Matiu 13:52 - Ika

⁵² Ọ nọ sị wẹ, “Ya wụ nị ọka-iwu Mozizi, hụn wẹ zụn ọzụnzụn Alị-eze elu-igwee, nọ kẹ onyẹ nwọn ụlọ, hụn gha ebe o dọnmẹ ihiẹn e wepụha kẹ ihiẹn ọhụn kẹ ihiẹn akan.”

Matiu 13:52 ပူးပေါင်းရင်းမြစ်များ

Ẹzra 7:10

Makẹni Ẹzra e wegụọ enwẹn ẹ ye ịmụ Iwu Osolobuẹ lẹ imẹn'ẹ lẹ ikuzi Izrẹlụ ụmụ-iwu ndị rịn'a lẹ ihiẹn ndị Osolobuẹ sị wẹ mẹ.

Ẹzra 7:21

Mmẹ, Atazẹzẹsi hụn wụ eze, rị nwan a sị ndị ihaza ile e kwọndọn ẹkpa eze Ẹgbẹrẹ Nfetu Iyi-Yufretisi wẹ weru ẹnya alị yechanrịn onyẹ nchụn-ẹjan wụ Ẹzra hụn wụ onyẹ-nkuzi Iwu Chuku elu-igwee ihiẹn ọwụlẹ o k'a sị ụnụ ye ẹ —

Ẹzra 7:6

Okẹnnyẹni wụ Ẹzra gha Babilọnụ bịa Jerusalẹm. Onyẹ-nkuzi Iwu Mozizi rọ, hụn marịn Iwu Mozizi ru alị — Iwu hụn Osolobuẹ wụ Chuku Izrẹlụ ye. Eze Pẹshịa e yegụọ a ihiẹn ile ọ rịọ a n'o d'a bịa Jerusalẹm, makẹni Osolobuẹ wụ Chuku ẹ nọyen'ẹ.

Itẹn 11:30

Elu onyẹ ezi-omumẹ wụ osisi e ye ndụn; onyẹ ma nwọnhẹn obi ịhịan a marịnghọ ihiẹn.

Itẹn 15:7

Ọnụ ndị nwọn uche e mẹsọnmẹ ịhịan a marịn ihiẹn, kanị ndị-nzuzu ara rodẹ ọhụn.

Itẹn 18:4

Oku-ọnụ ịhịan nọ kẹ okẹn mirin mini; amamihiẹn nọ kẹ mirin iyi rị e huni.

Ẹbụ Solomọnụ 7:13

Ihiẹn-akụnkụn mandreki e kunmẹgụọ fuẹin, mkpụrụ-osisi ile a kọnị rị ọnụmụzọ iwe ẹnyi, kẹ nke ọhụn kẹ nke akan — hụn m dọnmẹni yụ wụ Nke-m.

Matiu 12:35

Ezigbo ịhịan a gha ihiẹn rị mma o butọ e wepụha ihiẹn rị mma, kanị eje-ịhịan a gha eje-ihiẹn o butọ e wepụha eje-ihiẹn.

Matiu 13:51

Jizọsị nọ sị ndị nsọnmazụụn a, “Ụnụ a ghọtagụọ ihiẹn ndịnị ile?” Wẹ nọ sị a, “Ẹghẹẹ.”

Matiu 13:53

Ogẹn Jizọsị gi tagụ ilu ndịnị wẹ, ọ nọ gha ebahụn pụ,

Matiu 23:34

“M jẹnkọ nwan d'e zihẹni ụnụ ndị amụma lẹ ndị marịn ihiẹn lẹ ndị marịn Iwu Mozizi ọhụnma. Ụnụ jẹnkọ d'e gbu ụfọdụ, kpọma ụfọdụ ye osisi gbu, fịan ụfọdụ mkpịnsịn imẹ ụlọ-ofufe ụnụ; ụnụ sikọ d'a gha a chụ wẹ gha obodo pụ obodo,

Matiu 28:19

Jẹnmẹ ni nwan d'e mẹ ndị alị ile rị ichẹn-ichẹn wụrụ ndị e sọnni m; e gi ni ẹfan Nẹdi lẹ Nwa lẹ Mmọn-nsọ e mẹ wẹ mirin-Chuku.

Luku 11:49

Ufiri ihiẹnni kẹ Amamihiẹn Osolobuẹ gi sị, ‘M jẹnkọ d'e zijẹnni wẹ ndị-amụma lẹ ndị-ozi pụ-ichẹn: wẹ jẹnkọ d'e gbu ndị wẹ k'e gbu, kpokpo ndị wẹ k'e kpokpo.’

Jọnụ 13:34

M rị nwan e ye ụnụ iwu ọhụn: e nwọn ni ihiẹn-ọsụsụọ ibe ụnụ. Kẹ m dọn nwọn ihiẹn-ọsụsụọ ụnụ kẹ ụnụ k'a dọn nwọn ihiẹn-ọsụsụọ ibe ụnụ.

Ndị Kọrẹntị Nke Ẹbụọ 6:10

ghahanị nị ẹnyi a ghọghọ ogẹn ile ọsụọn'a nị ihiẹn ẹkwan e mẹ ẹnyi ogẹn ile; ghahanị ịrị kẹ ndị igbẹnnyẹ bụ ẹnyi e mẹ ndị bu ọda a wụrụ ịdanfịn; ghahanị ịrị kẹ ndị nwọnlẹni ihiẹn ọwụlẹ bụ ihiẹn ile wụ nke ẹnyi.

Ndị Ẹfẹsọsụ 3:4

Ụnụ gụn a, ụnụ a hụn kẹ m ghọtahan ihiẹn-omimini, kẹ m ghọtahan Kraịstị.

Ndị Ẹfẹsọsụ 3:8

Ọsụọn'a nị mmẹ kachanrịndẹ ntịn imẹ ndị nke Osolobuẹ, o ye m oyiyeni kẹni m zi ndị alị ọzọ oziọmanị, gwa wẹ ezigbo ihiẹn nwọnlẹni ọgụgụ hụn jun imẹ Kraịstị,

Ndị Kolosị 1:7

Ọnụ Ẹpafrasị, ezi igbọn Kraịstị ibe ẹnyi kẹ ụnụ nọ nụ oziọmanị. Onyẹ-ọrụn Kraịstị hụn furu wẹ gi e dọn ẹnya hụn rị a rụnnị ụnụ ọrụn k'ọ wụ.

Ndị Kolosị 3:16

A nị nị oku Kraịstị a rị imẹ ndụn ụnụ ọda-ọda. E gi ni amamihiẹn lẹ akọ-lẹ-uche ile a kuzi ibe ụnụ, a dụn wẹ ọdụn; e gi obi rị a kpanmịn Osolobuẹ a bụnị Osolobuẹ ẹbụ-ọma rị Ẹkụkwọ-nsọ lẹ ẹbụ-ofufe lẹ ẹbụ-nsọ.

Timoti Ibuzọ 3:6

Ọ wụkọ onyẹ sọnmẹ Kraịstị nke ọhụn, amamgbe isi e bumẹ ẹ, ikpe ma Ekwensụ a ma ya nwẹn.

Taịtọsụ 1:9

O k'a marịnrịrị ẹnya nkuzi ahụn furu w'a tụkwasị obi hụn rị okukwe ẹnyi, kẹni ọ saẹka gi nkuzi zu oke a gba ndị ọzọ umẹ, e gizi ẹ a ghọsị ndị hụn a papụ nkuzi ahụn nị wẹ rị e mẹfie.