Matiu 11:3 - Ika

³ sị a, “Ịyụ wụdẹ nwan onyẹ ahụn wẹ rị a tụ ẹnya a ra ẹnyi sikọ d'e lemẹ ẹnya onyẹ ọzọ?”

Matiu 11:3 ပူးပေါင်းရင်းမြစ်များ

Jẹnẹsisi 12:3

M k'a gọzi ndị hụn gọzini i, kanị, onyẹ bụ ị ọnụ, a bụ m'a ọnụ. Ịyụ kẹ ebọn ile rị elu-ụwa k'a gha nwọnhẹn ngọzi.”

Jẹnẹsisi 3:15

“M k'e mẹ ịyụ lẹ okpohoni wụrụ eṅẹnrẹn, mẹzikwọ nwa ị lẹ nwa a wụrụ eṅẹnrẹn. Nwa a k'a zọkpọ ị isi; yụ nwẹn k'a ta nwa a atụ-ụkụ azụụn.”

Jẹnẹsisi 49:10

Ọkpọ-eze aghakọ Juda ẹka pụ, ọkpọ onyẹ-ọkịkị aghakọ a ngadan pụ — d'e ru mgbe onyẹ nwọn ọkpọ ahụn e gi bịa. Ndị alị ichẹn-ichẹn k'a gha e buhẹ ihiẹn d'a chann'a ẹnya, e sekpun'ẹ alị.

Ẹbụ-ọma 118:26

Ngọzi ya rịnị onyẹ hụn gi ẹfan Osolobuẹ bịa! Ẹnyi gha Ụlọ-nsọ Osolobuẹ e kele ụnụ.

Azaya 7:14

Osolobuẹ lẹ enwẹn ẹ jẹnkọ nwan d'a ghọsị ụnụ ahịma: Lee ẹ, nwagbọọ kelẹni marịn okẹnnyẹ jẹnkọ d'a tụrụ imẹ, mụ okẹnnyẹ, a gụn w'a Imanuẹlụ

Hosia 3:5

Kanị, omẹgụ, ndị Izrẹlụ k'a lụahazị, chọmazị Osolobuẹ wụ Chuku wẹ lẹ onyẹ ebọn Defidi ahụn k'a wụ eze wẹ. Wẹ k'a ma piripiri bịa d'e kunrun Osolobuẹ lẹ ngọzi ẹ — ogẹn ikpanzụụn.

Obadaya 1:21

Ndị mgbapụha jẹnkọ e shi Ugu Zayọnụ d'a nọ a kị Ugu-Ịsọ wụ alị Ẹdọm. Ogẹn ahụn, Osolobuẹ lẹ enwẹn ẹ k'a wụ eze.

Maịka 5:2

Kanị, ịyụ, Bẹt'lẹhẹm Ẹfrata, hụn nwọnlẹni ihiẹn ọ wụ imẹ ebọn ndị rị Juda, imẹ i kẹ onyẹ-ọkịkị a gha pụhanị m, d'a kị ndị Izrẹlụ, Onyẹ hụn rị ẹdẹi, rị kete-kete.

Hagaị 2:7

M k'e mẹhunmẹ alị ile rị ichẹn-ichẹn, ihiẹn rị mkpa rị imẹ wẹ a bịa ebeni, e ye m Ụlọnị ọghọ ọhụnma-ọhụnma. Ya kẹ Osolobuẹ ihiẹn ile rị okpuru ẹ ku.

Zẹkaraya 9:9

Zayọnụ, ghọghọma ọda-ọda! Obodo Jerusalẹm, yi oro ịghọghọ! Lee ẹ, eze i lala d'e kunrun i! Onyẹ ezi-omumẹ lẹ onyẹ-mmẹri k'ọ wụ; o welụa enwẹn ẹ alị, nyinla okẹn jaki, nwa Jaki!

Malakaị 3:1

Lee ẹ, m zila nwan onyẹ-ozi m n'o d'a kwanị m ụzọ. Ogẹn ahụn, Di-nwọnni ụnụ nwẹn ụnụ rị a chọ, a bịa Ụlọ-NSỌ a idẹnmizi; onyẹ-ozi hụ k'e mẹ oku nkwerigbama ụnụ rị e gi ẹnya ẹbụọ a chọ, lala! Ya kẹ Osolobuẹ ihiẹn ile rị okpuru ẹ ku.

