Matiu 12:18 - Ika

¹⁸ “Lee odibo m, hụn m tumẹ; ezi odibo m rọ; ihiẹn ẹ a sụọka m. M jẹnkọ d'e bu Mmọn-nsọ m kwasị a; o k'e mẹ alị ndị ọzọ marịn ezioku.

Matiu 12:18 ပူးပေါင်းရင်းမြစ်များ

Ẹbụ-ọma 89:19

Ya kẹ ị gwa ndị nke i imẹ ọhụn, sị, “E yegụọnị m odogun-agha ohu ẹka gbọrị; e bushigụọ m onyẹ ohu m họrị imẹ ndị alịnị elu.

Azaya 11:2

Mmọn Osolobuẹ k'a rị imẹ ẹ — Mmọn amamihiẹn lẹ nghọta; Mmọn ndụnmọdụn, Mmọn o gi e nwọn ikẹn; Mmọn o gi a marịn ihiẹn, Mmọn o gi a tụ egun Osolobuẹ;

Azaya 42:1

Lee ni odibo m, hụn m kwadọn, onyẹ hụn m họrị hụn ihiẹn ẹ a sụọ m! E bugụọ m Mmọn m kwasị a; o k'e ye ndị alị ichẹn-ichẹn iwu rị mma.

Azaya 52:13

Osolobuẹ sị, lee ẹ, ihiẹn jẹnkọ d'a ghanị odibo m; o k'e nwọn ọghọ, wụrụ onyẹ rị mkpa; o k'a wụ onyẹ rị mkpa ọda-ọda

Azaya 53:11

Ọ tagụ afụnfụn, nwụnhụn, ọ k'a hụn ihiẹn ọ rụn, ẹfọ e jun ẹ. Odibo m k'e mẹ wẹ hatu ndị bu ọda ikpe ma hụn sikọ d'a marịnn'a — o k'e buru njọ wẹ.

Azaya 62:2

Alị ndị ọzọ k'a hụn n'ọ rịgụọn'ị mma; ndị-nze ile k'a hụn ọghọ ị. Wẹ k'a kpọma ị ẹfan ọhụn hụn Osolobuẹ k'e gi ọnụ a gụn ị.

Jerimaya 16:19

Euu, Osolobuẹ, Ikẹn m lẹ Ebe m'a gbaban, Onyẹ m'e gbọnni ogẹn nsọngbu! Ndị alị ile rị elu-ụwa jẹnkọ d'e buruhẹ i, sị ị, “Mmọn ndị ahụn ndị nẹdi ẹnyi fe ẹlẹ Chuku nke-esi, ihiẹn wẹ kpụhụ kẹ wẹ wụ o nwọnni erere wẹ bannị wẹ.

Zẹkaraya 3:8

Gọn nwan ntịn Joshụa, onyẹ-isi ndị nchụn-ẹjan, ịyụ lẹ ndị nchụn-ẹjan ibe i hụn a rụn okpuru i, makẹni ụnụ wụ ihiẹn-ahịma m gi a ghọsị ihiẹn jẹnkọ d'e mẹni: M sikọ d'e wẹhẹ odibo m wụ Agalaba.

Matiu 12:17

Ẹrịra kẹ wẹ dọn mẹzu ihiẹn Osolobuẹ gi Azaya onyẹ-amụma ku, sị,

Matiu 17:5

Ebe ọ rị e ku ihiẹnni, orukpu rị e gbukeni nọ kpumẹ wẹ idẹnmizi. Olu nọ gha imẹ orukpu hụ sị, “Ọnwan wụ ezi Nwa m hụn ihiẹn ẹ a sụọ m; gọn n'ẹ ntịn!”

Makị 1:11

Ya olu nọ gha elu-igwee sị, “Ịyụ wụ ezi Nwa m; ihiẹn i a sụọka m.”

Makị 9:7

Orukpu nọ pụha d'e kpumẹ wẹ; olu nọ gha imẹ orukpu hụ sị, “Ọnwan wụ ezi Nwa m; gọn n'ẹ ntịn!”

