Matiu 10:36 - Ika

³⁶ Ndị ikpụlọ ịhịan jẹnkọ d'a wụ ndị-iṅẹnrẹn ẹ.

Matiu 10:36 ပူးပေါင်းရင်းမြစ်များ

Jẹnẹsisi 3:15

“M k'e mẹ ịyụ lẹ okpohoni wụrụ eṅẹnrẹn, mẹzikwọ nwa ị lẹ nwa a wụrụ eṅẹnrẹn. Nwa a k'a zọkpọ ị isi; yụ nwẹn k'a ta nwa a atụ-ụkụ azụụn.”

Samuẹlụ Nke Ẹbụọ 16:11

Defidi nọ nwan sị Abishaị lẹ ịhaịmẹ ẹ ile, “Lee n'ẹ, nwa ẹfọ m rị nwan a chọ n'o gbu m, ọrịwụzị onyẹ ebọn Bẹnjamini-ni! Ha n'a ye; ya kpọma — nị Osolobuẹ sị a kpọ.

Ẹbụ-ọma 41:9

Kẹ ezigbo ọwụ m hụn m gi dọn ẹnya, ọwụ m mmẹ lẹ ịya gba e ri ihiẹn-oriri, e bugụọ nụmanị m.

Ẹbụ-ọma 55:13

Kanị, ịyụ rọ, ibe m, ezigbo ọwụ m hụn m gi e mẹ ẹhụ;

Azaya 19:2

“M k'e mẹ Ijiptu bunụmanị enwẹn ẹ — mẹ nwẹnẹ lẹ nwẹnẹ lụma ọgụn imẹ ẹ, onyẹ-onyẹ imẹ Ijiptu a lụsọnmẹ ndị bikunman'a ọgụn, obodo ndị rịn'a a lụsọnmẹ ibe wẹ ọgụn; alị-eze ndị rịn'a a lụsọnmẹ ibe wẹ ọgụn.

Jerimaya 12:6

Umunẹ i, ndị nẹdi i mụ yụ lẹ wẹ e rezighọdẹ i; e gigụọ wẹ i yi oro. Ọsụọn'a wẹ rị e ku oku i ọhụnma ebe ị rị, egikwọlẹ wẹ dọn ẹnya.

Jerimaya 20:10

M hụ a nụ kẹ ndị bu ọda rị a ka-ụka: a kpọ m ‘Ihiẹn-egun E Jun Azụụn ile!’ A sị ‘Kpe n'ẹ! Nị ẹnyi kpe n'ẹ!’ Ndị ile m kpọ ndị ọwụ m hụzịdẹ nwan e che nị m dan. Wẹ hụ a sị, ‘Ikẹnkwọ nị ẹnyi s'ẹka rẹrẹrị a — ẹka ẹnyi a karị nke ẹ, ẹnyi a hụn ụzọ mẹgwarị a.’

Maịka 7:6

Makẹni, okẹnnyẹ rị nwan e legberi nẹdi ẹ; okpoho rị e bu a nụmanị nnẹ mụn'a; nwunyẹ-nwa rị e bu a nụmanị nnẹ-di ẹ; ndị rị ikpụlọ ịhịan wụ nwan ndị iṅẹnrẹn ẹ.

Matiu 10:21

“Nwẹnẹ k'e we nwẹnẹ ye wẹ gbu; nẹdi k'e we nwa a ye wẹ gbu; ụmụ k'e bunụmanị ndị mụnị wẹ, mẹ wẹ gbu wẹ.

Jọnụ 13:8

Kanị Pita nọ sị a, “Onwọnni ogẹn y'e gi chan m ụkụ, kaka!” Jesu nọ sị a, “Omẹni achannị m'ị, onwọnni ihiẹn mmẹ lẹ yụ gi.”

Samuẹlụ Nke Ibuzọ 17:28

Kanị ogẹn nwẹnẹ Defidi hụn kanị wụ Ẹliabụ gi nụ kẹ Defidi lẹ ndị hụ rị e ku, ọ nọ gi olulu sị a, “K'ị bịadẹ nwan ebeni d'e mẹ? Onyẹ k'ị latọnị atụnrụn ndị ahụn bulẹni ọda imẹ atụ? A marịnghọ m kẹ y'e mẹkarịhan enwẹn i lẹ kẹ obi jọhan ị njọ. Agha k'ị bịahụ ebeni d'e lee.”