Matiu 12:42 - Ika

⁴² “Eze-okpoho alị Shẹba jẹnkọ d'a shịagbu agbọnị ẹri ogẹn Okinkin-ikpe. Makẹni, ọ gha alị tegbu enwẹn ẹ bịa d'e gọn amamihiẹn Solomọnụ ntịn; ka lee nwan, onyẹ ka Solomọnụ rị ebeni!

Matiu 12:42 ပူးပေါင်းရင်းမြစ်များ

Ndị-nze Nke Ibuzọ 10:24

Ụwa ile hụ a chọha Solomọnụ nị wẹ d'a gọn ntịn ihiẹn ọ rị e gi amamihiẹn Osolobuẹ ye ẹ e ku.

Ndị-nze Nke Ibuzọ 3:12

m jẹnkọ d'e ye i ihiẹn ị rịọ! M jẹnkọ d'e ye i amamihiẹn lẹ obi nghọta, ụdị hụn o k'e gi wụrụ nị onwọnni onyẹ nọ kẹ yụ imẹ ndị bu i ụzọ, onwọnzikwọnị onyẹ k'a nọ kẹ yụ, i bigụ!

Ndị-nze Nke Ibuzọ 3:28

Ogẹn Izrẹlụ ile gi nụ eṅẹnni eze han, egun eze nọ tụma wẹ, makẹni o we wẹ ẹnya nị Osolobuẹ e yeọl'a akọ-lẹ-uche o gi a han eṅẹn.

Ndị-nze Nke Ibuzọ 3:9

Ye nwan odibo i uche n'o gi kị ndị nke i, gi ẹ marịn ihiẹn rị mma lẹ ihiẹn jọ njọ. Onyẹ k'a sa ẹka kị ndị nke i ni bugbu enwẹn wẹ ọda?”

Ndị-nze Nke Ibuzọ 4:29

Osolobuẹ ye Solomọnụ amamihiẹn lẹ okẹn akọ-lẹ-uche, ye ẹ nghọta wẹ ghalẹni a s'ẹka a kọwa.

Ndị-nze Nke Ibuzọ 4:34

Ndị alị ile a bịasọnmẹ d'e gọn ntịn amamihiẹn Solomọnụ — ndị-nze ile rị elu-ụwa hụn nụ ukwere amamihiẹn ẹ e zihẹsọnmẹ ndị nke wẹ d'e gọn ẹ ntịn.

Ndị-nze Nke Ibuzọ 5:12

Ya wụ, Osolobuẹ ye Solomọnụ amamihiẹn k'o dọn kwe ẹ nkwa. Ẹgbata Hiram lẹ Solomọnụ rị mma; wẹ ẹbụọ nọ kwetarị nkwa iyeni ibe wẹ ẹka.

Azaya 7:14

Osolobuẹ lẹ enwẹn ẹ jẹnkọ nwan d'a ghọsị ụnụ ahịma: Lee ẹ, nwagbọọ kelẹni marịn okẹnnyẹ jẹnkọ d'a tụrụ imẹ, mụ okẹnnyẹ, a gụn w'a Imanuẹlụ

Matiu 12:41

“Ndị Ninivẹ jẹnkọ d'a shịagbu agbọnị ẹri ogẹn Okinkin-ikpe, makẹni e rogharịghọ wẹ ogẹn Jona gi zi wẹ ozi Osolobuẹ; ka lee nwan, onyẹ ka Jọnụ rị ebeni!

Matiu 12:6

“M rị nwan a gwa ụnụ nị ihiẹn ka Ụlọ-nsọ rị ebeni!

Matiu 17:5

Ebe ọ rị e ku ihiẹnni, orukpu rị e gbukeni nọ kpumẹ wẹ idẹnmizi. Olu nọ gha imẹ orukpu hụ sị, “Ọnwan wụ ezi Nwa m hụn ihiẹn ẹ a sụọ m; gọn n'ẹ ntịn!”

Matiu 3:17

Ya kẹ olu nọ gha elu-igwee sị, “Ọnwan wụ ezi Nwa m, hụn ihiẹn ẹ a sụọ m ọhụnma-ọhụnma.”

Jọnụ 1:14

Oku Chuku nọ họnrin ịhịan, sọn ẹnyi biri elu-ụwa. Ẹfọma lẹ ezioku jun imẹ ẹ! Ẹnyi a hụnọlẹ ikpẹn ẹ, ikpẹn akpụ Nwa ohu Chuku-Nẹdi mụ rọ.

Jọnụ 1:18

Onwọnni onyẹ hụntu Osolobuẹ, kanị akpụ Nwa ohu ọ mụ sụọ, hụn wụ Osolobuẹ, hụn ya lẹ Nẹdi ẹ rị, e mẹgụọ ẹnyi marịn Osolobuẹ.

Ditrọnọmi 30:13

Ẹlẹ ọ rị nfetu Ohimin, hụn ụnụ e gi jụma, “Onyẹ k'e fetu ohimin d'e wẹhẹ ẹ d'a gwa ẹnyi, kẹni ẹnyi mẹ ẹ?”