Malakaị 4:2

“Kanị, anwụn ihiẹn gi a rị mma sikọ d'a wanị ụnụ ile hụn a gbayeni m; o k'e bu nzụọrị ẹka-nku fehẹ, ụnụ a pụha, tụshimẹ elu nọkẹ ụmụ-efin wẹ kpọpụnị ụzọ!

Ọgụngụn 24:17

M hụ a hụn a — kanị ẹlẹ ihiẹn kikẹnni; m hụ e legha a — kanị ẹlẹ ihiẹn ẹhụ nsue. Kokisẹ ohu k'a gha ebọn Jekọpụ pụha; Ọkpọ-eze k'a gha imẹ Izrẹlụ pụha. O k'a kụkpụkpọ alị Mụabụ ezimezi ihun, kụkpụkpọ wẹ ile wụ ndị Shẹti okpokomisi.

Matiu 11:10

Hụnnị wụ onyẹ hụ wẹ de banyen'ẹ, sị, ‘Lee ẹ, m zila onyẹ-ozi m d'e burun'i ụzọ; ịya sikọ d'a kwan'ị ụzọ.’

Matiu 11:4

Jizọsị nọ za wẹ, sị, “Jẹn ni d'a gwa Jọnụ ihiẹn ụnụ rị a nụ lẹ ihiẹn ụnụ rị a hụn:

Matiu 21:5

“Sị nị ndị obodo Zayọnụ, lee ẹ, eze ụnụ lala d'e kunrun ụnụ, o welụa enwẹn ẹ alị: ọ nyinla Jaki lẹ nwa-jaki.”

Matiu 21:9

Igunrun hụ rị a ihun lẹ ndị sọnkọn'a hụ e yi oro, a sị, “Ọjịja-mma ya rịnị Nwa Defidi! Ngọzi ya rịnị Onyẹ hụ gi ẹfan Di-nwọnni-ẹnyi lala! Ọjịja-mma ya rị nị Osolobuẹ imẹ ebẹhụ kachanrịn elu-igwee.”

Makị 11:9

Ndị rị ihun lẹ ndị rị e sọnn'ẹ hụ e yi, “Hozana! Ngọzi ya rịnị Onyẹ hụn gi ẹfan Di-nwọnni-ẹnyi lala!

Luku 19:38

“Ịja-mma ya rịnị Eze ahụn gi ẹfan Di-nwọnni-ẹnyi bịa! Udọn ya rị elu-igwee, Ngọzi ya rịnị Osolobuẹ ebẹhụ kachanrịn elu ejẹn.”

Jọnụ 11:27

Mata nọ sị a, “Ẹghẹẹ Di-nwọnni-ẹnyi, e kwerighọ m nị yụ wụ Kraịstị Nwa Osolobuẹ, onyẹ ahụn wẹ rị e lee ẹnya a elu ụwa.”

Jọnụ 12:13

ya wẹ nọ werisọnmẹ iguru, jẹnmẹ d'e kunrun ẹ, e yi, “Ja nị Osolobuẹ mma; ngọzi ya rịnị onyẹ ahụn gi ẹfan Di-nwọnni-ẹnyi lala, ọjịja-mma ya rịnị Chuku hụn wụ Eze Izrẹlụ.”

Jọnụ 16:14

O jẹnkọ d'e ye m ọghọ, makẹni o k'e weri ihiẹn m k'e ye ẹ, gwa ụnụ.

Jọnụ 4:21

Jesu nọ sị a, “Okpoho, kweri ihiẹn m rị e ku: ogẹn lala, hụn ụnụ jẹnkọlẹni d'a nọzị kẹ elu uguni kẹ imẹ Jerusalẹm fe Chuku-Nẹdi.

Jọnụ 6:14

Ogẹn ndị ahụn gi hụn ọrụn-atụmẹnya Jizọsị rụn, wẹ nọ sị, “Ezioku-ezioku, ọnwan wụ onyẹ-amụma hụ Ẹkụkwọ-nsọ sị n'ọ lala imẹ ụwa!”

Jọnụ 7:31

K'osilẹrị, ndị bu ọda rị ebẹhụ kwerinin'ẹ — wẹ sị, “Elee ọrụn-atụmẹnya nkẹ Kraịstị a rụn ọ bịa hụn ka hụn okẹnnyẹni rị a rụn?”

Hibru 10:37

Nọkẹ kẹ Ẹkụkwọ-nsọ dọn ku, “Ọ họdụ ẹkẹrẹ, onyẹ hụn lalanị a bịa — o biekọ.