bebe wẹ, weye ndị nsọnmazụụn a nị wẹ kesọnmẹni igunrun hụ.

Jọnụ 11:41

E nupụ wẹ ọmụma hụ; ya Jizọsị nọ weshi ẹnya elu, sị, “M rị a kpanmịn ị Baba, makẹni y'a nụgụọ ekpere m.

Jọnụ 6:23

Kanị ogẹnni, ụgbọ ndị ọzọ gha Taịberiasị bịa rị nwan ẹhụ ebahụn wẹ nọ ri brẹdi ogẹn Di-nwọnni-ẹnyi gi kpanmịngụ Osolobuẹ yeni brẹdi hụ.

Ọrụn Ndị-ozi 27:35

O kugụ, ọ nọ weri brẹdi, ye Osolobuẹ ekele idẹnya wẹ ile, beri, rimẹ.

Ndị Rom 14:6

Hụn sị ụhụọhịn ohu ka mkpa gi ufiri Di-nwọnni-ẹnyi kweri ẹrịra; hụn e ri ihiẹn ile gi ufiri Di-nwọnni-ẹnyi e ri, makẹni ọ kpanmịn Osolobuẹ e ri. Onyẹ ghalẹni e ri ihiẹn ile gizi ufiri Di-nwọnni-ẹnyi a jụ — ọ kpanmịnzị Osolobuẹ a kpanmịn.

Ndị Kọrẹntị Ibuzọ 10:16

Mkpu ohu ahụn ẹnyi e ye Osolobuẹ ekele a rarịsọnmẹ, ẹlẹ mmẹkọ kẹ ẹnyi ile lẹ ẹdeke Kraịstị gi ẹ e mẹkọ? Brẹdi ahụn ẹnyi e ye Osolobuẹ ekele e keri, ẹlẹ mmẹkọ kẹ ẹnyi ile lẹ ẹhụ Kraịstị gi ẹ e mẹkọ?

Ndị Kọrẹntị Ibuzọ 10:31

Kẹ oriri kẹ ọrịra kẹ ihiẹn ọzọ ọwụlẹ ụnụ e mẹ, e mẹni wẹ ile ụzọ o gi wẹhẹni Osolobuẹ ọghọ,

Ndị Kọrẹntị Ibuzọ 11:24

ọ kpanmịngụ Osolobuẹ, ọ nọ bebe ẹ; ọ nọ sị, “Ọnwan wụ ẹhụ m wẹ gi ufiri ụnụ ye; e mẹ ni ihiẹnni e gi ẹ a nyanhan m.”

Ndị Kolosị 3:17

Ihiẹn ile ụnụ e mẹ, kẹ omumẹ kẹ oku-ọnụ, e gi ni ẹfan Di-nwọnni-ẹnyi wụ Jizọsị e mẹ ẹ, a gha ẹka a e ye Chuku Nẹdi ekele.

Samuẹlụ Nke Ibuzọ 9:13

Hụn ụnụ gihụ banye imẹ obodo, ụnụ jẹnkọ d'a hụn a o gini d'e nyinrin elu-ugu hụ d'e ri ihiẹn-oriri. Erimẹkọ wẹ mmanị ọ bịagụ, makẹni ịya k'a gọzirịrị ẹjan hụ; ọ gọzigụ a ndị wẹ kpọ d'e ri ẹ kebe ri. Jẹnmẹ ni nwan ozigbo; ogẹnni kẹ ụnụ e gi hụn a.”