Matiu 12:34 - Ika

³⁴ Igunrun agwọ! Nanị ụnụ a dọn ku ihiẹn rị mma ebe ụnụ wụ ndị-njọ? Ihiẹn jun ịhịan obi ya kẹ ọnụ a e ku.

Matiu 12:34 ပူးပေါင်းရင်းမြစ်များ

Ẹbụ-ọma 53:1

Onyẹ ẹwobi sị enwẹn ẹ, “Chuku arị.” E wiwigụọ wẹ; wẹ hụ e mẹ arụ lẹ eje-ihiẹn. Onwọnni onyẹ e mẹ ihiẹn rị mma.

Ẹbụ-ọma 64:3

W'e sụọnchanpụ ire wẹ kẹ ọpịa-agha, e bu eje-oku wẹ wụ ọbara-ụta e zinmẹ,

Ẹbụ-ọma 64:5

W'e kudẹ ndụn e ye ibe wẹ obi, e ku oku ọnyan wẹ k'e shini ịhịan; a sị, “Onyẹ rị a hụn ẹnyi?”

Itẹn 16:23

Obi onyẹ nwọn uche a gwa ọnụ a ihiẹn o ku hụn ọnụ a gi a saẹka a kuzi ọhụnma.

Itẹn 4:23

Lịlịmakwọ n'ị dọnmẹ obi i ọhụnma, makẹni ịya e ropụha elu y'e bi.

Azaya 32:6

Makẹni, onyẹ nzuzu marịnlẹni Chuku e ku eje-oku, e ro eje-ihiẹn, e mẹ eje-ihiẹn, e kuja oku Osolobuẹ. O yekọ ndị ẹgụn rị a gụn ihiẹn-oriri, o yekọ ndị ẹgụn mirin rị a gụn mirin.

Azaya 59:14

Wẹ ile kẹ ẹnyi gi chụkin ezigbo eṅẹn azụụn, a chụzụka ezi-omumẹ; ezioku nkẹ hụ a lụ ọnwụn ọgbara-ogbe, ihiẹn kụrụ ọtọ ara s'ẹka banhandẹ ọgwa.

Azaya 59:4

Onwọnni onyẹ a chọ ezioku; onwọnni onyẹ e kinchanrịn ihiẹn mẹni. Ikpe wẹ rị e kin ghalẹni e ru alị kẹ wẹ gi e dọn ẹnya, a tụsọnmẹ ntụ; w'e rotọsọnmẹ eje-ihiẹn e mẹ.

Azaya 9:17

Ufiri ẹ, Osolobuẹ eleni ikorọbịa wẹ ẹnya ihun, o mẹdẹni omikẹn ụmụ-ẹka nwọnlẹni nẹdi lẹ nnẹ lẹ ikpoho di wẹ nwụn, makẹni ndịnị ile wụ ndị eje-omumẹ ghalẹni a tụ egun Osolobuẹ; ọnụ ile rị e ku eje-ihiẹn! Kanị, ihiẹnni ile arọkwọnị Osolobuẹ olulu, o wetukwọnị ẹka o gi e mẹshi wẹ ikẹn.

Matiu 12:35

Ezigbo ịhịan a gha ihiẹn rị mma o butọ e wepụha ihiẹn rị mma, kanị eje-ịhịan a gha eje-ihiẹn o butọ e wepụha eje-ihiẹn.

Matiu 15:18

Kanị ihiẹn gha ọnụ pụha gha obi pụha; ịya e mẹrụ ịhịan.

Matiu 23:33

Agwọ kẹ ụnụ wụ! Igunrun ẹjụ-alị! Nanị ụnụ e dọn wanahịn afụnfụn ọkụn-mmọn?

Matiu 3:7

Kanị, ogẹn o gi hụn kẹ ndị bu ọda imẹ ndị itu-Farisi lẹ ndị itu-Sadusi rị a bịa n'o mẹ wẹ mirin-Chuku, ọ nọ sị wẹ, “Igunrun agwọ! Onyẹ sị ụnụ gba nị iwe lẹ ọnụma Osolobuẹ lalanị ọsọ?!

Luku 3:7

Jọnụ hụ a sị igunrun ndị hụ rị a bịa n'o mẹ wẹ mirin-Chuku, “Igunrun ẹjụ-alị! Onyẹ sị ụnụ gbanahịn iwe lẹ ọnụma Osolobuẹ lalanị?!

Luku 6:45

Ezigbo ịhịan a gha ezigbo ihiẹn o butọ imẹ obi ẹ e wepụha ezigbo ihiẹn; kanị eje-ịhịan a gha eje-ihiẹn o butọ e wepụha eje-ihiẹn. Makẹni, ihiẹn hụn jun imẹ obi kẹ ọnụ e ku.

Jọnụ 8:44

“Ụnụ wụ nke Ekwensụ nẹdi ụnụ. Ihiẹn nẹdi ụnụ chọ kẹ ụnụ chọ nwan nị ụnụ mẹ. Izighẹ k'ọ wụ gha isi mbidọn lala; ọ kwadọntuni ezioku — makẹni ezioku arị imẹ ẹ. Ọ gha a tụ ntụ, onwọnni ihiẹn ọ kpọ a, makẹni onyẹ ntụ lẹ nẹdi ntụ k'ọ wụ.

Ndị Ẹfẹsọsụ 4:29

Anịlẹ ni eje-oku pụha ụnụ ọnụ, kanị oku rị mma a gba ịhịan umẹ, a bann'a erere imẹ ọnọdị ọ rị, kẹni oku ọnụ ụnụ e yeni ndị rị e gọn ntịn ẹka.

Ndị Ẹfẹsọsụ 5:4

mọbụ oku e mẹ ifẹnrẹn mọbụ oku ẹwobi mọbụ ịkpa ẹmụ rịlẹni mma. Kama, e gi ni ọnụ ụnụ e yesọnmẹ Osolobuẹ ekele.

Jemisi 3:2

Ọ rụnahịn ẹnyi ile arụnahịn. Onyẹ oku-ọnụ ghalẹni a rụnahịn e zugụọ oke: n'ọ sazịghọ ẹka kwọndọnchanrịn ẹhụ a ile.

Jọnụ Ibuzọ 3:10

Ọnwan kẹ wẹ gi a marịn ndị wụ ụmụ Osolobuẹ lẹ ndị wụ ụmụ Ekwensụ: onyẹ ọwụlẹ ghalẹni e mẹ ihiẹn rị mma mọbụ onyẹ ihiẹn ibe ẹ ghalẹni a sụọ ẹlẹ nwa Osolobuẹ.

Samuẹlụ Nke Ibuzọ 24:13

Ọ nọ nwan kẹ ndị akan dọn ku ẹ, ‘Imẹ ndị e mẹ eje-ihiẹn kẹ eje-ihiẹn gha a pụhasọnmẹ.’ Emẹtụkọ m'ị nwan ẹka.