Luku 23:35

Igunrun ịhịan turu ebẹhụ, e lee ile; kanị, ndị-isi ndị Ju hụ a mụ a ẹmụ, a sị, “Ọ zụọgụọ ndị ọzọ, ya zụọ nwan enwẹn ẹ, omẹni ịya wụ Kraịstị Osolobuẹ, Onyẹ hụ Osolobuẹ họrị!”

Luku 3:22

Mmọn-nsọ nọ gi ẹhụ nduru hidan, bekwasị a. Olu nọ gha elu-igwee sị, “Ịyụ wụ ezi Nwa m; ihiẹn i a sụọka m.”

Luku 4:18

“Mmọn Di-nwọnni-ẹnyi rị imẹ m, makẹni o tumẹ m d'e zi ndị igbẹnnyẹ oziọma. O zi m d'a sị ndị rị imẹ ẹgbụn nwọnrin enwẹn wẹ, d'a sị ndị ẹnya-ishi hụnma ụzọ, d'a gbapụha ndị wẹ rị a bịangbu;

Luku 9:35

Olu nọ gha imẹ orukpu hụ sị, “Ọnwan wụ Nwa m, Onyẹ hụn m họrị, gọnn'ẹ ntịn!”

Jọnụ 3:34

Makẹni onyẹ Osolobuẹ zihẹ rọ, o ku oku Osolobuẹ, ufiri nị Osolobuẹ eyen'ẹ Mmọn-nsọ yehọdụ.

Ọrụn Ndị-ozi 10:38

kẹ Jizọsị onyẹ Nazarẹtị hụn Osolobuẹ tumẹ, gi Mmọn-nsọ lẹ ikẹn gbajun, dọn jẹnhunmẹ, e mẹ ihiẹn rị mma, a zụọ ndị ile Ekwensụ rị e kpokpo, makẹni Osolobuẹ nọyen'ẹ.

Ọrụn Ndị-ozi 11:18

A nụgụ wẹ ihiẹnni, onwọnzini ihiẹn wẹ ku; a ja wẹ Osolobuẹ mma, sị, “Ya wụ nị Osolobuẹ e yegụọzị nwan ndị wụlẹni ndị Ju oghere rogharị, nwọnrin ndụn!”

Ọrụn Ndị-ozi 14:27

Ogẹn wẹ gi ru Antịọkụ rị Siria, wẹ nọ kpọgbama ndị ụka, gwa wẹ ihiẹn ile Osolobuẹ gi wẹ rụn lẹ k'o dọn kpọpụnị ndị alị ọzọ ụzọ okukwe.

Ndị Ẹfẹsọsụ 1:6

Osolobuẹ mẹ ẹ kẹni wẹ ja Osolobuẹ mma o gi mẹni ẹnyi okẹn ẹfọmanị ghahanị ezi Nwa a!

Ndị Kolosị 1:1

Mmẹ wụ Pọlụ de ẹkụkwọ-ozini. M wụ onyẹ-ozi pụ-ichẹn Kraịstị wụ Jizọsị, makẹni uche Osolobuẹ rọ. Mmẹ lẹ Timoti nwẹnẹ ẹnyi gba de ẹ.

Ndị Kolosị 1:13

Ọ zụọpụhagụọ ẹnyi okpuru ishi, bu ẹnyi che Alị-eze ezi Nwa a,

Pita Ibuzọ 2:4

Ụnụ a bịagụọ nwan d'e kunrun ẹ: ọmụma ahụn rị ndụn, hụn ịhịan jụ; kanị ẹnya Osolobuẹ, ọmụma ọ họrị hụn rị okẹn mkpa k'ọ wụ.

Pita Nke Ẹbụọ 1:17

Chuku-Nẹdi ye Jizọsị ọghọ lẹ ikpẹn ogẹn hụ Chuku-Nẹdi gi gha elu-igwee gi olu ẹ ku oku. Olu ahụn nwọn Ọghọ ahụn Kachanrịnnị hụn sị, “Ọnwan wụ ezi Nwa m; ihiẹn ẹ a sụọka m!”