Matiu 12:20 - Ika

²⁰ Ọ kpagipụkọ achara-iyi rị a kpagini mọbụ tinyụnpụ ukpẹ rị e tinyụnnị, d'e ru n'o ye ezioku mmẹri.

Matiu 12:20 ပူးပေါင်းရင်းမြစ်များ

Ndị-nze Nke Ẹbụọ 18:21

Lekwọ ẹnya: ikẹnkwọ ị rị e gi Ijiptu e dọn ẹnya — ọkpọ achara-iyi hụ wẹ wagụnị, hụn e zupu onyẹ danbemẹn'ẹ ẹka o gi kwọndọn ẹ. Ẹrịra kẹ Fẹro eze Ijiptu e mẹkwọ ndị ile gi ẹ dọn ẹnya.

Ẹbụ-ọma 147:3

Ọ kasị ndị obi rị a gbawa obi, o kẹnmẹ wẹ ebe wẹ rụsọnmẹ ẹhụ.

Ẹbụ-ọma 51:17

Ẹjan Osolobuẹ chọ wụ obi njọ a rị a fụ; Osolobuẹ, y'a jụkọ obi welụa enwẹn ẹ alị njọ a rị a fụ!

Azaya 40:11

O k'e lepụ atụnrụn a ẹnya lekẹ onyẹ e du atụnrụn; ọ pa ụmụ atụnrụn rịn'a, a pa wẹ e che obi; o tu udọn e du ndị kị ụmụ.

Azaya 57:15

Makẹni, Onyẹ hụ kachanrịnnị hụn rị ebe kachanrịnnị, Onyẹ hụn rị ndụn jẹnrin ejẹn, hụn ẹfan a rị nsọ, sị, “M bi ebe jẹn elu, ebe rị nsọ kanị mmẹ lẹ onyẹ ọwụlẹ hụn gi akpakalị obi ẹ rogharị bizikwọ, onyẹ ọwụlẹ hụn e welụa enwẹn ẹ alị — kẹni m hụn ụzọ mẹ ndụn banzị ndị welụa enwẹn wẹ alị, mẹ ndụn banzị ndị gi akpakalị obi wẹ rogharị.

Izikẹlụ 34:16

M k'a chọ ndị tuhuni; m k'e wekinhẹn ndị kpahuni. M k'e kẹnmẹ ndị rụ ẹhụ ebe wẹ rụ ẹhụ, e mẹ m ndị kẹnrẹnlẹni kẹnrẹn. Kanị m k'e tikpọ ndị tutuni lẹ ndị kẹnrẹnni hụn rị a kpangbu ibe wẹ. M k'e du wẹ ile k'o dọn furu.

Lẹvitikọsụ 10:20

Ogẹn Mozizi gi nụ ọnwan, ẹfọ nọ jun ẹ.

Matiu 11:28

“Bịa nị d'e kunrun m, ụnụ ile ndụn gụ, bu ibu nyịnnị, m jẹnkọ d'e ye ụnụ ezumikẹn.

Matiu 11:7

Ndị nsọnmazụụn Jọnụ a pụ, Jizọsị nọ gwama igunrun hụ oku Jọnụ, sị, “Kị ụnụ jẹn imẹ atụ d'e lee? Ẹfịfịa ufere rị e buhunmẹ?

Luku 4:18

“Mmọn Di-nwọnni-ẹnyi rị imẹ m, makẹni o tumẹ m d'e zi ndị igbẹnnyẹ oziọma. O zi m d'a sị ndị rị imẹ ẹgbụn nwọnrin enwẹn wẹ, d'a sị ndị ẹnya-ishi hụnma ụzọ, d'a gbapụha ndị wẹ rị a bịangbu;

Ndị Kọrẹntị Nke Ẹbụọ 2:14

Kanị ekele ya rịnị Osolobuẹ — makẹni o yesọnmẹ ẹnyi mmẹri okpuru Kraịstị ebe-lẹ-ebe ẹnyi jẹn, e gi ẹnyi e mẹ ishin-ọma ozi Kraịstị e kungbarị ebe ile.

Ndị Kọrẹntị Nke Ẹbụọ 2:7

Gbagharị n'a nwan, gba a umẹ, amamgbe ọ fụ a ghafe okẹn, ndụn a gụ a.

Rẹvẹleshọnụ 6:2

M nọ lee ẹnya, e lee ẹshin ọchan! Onyẹ rị e nyinn'ẹ gi ụtaa. Wẹ nọ ye ẹ okpu-eze, ọ nọ nyinrin ẹshin ẹ pụ d'e mẹrisọnmẹ agha.